قصة حب واقعيه وماساويه"افضع من ماساة روميو و جوليت"

بسم الله الرحمن الرحيم
اخواني واخواتي الاعضاء والزوار السلام عليكم
هذه قصة حب واقعيه وماساويه جدا انتهت احداثها قبل 3 اشهر
ارجو من جميع القراء اعطاء رايهم بهذه القصه

هاي القصه في بدايته كانت من طرف واحد.
وتدور احداثها :
انو اكو شاب كلش هوايه حب بنت من عمره "15"سنه بس هي ما كانت"تعبره" المهم هو بقه يحاول انو يخليه تحبه بس هي ما فارق معاها اي شي .
ومن صار عمرهم "هم بنفس العمر"17 سنه بعث الشاب للبنت رساله ويه صديقتها الي هي اخته بالاصل طلب منها انو هي تكلمه فوافقت البنت ومن قابلته وجه لوجه شافته كلش هوايه يحبه من صدق وانو هو ما عنده من لعبات الشباب الي كلنه نعرفه بس قررت تتمسك بموقفها وهم متعبره"سوالف بنات"
المهم دخلو للكليه وهو بعده يحبه ومستمر بمحاولاته بلكي الله تعبره ومن صاروا بالمرحله الثانيه ققرت انو هذا كافي بعد ما حاجه تبقى متمسكه بموقفها وهي اصلا تحبه للشاب فقابلته وتكلمت معا ومنا بدت القصه.
صار بيناتهم اتصالات وهدايا ورسائل بس بدون علم اهلها لانو هي عارفه انو هم رافضينه للشاب لاسباب تتعلق بالشرف"لم يعرفها احد الى الان "
فمن عرفوا اهلها انو هي تتصل بهذا الشاب قطعوا عنها التيلفون ومخلوها تطلع من البيت وحتى للكليه مخلوها تروح لانو هذا الشاب وياها بنفس الكليه.
ومن عرف الشاب بالخبر تجنن وراد انو يشوفها باي وسيله كانت.
صدفت انو اهل البنت كان عدهم مناسبه فراح الشاب لهاي المناسبه وشاف البنت بس هي ما شافته.
صدفت انو هو كان واقف بالحديقه مال بيت اهل البنت وهو واقف شافه اخو البنت ومن شافه "انهال عليه بالضرب الشديد"
فراح الشاب لاهله "مكسر"ومن شافو اهله بهذه الوضعيه تجننوا وكالو اذا اخو البنت سبع مو يقتله بالبيت مالتهم يجي هنا للمنطقه مالتنه .يعني صارت مسالة تحدي .
اخو البنت عنده كلشي بالدنيا الا واحد يتحدى فراح للمنطقة مال الشاب فتجمعو علي شباب المنطقه ومن ضمنهم الشاب"العاشق" وبدو يعاركون باخو البنت ويضربونه صدفت انو اخو البنت كان معا مسدس فضرب الشاب العاشق ووقعت الضربه بظهره ونشل ومن سمعت البنت بلي صار، صار بيها مرض نفسي وبوسط هذه المشاكل اخوه دخل للسجن وانحكم "25"سنه عرف امه بهذا الشي ارتفع عدها الضغط وماتت بمكانه.

وهسه خلينا نشوف شنو نتائج قصة الحب هذه :
1- البنت صار بيها مرض نفسي"تخبلت"
2- الشاب صارتبي عاهه جسديه دائمه"نشل"
3- اخو البنت انسجن 25 سنه"خسر شبابه"
4- ام البنت ماتت
يعني بين قوسين عائله كامله تفككت.
وهذه والله قصه حقيقيه وجديده واعذروني اذا القائي للقصه مو زين بس هذه اول مره. منقول