كل زمان
بعمل سيرش ع اليوتيوب بكتب جدعان راب
لقيت بنت سابت كومينت اسمها كول ماهيتاب
قالتلى مكى مش هتصدق لما سمعنا الاغنية
تيتا قامت قالت يو يو وتس اب
بس ماما كان ليها رد فعل تانى وباعتة عتاب
لما سمعت منها شوية سرحت صرخت يومكوا هباب
فين ايامه فريد او شادية والست وموسيقار الاجيال
ولا حليم وطلال مداح وفايزة فى قلبي اليك ميال
مش هنكر مدى عظمتهم وزمانهم ده بجد جميل
حتى احنا بنتعلم منهم ازاي يبقي الفن اصيل
كل زمان بيكون له ادان وكل اوان بيكون له فنون
تخيل لو داخل علي واحدة وبتقولها يا زايزافون
وصدقينى وماسك وردة وفارق شعرك والببيون
بيعمل كده في الاربعينات ياكل جدا ويجيب جون
وتلقى البت تأفور ترعش وتقول بينا ع المأذون
بس في الالفية التالتة عليك هتشد البنت سيفون
ماهي اسألى مامتك هتقولك على اتقال فى ظهور عدوية
قالوا ساعتها ده هابط هابط بقه ملك الغنوة الشعبية
وانا بتكلم لغة الشارع لو الفاظى دي شورعية
عايزك تعرفى انى براب ومليش دعوة بالاغنية
كل زمان وله ادان
ولا بتقطع شوق وعذاب ويجي يرشوا عليا المية
ولا ع الخضرة كمان بتمرمغ ولا بتنحنح فى الاغنية
ولا بدلع ولا بتمرقع ولا الكاميرا تجيب رجليا
ولا نفّخت وحطيت سيلكون ولا كبرت فى تتتتيت شوية
ولا بتريق انا علي بلدي أو علي ناسها واقول حرية
ولسانى كمان مش معوج بتكلم بطريقة عادية
مش زي الراب الموجود فى كتير منه بلكنة غبية
المولخية مية مية ويا سلام لوبالتقليه
شهية شهية وهي دي القضية
انا ناو مجرم فحت ومش بقلد الامريكان
مسقط بنطولنى وكل البوكسر بان
كل زمان وله ادان
مدرسة المشاغبين قابلوا ساعتها معارضة قوية
قالوا دي تافهة ومش فاهمين وعملوا عليها بجد قضية
اهو دلوقتي وبعد سنين فى تراث المسرح وهمية
قولى يا طنط لو انا غلطان ممكن اجبلك امثال تانية
بس الاول هشكر نقدك اصل كلامك اثر فيا
فى اللي بينقد نقد بجد ده علي راسي ومية المية
وفى اللي يسب ويشتم فيا ده مش ناقد لا نفسية
الله يرحمك يا دبور
يا ترى لو كنت عايش
كنت هترد و تقول ايه
يو يويو
م الاخر مهما هكون مش هعجب برضه شوية
وهيطلع كام مليون يقولى عنى ده تييت مقلية
يشهد جحا ويا حماره واللي بيحصل حاجة عادية
ومثلى الاعلى بقه هيكون شاب ديليفرى عزيمته قوية
لابس خوذة وراكب فيزبة ولا بيخاف تخبطه عربية
ولا بيهمه كلاب الشارع بس يوصلكوا طلبية
وانا هعمل كده بمحطة وهكمل والناس حواليا
حاجة أخيرة انا عايز اقولها للى شتموا اظن لذيذة
كل واحد فينا ليه استياله واي واحد فينا له ميزة
فى اللي بيعجب واللي ما يعجب واللى ما عجبو ياخد فيزا
جدعان طيبين
yu yu yu
expect the unexpected nigga
خور خور خور خور خور ياض ولة
خور خور خور خور خور واسمع ياض ولة
Yeah baby
yu yu yu yu yu yu
جدعان طيبين وبقلب ابيض كبير
كلمات غريبة عني مابسمعهاش كتير
يمكن صادفتني مرة فى فيلم قديم كتير
او حتي في يوم قريتها في ميكي او سمير
كلمة طلعت مهمة خلتني شخص غير
كانت حياتي فاضية جوينت فجوينت فجوينت بطير
و بوك ع الفيس بوك نيولوك تفاهة
I DonT Care
لا عمرى كان لى هدف بس جبت اهداف كتير
Fifa Winning Eleven We El Games Every Where I do
فين الرباية فين لا ربيت شعري الكبير
حددت اية في حياتك دقني فقط لا غير
فجأة حلقتلي دنيا تقولش أشطر حلاق ( oh shit )
وانا اللي مابكيتش عمرى من وقت ماقولت واااء
عشت ايام مش في بالك زي الجحش في السباق
عشت عيشة صعبة ناشفة عيشة خلت خلقي ضاق
اتبهدلت اتعذبت قالو عني خلاص هموت
اتهزقت واستحملت بردو قالو انا شاب (toooooooooot)
قد ماعشت وسط الشلة وقفو جمبى بدون شروط
طلعو ناس كدة م اللى هي دغري دى في قلبك تفوت
وقلوبهم بيضة صافية حقيقي جامدة موت
ونفوسهم برضو اغلي م الدهب و م الياقوت
مليانة حسن نية وكرامة بدون حدود
ومحبة م اللي هي بتعمر البيوت
بـــ بــــ بتعمر البيوت
جدعان طيبين وبقلب ابيض كبير
جدعان 100 100 قوى قوى قلوبهم عمرانة خير
جدعان طيبين وبقلب ابيض كبير
جدعان 100 100 قوى قوى قلوبهم عمرانة خير
مايهمش انت مين
Who Ever I Dont Care
مولود في قلب حارة او كنت ابن وزير
لو لابس دبلة فالصو او خاتم سوليتير
لو تشرب معدنية او جنب بيتكو زير
تمشي في نادي الجزيرة ب بلبادورك الخطير (هو هو)
او غيه بغداديه بأنواع حمام كتير
زاجل أو كان مراسله شقلباظ يقلب يطير
كركندي عبسي مصري وكشاك بطراطير
بتقسط كل حاجة او كان كاشك وفير
بتضرب كورس ديكا او هرمونات كتر
او منفض للرياضة كورسات وصراصير
لو تاكل توست ماركة اغلي من دستة فطير
او تاكل المدعم في الطابور مالوش نظير
لو ابيض شق لفت او اسود فحم كير
لو اقرع زلابطة او شعرك فوق غزير
عندك عربية كارو او عربيه بشوفيير
لو كنت بتحكي عربي او تحكي لغات كتير
بتسمع باند غربي او طبل وزمامير
من الاخر
لو كنت دة او دة وفي لحظة انا فيها (fair)
دة اهم حاجة فيك وبقولها Every Where
cono cono
جدعان طيبين وبقلب ابيض كبير
جدعان 100 100 قوى قوى قلوبهم عمرانة خير
جدعان طيبين وبقلب ابيض كبير
جدعان 100 100 قوى قوى قلوبهم عمرانة خير
وأ ولا وأ ولا وأ ولا
call me dady ااااااااااااه
call me dady ااااااااااااه اااااااااااه
ولا ولا
yeah baby yeah
خور ياض !!!
شكراً ياماما
يااااااااه حنان ملووش حدوود اعظم انسانة فى الوجود
ماما مهما احكى اللى فى قلبى واللى نفسى اقوله ليكى
مش حيطلع حتى نقطة فى بحر احساسى بيكى
كان حلمك تبقى سعيدة مع زوج حنون عليكى تبنوو حياة جديدة وولادك حواليكى
ويدوب حققتى حلمك جيه وهد البيت عليكى فجأة راح سابك وحيدة ساب ولادك حتى ليكى سابك محتارة وحزينة والولاد مسكين اديكى
وبقا عندك الاختيار بيت جديد وفرصة تانية او تعيشى عمرك وحيدة مع اولادك الصغار
مسؤولية صعبة جداا كنتى قد الاختبار قلت حختار ولادى ولو حربيهم فى نار... النهردة دول حياتى مش حسيبهم مهما صار
اللى قالك ليه تضحى واللى قالك ده انتحار واللى قالت بكرا تيجى دنتقى سوء الاختيار
الولاد دووول كانوو احنا انا واخواتى الكبار ..قدرت اتعدى بينا وتربينا وده انتصار
وجاى اقولك ببتسامة جوا قلبى شكرا يا ماما
.......
دعوة حلوة منك واديكى فى السما يسمع ربى منك وينورلى الايام
كان فيه اوقات كتير الظرووف كانت واقفة ضدك كنتى بتخبى علينا وتدخلى تبكى لوحدك
وما يدخل حد فينا بتضحكى وبتدارى دمعك بس كنت ببقا عارف مرة بالصدفة سمعتك
وقتها انا رحت حالف باللى خلقك وبغلاوتك انو ما حتغفل عيونى الا لو فرحت قلبك
ويجى اليوم اللى تكونى فيه فخورة انو انا ابنك لما بشوفك وانتى قاعدة بفضل اراقبك من سكات
وألقى نفسى بقول لنفسى بحبك فيكى كتير حجات لما بتحكى يوم ولدتى يوم ما اختينى باديكى
رحتى حضنانى بمحبة كل تعبك راح عليكى قمتى بصالى بعنيا قلتى يومها سألتى نفسك انتا ايه
وحتبقا مين يارب طهرلى قلبك كنت بهرب من اديكى وياما بتدلع عليكى ولما احس بخوف وغربة بجرى وبستخبا فيكى
ولو فيوم حسيت تعب جوا حضنك تحتوينى وبصوت حنون ودافى تلقى الرحمن يشفينى ولما بنكسر او افشل والامل يبقا فانى
بتقوليلى قوم وكمل قوم وحاول مرة تانى طول ما فيك روح يا ابنى قوم وحقق الامانى
ثق فى ربك ثق فى نفسك قوم عشانك قوم عشانى بسببك انتى بقيت بقدر طبعا انتى ست ايه لانى طول انا بكبر شايفك انتى الزاى عظيمة
دنا مهما كبرت حاجى اوطى على رجلك وابوسها
دنتى امى وانتى عمرى وكل حاجة حاسسها
من كل قلبى شكرا يا ماما ......
دعوة حلوة واديكى فى السما يسمع ربى منك وينورلى الايام .....
موضوع: كلمات جميع اغاني احمد مكي 
الأحد أغسطس 30, 2009 1:00 am
