الشباب

شويه تريقه على الشباب .. كده

--------------------------------------------------------------------------------

نظرا لان التريقه على البنات زادت اوووووى
فانا حبيت اوريكوا ان الشباب دول من السهل اننا نتريق عليهم


النهاردة هنتريق شوية على الشباب........(ومحدش يزعل).........
و برضه محدش يستننانى برا .. انا عرفاكوا


احنا هنقسم التريقة على أعمار......على النحو التالى:



من 1:4 سنين:
يمووووووووووت فى لعب معينة(الدبابات-المسدسات_.........)
يبتدى انه يثبت نفسه فى الكورة (وهو ولاااااااا يعرف عنها حاجة)




من 4:8 سنين:
فى المرحلة دى يتوهم انه لعيب كورة محترف....
يبقى فاكر نفسه عارف كل حاجة (وهو ولااااا يعرف حاجة)
يفتكر نفسه كبيييييييير ويحشر نفسه فى اللى ملوش فيه
لو اخته طلبت منه حاجة......لازم بقشيش الاول والا.....مش هيجيب حاجة
لو سمع حاجة بتتقال فى بيتهم أو أى بيت..... طيران على بيت الجيران.......يحكى لهم على كل حاجة




من 8:14 سنة:
يفتكر نفسه شاب كبير خلاص
يبتدى يهتم بأناقته
يبتدى يتمرد على البيت والاسرة(بعد ما كان ياعينى قطة مغمضة)
يتظاهر أمام أصدقائه بانه وحش ومفيش مخلوق يقدر يجبره على حاجة(ولو والده نده عليه فى ثوانى يكون عنده)




من 14:18 سنة:
يحاول يثبت ذاته فى المجتمع(بالشخط وعمل المشاجرات فى الشارع على الفاضى والمليان)
يسخر من أصدقائه المؤدبين
يعمل فيها فلانتينو(يعاكس كل بنت معديه على الفاضى والمليان)
يتمرد على مدرسيه(مهو كبر بقا)
يهتم أوى بالموضة وتسريحات الشعر الجديدة




من 18:22 سنة:
يسخر من أصدقائه اللذين لا يدخنون أو يسهرون أو اللى بيذاكروا......(وفاكرين انها شطارة.....والمهم يوم الامتحان مبيلاقوش غير الناس اللى بيسخروا منهم دول ينقلوا منهم الامتحان)
يحاول يعمل صداقات مع كل بنت يقابلها(لدرجة انه يتغر فى نفسه ويفتكر نفسه فلانتينو الجامعة)




من 22:26 سنة:
أمه تفضل تزن على دماغه عشان يتجوز ........بس هو يا حرام عايز يتمتع بالدنيا شوية......



قبل الزواج:
أول ما يشوف خطيبته يقولها واحشانى مووووووووووت........عاملة ايه؟

يهتم بأناقته و مظهره(لدرجة تخنق)



بعد الزواج ب5:6 سنين

أول ما يرجع البيت يقول لزوجته:ازيك... انا واقع من الجووووع

يقل اهتمامه بمظهره شوية



بعد 10 سنين:
أول ما يرجع البيت يقول لمراته:فيييييين الأكل....انا جعاااااااااااان

لا يهتم بمظهره على الاطلاق......وممكن يخرج لمكان قريب مثلا:ببيجامة البيت ......بعد ماكان لا يخرج الا
بالبنطلون الجينز والجيل و.......




لما يوصل لسن ال60:
يفقد أعصابه لأتفه الاسباب
عينه تزوغ على أى بنت........
يفقد عقله (تقريباااا)
بعد ما يطلع على المعاش ......يحس بالفراغ وانه ملوش لازمة.......فيبتدى يتدخل فى كل شئ لى فيه وملوش فيه.....حتى انه يتدخل بأمور الطبخ فى المنزل




من 70:.......سنة


الله يرحمه......

البقاء لله

جامده بس عادى الشباب مراحل اما البنات يا نوده كله واحد والشاب متعودين على الكلام

وزى ما جورج قال كلام الناس لا بيقدم ولا ياخر

بيس

هههههههههه

بس ياجوبا شوفت الفرق بين البنات والشباب

انا بقى من وجهة نظرى:ان البنات ملايكة...والشباب شياطين...(اعوذ بالله)

وعلى فكرة بقى...ان الحياة لو كانت من غير بنات..مكانش الشباب عاشوا اصلا

وهتكون الحياة ملل كده

فاحمد ربنا...البنات دى نعمة يابنى

منا عارف انهم نعمه متفق معاكى بس مش كلهم ملايكه

اوك ياجوبا...مش كلهم ملايكة...طيب انا من الملايكة...ولا................؟؟؟؟؟؟

اكيد انت الملايكه كلهم

او انتى الملاك البرئ

هههههههههههههههه

ربنا يخليك ياجوبا

اوعى تكون بكاااااااااااااااااش

اى خدعة ياقمر

لالالا والله عمرى ما كنت بكاش خالص

بس وانبى معتز جاى انهارده بلاش انا على كرسى الاعتراف

صادق والله

بس خلااااااااااااااااااص

احنا اختارناك

مالناش دعوة

احنا قولنا جوبا...يبقى هى جوبا

اسمع الكلام بقى

اهاااااااااا صحيح ياجوبا

ممكن اطلب منك طلب صغير

ممكن تقولى صورة التوقيع بتتعمل ازاى...بس بليز تكون بالخطوات...واشرح بالراحة

خلاص ماشى موافق ادخل الكرسى ومن عنيا هعمل شرح للمنتدى كامل عمل توقيع

اوك ياجوبا...بجد ميرسى ليك

جمايلك مغرقانا والله

ههههههههههههههههههههههه
والله مقصرتيش يا قمر
قلتى كل حاااااجة
تسلم ايدك

بس بردوا كلنا بشر ولاد وبنااااااااات كلنا بشر

ده الشباب دول عملين زى الهوا الطاير والله إحنا غلابه يا نونا

ههههههههههههههههههههههههههههه

غلابة!!!!!!!! مين دول اللى غلابة يامعتز...لو انتوا غلابة احنا نبقى ايه بقى؟