هل ممكن ان يكون هناك علاقة صداقة حقيقة بين ...

ممكن بس كل حاجة ويبقى ليها حدود على الاقل العلاقة بتبتدى فى مراحلة الجامعة ودا غلط المفروض يبقى اى ولد لية صاحبتة واى بنت ليها صاحبة من صغرهم

صحيح زى ما مؤمن بيقول عادى جدا و مش حرام لإن لو مينفعش البنات تكلم البنين يبقى مفيش جواز و إنتوا اللى هتعنسوا بس انا شايف إن برضه محدش يتعدى منهم الحدود لإن ساعتها يبقى حرام

و بجد والله يا بوسى سؤااااااااااااااااال فى الجوووووووووووون جدا
تــــــــــــــســـــــــــــــــــــــــــلـــــــــــــــــــــــــمـــــــــــــــــــــــــــــــى

اولا مرسى لردكم
لاطبعا يا استاذ معتز احنا مش هنعنس متخفش
انت اللى بتحبو تلعبوا بالبنات وده كده يبقى حرام تفضلو تقولوا لهم انا بحبك ومقدرش استغنى عنك وطبعا ده كله كلام ف الاونطه وعادى لو البنت صاحبه وهى ف الجامعه بس متدخلش ف حورات من دى ده لو هى خايفه ع مستقبله

والله موضوع جامد اوووووووووووووووى
وفى صداقه عادى لو بين اصحاب بجد ومش شرط تكون فى انهى سن وعقبال مانبقا زمايل فى جامعه واحده يارب

بصى يا بوسى انا مش هتكلم نيابة عن الرداله انا هسيبهم يردوا واحد واحد و يشوفوا مين اللى بيعنس و مين اللى بيلعب مع مين 1

الله انتوا عارفين ردى على الموضوع ده
ولو حابين بجد تستفادوا وتعرفوا فين الصح وفين الغلط
اسئلوا حد كبير شوية
وشوفوا هيقلكم ايه ..........

انا مع شوقى والله
بس اوحش حاجه الكدب بقا

انا عن رأيى فى حاجة اسمها صداقة بتتحول لأخوية وصداقة بتتحول لحب ...

الصداقة اللى الغرض منها اخوية بتكون صادقة وطالعة م القلب وفعلا اكتر انسان ممكن يفيدك ف عز محنتك هو صديقك الى معتبرك اخته


يعنى ياملاك فى حاجة اسمها صداقة ...!!!

بأمارة ان احنا كلنا اصدقاءك على منتدى احمد حلمى لان الى بينا ده كله لا يندرج الا تحت مسمى واحد فقط وهو "الصداقة"

وليست "أخوية" كما يدعى البعض هنا... ولكن هى فقط صداقة غرضها الاخوية ... يارب اكون وصلتلك اللى انا عايز اقوله..

مافيش حاجه اسمها صحوبيه بين بنت وولد
القدوه لينا هو الرسول صلى الله عليه وسلم وكل اللى عمله بنعمله واللى ما عملهوش احنا بننتهى عنه
وبالنسبه للبنات زوجات الرسول هن القدوه ليهن


فهمتوا ولا لأ

مفيش صداقة بين بنت وولد
وجهة نظرى

تسلم ايديك علي الموضوع الجامد & وانا من رايي مفيش صداقة بين ولد وبنت لان كل بنت اوولد عايزين يكلمو بعض يقنعو نفسهم انهم اصحاب واخوات ومن الاخر دي قلة ادب وصياعة وده بلاقيه في البنات اكتر ويقولو اخوات وده غلط طبعا لان اخوكي في بيتكم مش في بيت الجيران

طيب هقولك حاجة ياحاتم انت معتبر البنات الا هنا ايه
مش اصدقاء بيردولك على مواضيع وبتردلهم على مواضيع
وبتحترمهم وهما بيحترموك ياريت تقولى الكلام ده بيمثلك ايه
انما بقا بالنسبة للبنات الى بتعرف ولاد علشان هى عاوزة كده دى حاجه تانية
وممكن والله الصداقه دى تبقا مفيده
لو هما بجد فاهمين معنى كلمة صداقه

انا عن نفسي بعتبرهم كناس محترمين اتعرفت عليهم اوكنت اعرفهم & والعلاقة بنا لم تصل درجة الصداقة ألا مع الولاد طبعا اصدقاء & اما مع البنات زي ماقلت في الاول &والي يأكد الي كلامي صح ان مفيش ولا بنت فيهم ممكن تروح تقول لوالدها انا صاحبي الولد كزا وكزا ولا ينفع تكلمه امام اي حد في الشارع علي عكس الولد والا الناس طبعا هيقولو عليها كلام مش كويس حتي لو كنت بتكلمو بمجرد الصداقة مفيش صداقة بين ولد وبنت

انت فاهم معنى الصداقه من شىء تانى
انا قولت انهم يطمنو على بعض يسالو على احوال بعض يساعدو بعض يحلو مشاكل بعض مش يصيعو سوا
وبعدين لو هما اصحاب هتقف معاه ليه فى الشارع ولا هتبصله ليه اصلا
هما اصحاب مش ....
انتو والله فاهمين قصدنا غلط

لأ يا سمسمة
الصاقة مش كدة
الصداقة حاجة كبيرة جدا وقمتها بعد قيمة الحب على طول وما تختلفش عنها غير بقدر قليل اوى

واحنا فى منتدى احمد حلمى صحاب واخوات مش اصدقاء يا ميشو

وبجد عجبتنى مووت صراحة حاتم وانا معاه .
ومع همس مفيش حاجة اسمها صداقة بين الولد والبنت
...............................

وشوفى يا سمسمة
لما تصاحبى بنت مش بتكلميها فى التليفون وتكلميها فى الشارع عادى ومن غير ماتخافى
اما لو ولد وتكلميه عادى كدة فى الشارع او تكلميه فى التليفون ... استحالة
ودة رأى

وبابا دايما كان بيقولى كلمة جميلة
الحاجة اللى بتخافى ان حد يعرفها وبداريها اعرفى ان الحاجة دى غلط
لأنك عمرك ما هتخافى من حاجة صح

انا كان ردى فى الاول بمعنى صديقة يعنى مش يصيع معاها زى ما احنا ممكن نكون بعمل مع بعض كا اولاد لاء اقلها مثلا لو جارتة اديعم واقفين مع بعض انا عن نفسى عمرى ما افكر ابص لبنت فى الشارع سواء صاحبتى قريبتى حتى اختى
مش ببصلها لان دا غلط ممكن اى حد يشوفك يفهمك غلط وبعدين ييا ضى الرسول وربنا قبلية مش حرمم الصداقة بس بالحدود الشرعية يعنى هزار الولد مع الولد عمرة ما هيكون زى هزار الولد مع البنت ومحدش هيقنعنى بكد وكمان ممكن الولد لو لية صديقة بنت فى حاجات مش يقدر يحيهالها والعكس صحيح برضو

كلام ياعم مؤمن مش صح لان اساسا ومن الاخر مينفعش يهزر معاها الا ازا كانت قربته وفي حدود كمان وبكرر تاني مفيش صداقة بين ولد وبنت مهما كانت نوع علاقة الصداقة لان مفيش صداقة بين ولد وبنت من الاخر لاسباب وضحتها ولكلام الي انتا بتقوله ده بقوله للعيال الصغيره خليكو صحاب ممكن حد يقولي وجهة نظره في كلامي بسي بصراحة وجدية وده علي اساس من اول رد ليافي الموضوع الاخره

على فكرة انتوا ملغبطين بين صحاب واصدقاء
بالمواصفات اللى بتتكلم عنها دى يا ميمو بيكونوا فيها صحاب
اما الصداقة شئ تانى

الصداقة
انك تكون مع صديقك على طول ومتفارقهوش وتساعده فى ضيقته وتكون جنبه فى محنته
وتخليه يبتسم لما بيكون زعلان

اذا كنت فى الحياة العادية مابتعرفش تلاقى صديق امال لو فى منتدى او على النت ازاى هتلاقيه
والغلط اللى بنقع فيه كتير ان احنا بنفكر انه شخص عرفناه وحبناه واستريحنا فى الكلام معاه هيكون صديق
ده غلط
لأنه ساعات الصحوبية لازم تقعد سنين علشان تتحول لصداقة

ولا كلامى غلط

الله ينور عليك يا عم الشيخ بقولهم كدا من الصبح عمالين يبررو موقفهم وكل واحد حر في الي يعمله