قولولنا ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خير الكلام ما يبدأ بالسلام
السلام عليكوا
انا عندى سؤال واحد وياريت ما ابقاش ضيف تقيل عليكوا
ليه كل ما اكلم حد يقولى الحياة مملة
كنت فاكر ان العيب فيا لوحدى
ممكن اكون ع طول بضحك بس جوايا هموم الدنيا
اصحابى كل مشاكلهم ظهرت والكل مهموم
مش عارفين نساعد نفسنا ولا نساعد مين
واصعب حاجة لما تلاقى اقرب حد ليك فى مشكلة وانت واقف متكتف مش عارف تساعده
حتى قريبى اللى كنت بقول انه عايش حياته بالطول والعرض وكنت بقول يا ريتنى زيه
اكتئب هو كمان ولطشت معاه اخر حاجة
بس الهم ان انا قولت اخرج اتمشى يمكن افك
ابص فى وشوش الناس اشيل هم اكتر كله ضارب بوز ومش عارف يعمل ايه
اقعد ع القهوة كله مهموم وبينفخ مشاكله فى الشيشة والشاى
يا ترى العيب فينا ولا فى الناس التانين
ياريت كل اللى يقرا الموضوع يقولنا ايه الحل ولو زينا يقف جنبنا مستنين الفرج
بس بيتهيالى لو ايدينا فى ايدين بعض هنعدى المرحلة دى
قولولنا ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟