ضحية الحب........... يا جماعة انا قصصي كلها هاتبقي هنا ماشي

السلام عليكم أعضاء منتدى احمد حلمي
أرجو أن هذه القصة تنال إعجابكم جميعاً
هي قصة طويلة شوية بس إن شاء الله تعجبكم
وياريت اللي يدخل يكمل القصة لآخرها
مقدمة
القصة دي مش علشان تكرهكم في الحب لكن بس علشان تخدو بلكو بس
الحب إحساس جميل بس لو نفهمه صح
الحب أساسه هو الإخلاص والوفاء
ولازم يكون شعور متبادل مابين الإتنين
بس صعب أوي لما تحب حد وتكون حاسس إنه بيحبك لأ ومتأكد
وفي النهاية بتكتشف إن كل دة كان وهم
وإنك بالنسبة له ولا حاجة وكنت مجرد لعبة وبيسلي نفسه بيها
ودي حكاية واحدة عاشة قصة حب مؤلمة
كانت بنت لذيذة وطيبة حبت كل اللى حواليها
في الأول خالص كانت بتاخد قرص رياضة عند مدرس ممتاز
ومن هنا إتعرفت على بنت حبتها أوي من غير ماتعرف هي مين
في نفس اليوم اللى عرفتها فيه أخدوا أرقام بعض وبقو أصحاب
وكانوا مبيتفارقوش أبداً ومفيش واحدة منهم تخرج لوحدها من غير التانية
وكل شوية تليفونات ورسايل لدرجة إن البنت الضحية حبت البنت دي أوي
ومبقتش تقدر تستغنى عنها لكن التانية كان بالنسبة لها عادي صاحبة راحت صاحبة جت
متفرقش حتى لو مافيش أصحاب خالص ولما المدرس بتاع الرياضة أخد باله من إرتباطهم ببعض حاول يحذر البنت المسكينة من البنت التانية وقلها إنها متنفعش تكون صاحبتها
ومينفعش تحكيلها أسرارها لكن هي علشان طيبة قلبها مصدقتش كلام المدرس
ومأكتشفتش صحة كلام المدرس غير في النهاية بعد ما حياتها إتدمرت خالص
المهم في يوم كانوا مع بعض سوا في مكان عام وكان جنبهم بعض الشباب كان فيهم واحد عامل نفسه روميو عشان كل البنات بتحبه وقليل لو واحدة نفضتله حب يتعرف على البنت الضحية
والمصيبة إنها كانت بتحبه من الأول لأنهم كانوا عارفين بعض وبيشوفوا بعض على طول
فإنتهزتها فرصة المسكينة وإتكلمت معاه وخدت رقم تليفونه وخد رقم تليفونها ومن هنا بدأت المجازفة ، البنت المسكينة حبته من غير ما تعرف عنه حاجة وكان تقريباً أول شخص في حياتها لإنها كانت رافضة تماماً إنها تربط نفسها بأي شاب وكانت على طول بترفض التعرف عليهم بس إتنازلت وحبت الشاب دة لإنها حست إن سعادتها هتكون معاه
وإتعلقت البنت بيه أوي وأحبته حب فوق الوصف ومكنتش بتقابله وهي لوحدها
كانت لازم تاخد معاها صاحبتها اللي كانت معاها في قرص الرياضة والبنت دي "صاحبتها"
أخدت منها نمرة تليفونه وكانت دايماًتكلمه من وراها وفي يوم حست البنت المسكينة إن حبيبها مبيتصلش بيها ولا بيسأل عليها فحصل زعل مبينهم وقعدوا فترة مبيكلموش بعض
وفي الفترة دي قدرت صاحبتها اللي معاها في القرص إنها تخدعها وتدخل على الشاب دة بحيلتها وهو إستجاب لها وقرر إنه يسيب البنت المسكينة ويبعد عنها خالص
والبنت المسكينة يعيني مقدرتش تستحمل بعده أكتر من كدا لإنها مكنتش تعرف حاجة خالص و حاولت تتصل بيه وتكلمه مكنش بيديها مكنش بيديها فرصة أبداً إنها تكلمه أو تسمع صوته
حزنت البنت وأصبحت في حيرة ليه هو بيهاملها كدا بق دة جزائها إنها حبته بكل إخلاص
ولما حكت لصاحبتها اللي معاها في القرص على معاملته ليها فكلمته صاحبتها على الموبايل
وكإنها متعرفش حاجة خالص وسألته عن سبب المشكلة اللي بينه وبين حبيبته
وفضلت تتكلم معاه حوالي نص ساعة أو أكتر ولما خلصت معاه سألتها المسكينة عن إجابانه
وردت عليها بدون رحمة ومخفتش على زعلها وقالت : مبيحبكيش . . . مش عاوزك
والبنت المسكينة مصدقتش إن دة كان كلامه وحست إنها بتكدب عليها وحصل زعل مابين البنتين وتقريباً بعدوا عن بعض خالص وفي الفترة دي قدرت تضحك عليه هو كمان
وتخليه يحبها ، حاولت المسكينة تكلمه وتفهمه علشان كمان تنقذه من غدر صاحبتها
ولكنه رفض إنه يكلمها أوحتى يقابلها وبعد ما كانت بتسمع منه أحلى كلام بقت تسمع منه العكس بالضبط أنا مبحبكيش وبحبها و ... و ... ملت البنت منه وجرحها أوي بكلامه
ولما فشلت معاه قرت إنها متبعزقش كرامتها أكتر من كدا وتبعد عنه وعنها
ولما صعب عليها فراق صاحبتها حبت ترجعلها ورجعوا أصحاب من تاني ولقت إن البنت دي بتبعها لتاني مرة علشان خاطره مع إنه مش بتحبه حست المسكينة إنها ظلمت نفسها
وحبت إنها ترد إعتبارها وكرامتها لنفسها وفي النهاية أخدت قرار إنها تبعد عنهم خالص
وتحاول تنساهم وبعد ما كانت قربت تنسى جلها الشاب اللى كانت بتحبه وعاوزها ترجعله تاني
والبنت اللي باعتها علشانه بعد ما سبته رجعتلها بتمسكن علشان ترجعها تاني صاحبتها
ومع إن البنت الضحية لسة بتحب صاحبتها رفضت ترجعلها
ولو كان عندها ذرة شك بأن صاحبتها دي ندمت عاى غلتطها ومش هتكررها تاني
لكانت رجعتلها ، بس هي عارفة ومتأكدة إن البنت دي عمرها مهتتغير ودة كان كلام المدرس
ومع ذلك هي لسة بتحبها ومش قادرة تنساها تعمل إيه البنت المسكينة
بقى دة جزائها واحدة حبت إتنين من كل قلبها
بقى دة جزاء اللي يحب ؟!

بجد جميل اوى
ومؤثرة جدا بان الانسان الطيب يحصله كدة اهو دة بقى الى الناس فاكراه حب وهم بيلعبو بقلوب الى بيحبو باخلاص
بجد روعة اوى
على فكرة تقريبا فيها شبه من قصة تانية بس القصة التانية صحبتها ندمت واتاسفتلها وكانت السبب فى رجوعها لحبيبها

شكرا يا علي الرد يا همس

بجد جميلة جدا جدا ياويدو
طحن وررررررررررررربنا

شكرا يا ياسمين وشكرا علي اسمي الدلع الجديد

حبيبى إنت عارف ردى إيه
مفيش أحلى ولا أجمل من كده
تسلم إيدك يا باشا

صح يا معتز من الاخر الموضوع هايل وكلامة زى العسل ولا اقدر اقول غير كدا

جميل اوى اوى اوى يا وح وح

تسلم ايديك

جااااااااااامده اخر جاجه
تسلم ايديك

شكرا يا جماعة علي الردود الجامدة دية

هههههههههههههه نسيت انى رديت
بس بجد حلوة

جامدة موت

شكرا يا عسل

جميلة اوى يا وحيد
بجد تسلم ايدك

بس على طول كدة الطيبة وحشة ؟

عند ناس يمكن

» ماشي ومش راجع .... ؟؟؟
» الأماكن كلها مشتاقة لك
» لعبة جامدة ادخل وسجل حالتك النفسية باغنية يلا يا جماعة انا مستني
» ليس من يتكلم عن الحب ....كمن يتالم من الحب
» ليس من يتكلم عن الحب ... كمن يتألم من الحب.