مشكلة اسمها الامان فى الحب!!!!

معلش انا عارف انى هغلس عليكى بالكلام ده بس بجد نفسى اعرف حاجة والاقيكى ليها حل


الموضوع ده انا عايز اصنفه يعنى ضمن مشاكل الحب ولا لا

هو يعنى ايه الامان فى الحب

حد يقدر يقولى يعنى ايه الامان فى الحب طيب يعنى هو مش لما اتنين بيحبوا بعض بيبقى في بينهم امان ازاى واحد هيحب واحدة او واحدة هتحب واحد وهيا مش حاسة معاه بالامان اذن هيا مش بتحبه طيب لو بتحبه ايه الامان اللى بتقول عليه ده

لما واحد مستعد يعمل اى حاجة علشان يسعدها واى حاجة هتقول عليها تتنفذ يبقى فى حد ذاته مش اسمه امان
طيب لو هو عمل كل ده وفى الاخر هيا كمان مش حاسة معاه بالامان يبقى معاناه ايه الكلام ده


طيب بلاش لما تلاقى انسان بتحبه بجد وهتموت عليه ونفسه يبقى فى يوم من الايام شريك حياتك بس هو بعيد عنك
وانت بتعمل كل حاجة علشان ترضيه وفى الاخر المقابل يعنى اللى تاخده منه هو خداع ومفيش صراحة وعمره ما كان صريح معاك ولما تطلب منه حاجة يعمل عكسها ده يتسمى ايه


طيب برضه بلاش دى دايما دايما يبص على عيوب غيره وعمره ما بص على عيوبه ويوم ما تيجى تقوله عيوبه يعمل نفسه عبيط

هو الحب بين اتنين مش انى كل واحد يتغير علشان التانى
لما الانسان اللى انت بتحبه بتتغير علشانه وتعمل كل حاجة هو نفسه فيها وهو ميفكرش مرة واحدة بس يتحرك من مكانه ولا يحسسك بحبه ليك ولا يتغير علشانك بل للاسوء يبقى ده معاناه ايه



انا نفسى بجد اعرف معنى واحد للكلام ده كله
وفى اخر الكلام يوم ما تيجى تعاتبه او تقوله حاجة او تزعل منه علشان بس انت خايف عليه
يعنى انت بتعمل حاجة او بتقوله على حاجة علشان خايف عليه منها بدل ما يضر نفسه

يجى فى الاخر يقولك كلمة واحد مش حافظ غيرها

انا مش حاسس معاك بالامان

يبقى ده معاناه ايه

اولا لو عاوزة تصنفى الموضوع ممكن يكون مع مشاكل الحب

ثانيا
لما تتكلمى بصفة عامة عن الحب فانتى بالمعنى الأول هتلاقى نفسك بتتكلمى عن الأمان من غير ماتحسى
اما انك ماتحسيش بالأمان معنى كدة مفيش حب أساسا

هو ممكن يكون حب مراهقة مفهوش اتزان
يعنى ممكن نسميه اشتياق للحب
وفى الوقت ده يبقى الحياة فيه متلغبطة
ساعات تحسى بالامان
وساعات تحسى بالخوف

لو بتحبوا صح
ثقى كل الثقة ان كل حاجة صح وكويسة هى بس اللى هتحسى بيها
اما لو حسيتى بحاجة غلط
يبقى حبكم من الأول فيه حاجة غلط ومش صح

وده رأيى

**************************************
ملحوظة
ياريت تحطى مواضيعك الجميلة دى فى القسم المناسب ليها
لأنه ممكن يكون مو اضيع كويسة وماتلقيش رد عليها لأنها للأـسف
محطوطة فى قسم مش بتاعها

وميرسى لأنك قريتى ردى
ويارب أكون أفدك فى حاجة .

يا ستي والنبي انا ولد وي انا اسف وي شكرا علي ردك

معلش انا اسفة جداااااااااااااااا
بس اسمك فى الاول ماقدرتش اقراه كويس

إشطه يا بسيونى و موضوعك لوووووووووووز
بس مفيش حب من غير امان زى ميشو مقال لإن لو فى كده يبقى ممكن الخيانه تبقى موجوده فى أى وقت بس بجد
تسلم

انت والله ياميزو ردك جاهز على طول اللهم لا حسد يعنى


بتقول من غير متفكر


واضح انك عندك خبرة جامدة فى الحياة

وانا متفق معاك يا وزا

فعلا ياهايدى كلامك صح جدا ازاى هيكون فى حب مبنى على خوف يبقا ده ضحك ع العقول مش حب

واستمر يابسيونى ف مواضيعك انت روحت فين ؟