الله يرحمك يا إسلام........وربنا معاك يا استاذ هيثم

كان يا مكان كان فى زمان يا ولاد مدرس فى مدرسه فى اسكندريه ضرب ولد وقتله

أكيد طبعا سمعنا عن الحادثه دى هى تقريبا حصلت يوم الاتنين الماضى

والموضوع كله ان استاذ هيثم كان بيفتش ع الواجب وكان اسلام (10 سنين)هو و5 من زمايله

مش عاملين الواجب

فالاستاذ هيثم(23سنه)ضربهم كل واحد عصايتين ولما ضرب اسلام وقع اسلام ع الارض

ولما قام تانى ضربه فى صدره بالشالوت وقع اسلام ع الديسك والسر الالهى طلع

طيب

اخدوا اسلام لمركز طبى والدكتور قالهم انه توفى(للمدرسه طبعاً )وكل ده واهله مش عارفين

واخدوا اسلام وودوه مستشفى شرق المدينه واتصلوا بوالده ولما وصل المستشفى

قالوا انه وقع لوحده او زمايله ضربوه (حاجه زى كده)

ومن هنا لهنا يطلع الاب العنايه المركزه ويلاقى اسلام نايم فى غيبوبه (على حد قول الدكاتره)

ويلاقى ابنه الوحيد حاطينه على جهاز تنفس صناعى

ويسأل هنا وهنا ولا حياة لمن تنادى

وذهب الاب عمرو الى قسم شرطة المنتزه وابلغ عن الحادثه بعد علمه بها

ولما رجع المستشفى يا ولاد لقى الدكتور المبجل بيقوله ان ابنه توفى

والاب تأكد بعدها ان ابنه توفى من الساعه 10 صباحا(من وقت الضربه اياها)

ودلوأتى يا ترى مين المسئول عن وفاة اسلام؟؟

هل يا ترى الاستاذ هيثم اللى مستقبله يكاد يكون اتدمر؟؟؟

او حد اكبر من كده بكتييييير؟؟؟

انا حرد على نفسى(من وجهة نظرى)

المسئول عن قتل اسلام هو الاستاذ يسرى الجمل

هو وكوووول السلطه اللى تحته

(سلسلة الفساد التى لا نهايه لها )

حتى نأتى الى الاستاذ هيثم


معلش انا عارفه انى طولت عليكم بس فعلا الموضوع محتاج مناقشه

مستني ردودكم