مع بنت بصحى بدري عشان يلحق موعده الساعه اربعه , بيروح بحلق لحيته عند ابو العز الحلاق ، وبيخليه يعمل له سكسوكة أخر موديل يعني مقطعة مثل الخريطة اكيد الكل بيعرفها وينعّم له الرقبه , وبعدين بيطلع عند صاحبه الي وضعه المادي منيح.... بيفوت على غرفته وطبعا صاحبه بيكون لسه صاحي من النوم ولابس شبّاح وشورت وشعره منكوش لكن بصحى عشان يجهّز صاحبه للموعد... !!! بيفتح له الخزانه عشان ينقي منها لبس مرتب . بروح الشب بينقي قميص فايع وبنطلون جينز ساحل لويست مكوي وجاكيت بدله فايع. ولأنه نمره رجل صاحبه اصغر من نمرته, بيضطر الشب يجيب لصاحبه كندرة اخوه الكبير البوز رفيع , بس بيحكيله : من شان الله دير بالك عليها ما تفضحني وأوعك تغبرها ،
وبعدين بيفوت على الحمام وبيغسل شعره.... وبسشوره وبيحط واكس عليه وبوقفه مثل القنفذ ... وبيلبس الأواعي الفايعين وصاحبه طبعا بيسرق له عطر ابوه ال BOSS عشان يرش منه رشتين وبعدين بتداين من صاحبه 100 شيكل لزوم الطلعه وبيطلع.... طبعا وهو نازل الدرج من بيت صاحبه, صاحبه بيوصي فيه وصايا اللقاء الاول : بدي ياك اسد من اولها .
بيطلع الشب وبيمر على صاحبه الثاني ويبستلف منه سيارة كيا سيفيا نمره بيضه, على اساس انها سيارته, وبيمر على دكانة ابو عطا عشان يشتري لأول مره بحياته علكه ستميرول او إكسترا وبكيت دخان مالبورو أحمر يعني على اساس فايع , وبيمر على صاحبه اللمبي لينك عشان يشحد منه تلفون n95
ساعتين زمن بدل تلفونه 3310
وبياخد البنت على الموعد وبيكون بكوفي شوب في رام الله بس على مكان راقي ( زي طل القمر, ستونز,السنترال,وغيرووو)طبعا اول مره هو بيفوته.. وبيدخل بيسلم على الجرسون مباوسه على اساس انه زبون دائم في المحل قدام البنت اللي بتكون ماشيه جنبه ومش مصدقه انها تعرفت على شب جنتل وزوء مثله ....
وبعد اللقاء الاول بيرجع كل شي متل ما كان ...
وفي اللقاء الثاني بيطلع معها على منتزه عام وبشتريلها بخمس شيكل ترمس وذرة وبيقعدو تحت شجره وبيحكيلها إنه باع السياره والخلوي, وان أواعيه مبهدلين عشان مروّح من الشغل وان أبوه بالمستشفى واضطر يدفع كل المصاري الي معاه لأبوه المريض !!
وهم مروحين بكون مفلس طبعا شو بيعمل!!!! بيحكيلها: والله وانا جاي بالتكسي طبعا بكون جاي بالسرفيس ضاعت المحفظه وفيها المصاري كلها طبعا شو ازا بتهز المحفظة تبعته وبتعصرها عصر ما بيطلع منها شيكل واحد طول عمرو بياخد مصروف كل اسبوع 30 شيكل يا دوب يكفوا باكيت ل.م ويطلع مرة وحده بالأسبوع للمول حق تكسي
المهم شو بيعمل فكركوا هاد الفايع @_@
لا ما بيعمل شاي ههههههههه
كالعادة برخص وبيطلب منها مصاري يعني على اساس انه انقطع
وبياخد منها 10شيكل وبحكيلها بس اشوفك مرة تانية بعطيكي أياهم طبعا لا بعطيها ولا هم يحزنون وعلى هالحالة بيضلوا لحد ما يجمعلوا مبلغ محترم وبزحلقلها
وبيدور على وحدة تانية تتطلع بسنحته يعني وجهه هههههههههه
موضوع: شوفو الشب شو بيعمل ازا عاوز يقابل بنت .... 
الخميس أكتوبر 22, 2009 8:50 am
