والااااااااان... مسااااااااابقه .... الاغاني ....؟؟؟

بسم الله الرحمن الرحيم

النهارده هنبتدي مسابقه الاغاني اللي كنت نزلت موضوع واقترحت فيه فكره المسابقه دي عليكم

اولا: لازم تكون الاغاني اللي هتدخل المسابقه تكون من تأليف العضو نفسه يعني مش ناقلها من النت

ثانيا : الاغاني مش هتتكتب في الردوود لا دي كل واحد هيبعتهالي في رساله خاصه عشان ننزل كل الاغاني مره واحده في موضوع واحد ويبقي في سريه ومحدش يعرف مين اللي كاتب الاغنيه دي عشان مش يبقي في محسوبيه ومجاملات

ثالثا : عدد الاغاني اللي هتدخل المسابقه 10 اغاني يعني هستلم اول 10 اغاني وانزلهم في المسابقه وبعد كده الاغاني اللي هتوصل متأخره مش هأخدها يعني اللي يلحق يلحق

رابعا : هيتم التصويت علي الاغاني دي من قبل الاعضاء يعني كل واحد هيدي نسبه من 10 لكل اغنيه من ال10 اغاني وبناء عليه هنقدر نجمع الدرجات دي ونحسب المركز الاول والتاني

خامسا : مده المسابقه دي لحد ما نجمع ال10 اغاني او لمده 3 ايام حتي لو مش جمعنا ال 10 اغاني

سادسا : اي استفسار او اقتراح جديده يفيد المسابقه ممكن تكتبوه في الردووووود

سابعا : مش عارف ليه مش متفائل وحاسس ان محدش ناوي يكتب او يشترك

عموما انا مستني منكم الاغاني او اي سؤال او استفسار