مبادرة الصداقة والاخاء ( لمن استعصت عليه مشكلة فنحن معا لحلها )

ان كنا فى منتدى واحد
ندعى أننا أصدقاء وأحيانا نفخر ان كنا أخوة

فلما لا نكون هكذا
مبادرة للاخاء والصداقة
مبادرة لكى نساعد بعضنا فى مشاكلنا
مبادرة لكى نكون بالفعل أصدقاء ولسنا أعضاء فى منتدى فقط

وهذه المبادرة ستكون لمن بداخله هموم
سنساعده بكل ما نملك
بأرائنا و بقلمنا وأناملنا
سنفعل كل ما بوسعنا حتى نزيح عنكم ألامكم

خطر هذا الموضوع فى بالى وخاصة بعض مشكلة اسلام
وكلام حلمى لما قال لازم حد من أصدقاءه يساعده فى محنته

ففكرت لما لا نكون نحن الأصدقاء
نقف بجانب بعضنا ونساعد بأرائنا المحتاج

والأن هذا الموضوع مفتوح لمن لديه مشاكل
أو لمن أحسسنا أنه فى مشكلة ويحتاج الينا

وهنا سنحل المشكلة العسيرة
سنجعلها سهلة
بأيدينا سنناقش حتى نتغلب على مشاكلنا معا

والأن

سنبدأ بمشكلة اسلام
وأرجو التفاعل من الأعضاء

ده كان كلام اسلام فى مشكلته
أحب ان الكل يشارك لنحل المشكلة

فى يوم من الايام كان هناك شاب طموح ويحب الحياه وكان ذو اخلاق
عاليه
يحب الخير ويكره الشر وكان ذو قلب طيب يحترم الكبير ويعطف على الصغير
فجاء
شاهد ملاك ,, شاهد اجمل انسانه فى الدنيا
اعجب بيها وكان نفسه يكلمها
كان نفسه يعبرلها عن مشاعره من ناحيتها
كان ليل وانهار بيفكر فيها على طول اول لما يشوفها يفضل بصصلها
علشان تحس او تعرف
كان نفسوه يقولها ففى مره او بعد عده ايام
كلمها صدفه على الاميل بتاعوه وكانت صدفه
قلها على حقيقه مشاعره وللاسف كان الرد بتاعها انها قالت
ا انا كمان بحبك والمصيبه انها مش كانت بتحبه بسى فى واحد جاى يقدملها نفسه
طبعا وانها مش عندها كرامه قالت وانا كمان بحبك
الواد يعينى كان طاير من الفرحه كان دايما يقول انا اسعد انسان فى الدنيا انا مش مصدق نفسى
والواد يعينى كان فاكر انها بتحبه بدء بئه الكلام المعسول يربط بينهم
كانت من وراه مش بتقبله لكن لما تكلمه فى الموبايل او النت كانت بتموت فيه
يعنى بعنى اصح من وراه بوش وهى معاها بوش تانى خالص
المهم
بداءت المشاكل تظهر بين الطرفين وكانوه على طول فى مشاكل مع بعض
هو زهق واتاكد انها مش بتحبه لما عرف انها كلمت واحد تانى
وكانوه بيفصلوه مع بعض ويرجعوه يكلموه بعض
وفى الاخر بعد خمس شهور قالها انتى عايزانى ولا لاء
ردها كان ( اسلام احنا مش هننفع لبعض)
وهى دى النهايه وبكده القصه انتهت
ومن يوميها كره الحب وتاكد ان الحب اعمى
وكان دايما صحابه يقولوله حب بعقلك وفكر بقلبك
بسى هو كان فاكر الحوار غلط خالص وجه ندم وعرف ان مش فى حاجه اسمها حب فى الزمن ده
(الحب اعمى )

فما رأيكم اذا
وان كنتم أصدقاء حقاااا
فتعالوا نبادر بالصداقة والمحبة
لنستطيع مساعدة من نحبهم
مستنية ردكم

بجد بجد الله عليكى يا ملاك
موضوع تحفه بجد وفكره جامده اخر حاجه وماتتطلعش الا من واحده مقدره يعنى ايه اصحاب
وتسلم ايديك ع المجهود دا كله وانك نزلتى مشكله اسلام وما استنتيش ان حد ينزلها
بجد الله عليكى وع فكره بقى بجد انتى فى الليسته بتاعت نائب الفاعل قصدى المدير يعنى
وانا دلوقتى هاجيب ردى ع مشكله اسلام وانزله واستنى ردودكوا عليه

بصى يا ملاك
اكيد كل واحد فينا ممكن يكون مكان اسلام
واكيد ممكن يوصل بيه المرحله انه يقول مافيش حاجه اسمها حب
وهو بيقول كدا من الصدمه الى اتصدمها فى الى كان بيحبها
بس شايف بقى انه يبقى اقوى من كدا
علشان كدا هايدمر نفسه وهايضيع مستقبله بالمود الى هو فيه دا
ولازم يطلع منه او اى حد قريب منه يساعده علشان اكيد دى ايام امتحانات وكدا
ولازم يركز اكتر من كدا علشان مايجيش يندم وبجد الندم مش هاينفع ساعتها
المهم يتعلم من التجربه دى
محدش بيتعلم ببلاش والله
والدنيا دى عامله زى صندوق اسرار
كل ماتعيش اكتر الصندوق هايتفتح شويه شويه
وفى الاخر محدش هايفهم الدنيا ع حقيقتها
بس اهو الواحد بيتعلم علشان مايقعش فى نفس المشكله تانى
ومافيش حاجه اسمها مافيش حب لا فى حب
بس ممكن نقول بقى قليل الى بيفهم معنى الحب بجد
والحب مش صعب الصعب الاختيار
بس والله الحب دا مشاعر جميله اوووى
ولازم اسلام يعرف حاجه زى دى وبدل الى بيحبها طلعت مش بتحبه يبقى يفرح انهم افترقوا
ولازم يقوى علشان الدنيا مش بتحب الضعيف وملوش مكان فى الدنيا الايام دى
فى جمله حلوة اوووى وبردو انا مقتنع بيها جـــــــــــــــدا
البحر الهادئ لا يصنع بحارا ناجحا ففى الامواج والاعاصير تظهر قدرات الرجال
وبجد بقى عايزك يا اسلام مش هاقولك تنسى بس تفوق من الى انت فيه دا بسرعه
والحياه مش بتوقف ع حد مهما كان مين هو اهى ماشيه ومش هاتقف حد
وخليك اكنك راكب فى عربيه وانت السواق
مش تبقى قاعد وراه وحد هو الى ممشيليك حياتك

يارب يا ملاك تكونى فهمتى وجهه نظرى ويارب تعجبيك
وهاستنى رديك وردك طبعا يا اسلام واتمنى انك تقراها

عمرودياب - ايام وبنعشها
أيام و بنعيشها..هنعمل ايه يا قلبى فى ناس
ماهماش ناس مفيش احساس ..ومش بيحسوا بجروحنا
دى دموعنا هنحوشها عشان مش صح نبقى ضعاف
نبان ساعة الفراق بنخاف ..يا ريت نغصب على روحنا
وعلى ايه ..دى حكاية خلصت من بدرى
والله خلصت من بدرى والغدر حسيت بيه
على ايه ..على ايه هنبكى على الماضى
أيام وعدت على الفاضى ..فى ايه هنبكى عليه !؟
مش فارقة نتكلم ..نعيد ونزيد فى ايه على ايه !؟
معدش يفيد بكانا عليه .. خلاص الجرح أهو معلم
ويا ريتنا نتألم ولا نقاسى وداع بوداع
محدش ساب حبيبو وضاع ..وأدينا خلاص بنتعلم
وعلى ايه ..دى حكاية خلصت من بدرى
والله خلصت من بدرى والغدر حسيت بيه
على ايه ..على ايه هنبكى على الماضى
أيام وعدت على الفاضى ..فى ايه هنبكى عليه !؟
وعلى ايه ..دى حكاية خلصت من بدرى
والله خلصت من بدرى والغدر حسيت بيه
على ايه ..على ايه هنبكى على الماضى
أيام وعدت على الفاضى ..فى ايه هنبكى عليه !؟

بص يا سلم
الحياه اللى بنعيشها عباره عن شوية تجارب بننجح فى شويه
ونفشل فى شويه ودا مش عيب ابدا العيب اننا منتعلمش من تجاربنا سواء ناجحه او فاشله
مش هقولك انت غلطان فى اللى قولته لان معظمنا بيقولوه انا واحد من الناس قولت اكتر من اللى انت قولته
وكنت بقول ان مفيش حاجه اسمها حب فى الزمن دا وان الحب دا شىء مزيف
بس انا قولت كدا عشان حالتى فى الفتره دى والحمد لله عديتها وبسرعه
ودا نتيجة ان عندى اصحاب زى العسل واكتر من اخوات اقدر اعتمد عليهم فى حل مشاكلى
ويساعدونى ويخافوا عليا اكتر من نفسهم ويعلمونى ان الدنيا مش بتقف على حد
وعمر الكون ما هتكون نهايته فى فراق حبيب
لكن بجد نهاية الكون هو الاستسلام للياس والحزن والبعد عن الصحاب

ياريت اكون قدرت افيدك او اساعدك ومعلش طولت عليك

والله يا جماعة انا عارف ان ده جرح كبير عليه
هو اسلام مجروح ومحدش فينا هيقدر يداوى جرحه دا خالص بس احنا ممكن نخففه بكلامنا
بس اللى هيداوى جرحه هو الزمن والايام
وانا قولتله قبل كده جرح القلب صعب جدا
بس بجد هتيجى قدام وتقول انا اتعلمت حاجة من الجرح نفعتنى ف حياتى
ولازم يا اسلام تتجرح ف حياتك عشان تعرف تتصرف بعدين ف المواقف اللى زى دى
انا كل اللى عايزه منك انك متندمش على معرفتك وارتباطك بالبنت دى لان بجد انت هتتعلم من الجرح ده جامد...............

بجد كلامكم جميل أوى
وميرسى يا أحمد على كلامك الجميل

بس بجد أنا حسيت ان احنا لازم نكون أصحاب بجد مش أعضاء فى منتدى واحد

وممكن نخفف عليك شوية من ألمك يا اسلام
أنا عندى فكرة
هى مش حلوة أوى بس ممكن تساعدك شوية

شوف
طول ما أنت فاكر اللى انت كنت فيه ده قصة حب
هتبكى كتير عليها
ايه رأيك لو واحدة واحدة كدة
قعد مع نفسك ورجعت نفسك شوية
قول لنفسك ان ده مكنش حب
كانت قصة حلوة وعدت
والحب اللى بجد لسة محستش بيه
واحلم يا اسلام انك لسة محستش بالحب بجد ولا عرفته كماان
واستنى اللى هتيجى تعلمهولك

صدقنى الفكرة دى ممكن تنفعك شوية

انا متشكر اوى على الردود الجميله دى
وعلى فكره يا ملاك انا عملت كده بعديها بيومين
لما فضلت افكر وافكر لحد لما وصلت انى اعمل كده
والحمد لله تجربه وعدت
ولسه الايام جايه وياما هنشوف
وانا متكشر اوى اوى

معلش يجماعه اتاخرت فى الرد
بس والله لسه شايفه الموضوع دلوقتى
وانا طبعا رايى من راى ملاك وبجد تسلمى ياملوكة ع الموضوع الجميل ده

أنا فرحت أوى
لما شفت ردك يا اسلام وانك بجد هنقدر تعدى
وميرسى ليكى يا ياسمين
وميرسى لكل الأعضاء على مشاركتهم الجميلة دى

والله انتوا خلصتوا كل الكلام
بس بجد اكتر حاجة عجبانى فعلا
ان اسلام عدى جزء من المشكلة دى
وهو اصعب جزء وعرف يتمالك نفسه بجد برافوووووووووووو

انا حطيت الموضوع ده من شهرين تقريبا لما أحد الاعضاء وقع فى مشكلة
بس بعديها اتقفل الموضوع

بس انا عايزاه يستمر
لمن لديه مشكلة اجتماعية او عاطفية ولم يجد من يساعده فنحن موجودون
لكل عضو فى المنتدى نحن بجانبكم الى الابد

ارجو التفاعل

» الصداقة.......اهم ما فى حياتنا
» مشكلة عائلية
» مشكلة اسمها الامان فى الحب!!!!
» انتهاء مشكلة البث التلفزيوني الفضائي
» قصه سيدنا نوح عليه السلام