عدد الرسائل : 1037 العمر : 32 تاريخ التسجيل : 14/09/2008
موضوع: جمهور تامر لا يعنيني ودعايا روتانا لا تعجبني الإثنين أغسطس 03, 2009 4:12 pm
سواء كنت مختلفا مع ما تقدمه أو كنت من المعجبين بأغنياتها، فأنت لن تستطيع أن تنكر مقدار ما حققته شيرين عبدالوهاب من نجاح، جعلها تقف في موازاة مطربين ومطربات كبار. شيرين عبد الوهاب تقدم ثاني ألبوماتها مع شركة «روتانا» بعنوان «حبيت»، وهو الألبوم الذي تم استقباله بحفاوة كبيرة من قبل محبيها، وبهجوم حاد من الرابطة الرسمية لتامر حسني علي الإنترنت والتي طالبت بمقاطعة الألبوم.. شيرين في هذا الحوار تحاول الرد علي كل ما أثير حول الألبوم وعلي ما أثارته تصريحاتها الصاخبة الأخيرة حول تامر حسني.
> لِمَ اتخذتي قرار تغيير اسم الألبوم من «أخيرا اتجرأت» إلي «حبيت» في اللحظات الأخيرة؟
أنا لم أصرح أصلا بأن اسم الألبوم هو «أخيرا اتجرأت»، لكن الجرائد والمجلات هي التي تحدثت عن الألبوم علي أن عنوانه النهائي «أخيرا اتجرأت».
> فوجئ الجمهور قبل طرح الألبوم بتسريب أغنية «مفيش مانع»، ومع ذلك أصررت علي تقديم الأغنية كما هي، فلماذا لم تغيري في توزيعها أو حتي اسمها واستبدالها بأغنية أخري؟
- أنا مليش دعوة بموضوع التسريب ده، كما أن الأغنية «اتسربت» قبل نزول الألبوم بأيام قليلة.. يعني الناس مالحقتش تزهق منها أو حتي تحفظها، لذلك لم أجد داعيا لتغييرها.
> حمل الألبوم أغنيات كثيرة فيها هجوم علي الرجل مثل «فاكرني إيه» و«كتر خيري» و«أخيرا اتجرات».. فلماذا تفضلين هذه النوعية من الأغنيات؟
- ده اللون اللي أنا بحبه، وهافضل أحبه ومش هاغيره، وعن طريق الأغنيات دي باوجه رسالة للرجالة الوحشين، لكن هذا لا يمنع أن هناك رجالة كويسين.
> فوجئ الجمهور كذلك بطرح أغنية قديمة هي «فاكرني إيه»، وهي من ألحان الراحل رياض الهمشري وتأليف نصر محروس، فهل أردت من خلالها مصالحة نصر محروس وإنهاء خلافاتك معه؟
- أنا مش متخانقة مع نصر محروس أساسا علشان أصالحه، لكن كل الموضوع إن الأغنية عاجباني، وطالما عاجباني يبقي لازم كنت أنزلها في ألبومي.
> ألم يقلقك نزول ألبومك في نهاية الموسم الصيفي بعد طرح ألبومات أنغام وعمرو دياب وتامر حسني؟
- أنا ماليش دعوة بالموسم، وأعتقد أنني طرحت ألبومي في ميعاد مناسب، ثانيا: اللي بيحب شيرين هايشتري ألبومها سواء في أول الموسم أو في آخره، حتي لو نزل الألبوم في شهر رمضان.. برضه المعجبين هينزلوا يشتروه. وأنا لا أنكر أنني كنت خائفة جدا من طرح ألبومي وسط أسماء مثل عمرو دياب وأنغام، لكن في الوقت نفسه أنا لا أخشي منافسة أحد، لأنني أقدم لوناً خاصًا بي ومميزًا وليس له علاقة بما يقدمه غيري، وإلا ماكنتش بقيت شيرين عبد الوهاب.
> هل أنتِ راضية عن الدعاية التي قامت بها شركة روتانا للألبوم؟
- لست راضية تماما.. نقدر نقول أنا راضية نص نص وممكن بعدين يعملوا حاجة تعجبني.
> يعني إيه نص نص؟
- يعني مش وحش وفي نفس الوقت مش حلو قوي.
> هل أنتِ نادمة علي تصريحاتك عن تامر حسني بأنه يقدم «أغنيات مشينة»، خصوصا بعد الحملة التي شنتها ضدك الرابطة الخاصة به علي الإنترنت؟
- أنا هنا عايزة أرد وأقول حاجة واحدة بس، وهي إني مش ندمانة علي أي كلمة قلتها عن تامر، كما أن جمهور تامر حسني لا يعنيني بالمرة، وما قلته تحديدا عن أغنية «خليها تاكلك» لن أتراجع عنه، فأكثر من فنان هاجم الأغنية من بينهم هاني شاكر الذي هاجم الأغنية في برنامج «اتكلم» مع الإعلامية لميس الحديدي، وأنا طبعا مش عاجبني الأغنية، والناس كمان مش عاجباها اللي بيقوله تامر، وأنا لن أتحدث عن هذا الأمر مرة أخري لأني مش عايزة أديله أكتر من حجمه.
> هل تعتقدين أن أحد المقربين من تامر هو من خطط لهذه الحملة ضدك.. ونشر رقم هاتفك الخاص علي موقع تامر الرسمي؟
- تامر حسني شخصيا هو من خطط لكل هذا، وهو من نشر رقم هاتفي مش حد تبعه، وأنا عايزة أقول إن تامر حسني ده عنده عصابة ومش هيغلب يعمل حاجة زي دي.. بس اللي عمل حاجة زي كده، أكيد هتتعمل فيه في يوم من الأيام حاجة زيها وهاتجيله فضيحة من العيار الثقيل.
> ما تعليقك علي ما قاله تامر حسني عن أن عمرو دياب بـ «يهدده»؟
- ليس غريبا بالطبع أن يقول تامر مثل هذا الكلام، لأنه سيناريست كبير، يرسم قصصاً وسيناريوهات، وسبق أن اتهمني أنا وعمرو دياب بأننا السبب في سجنه، وقال إني أنا اللي طلبت منه إنه يضرب شهادة الجامعة والتجنيد.. يعني تامر حسني مش لاقي مصيبة علشان يرميها علينا.
> ما رأيك في القضية التي رفعها ضدك المنتج محسن جابر بسبب تقديمك أغنيات لوردة ونوال الزغبي من إنتاج شركته؟
- مااعتقدش إنه ينفع إن محسن جابر يرفع عليا قضية عندما أقدم أغنيات لفنانين غيري، وعموما أنا مش مبسوطة من اللي حصل، لكن قريبا الموضوع هينتهي علي خير.
> هل تحضرين في الفترة المقبلة لحملة إعلامية للترويج للألبوم؟
ليس بهذا المعني، كما أن ألبومي ليس بحاجة للترويج أصلا لأنه واصل للناس.
Source : el dostor
shaw2y المديـــــــر العام
عدد الرسائل : 2502 العمر : 33 تاريخ التسجيل : 03/10/2008
موضوع: رد: جمهور تامر لا يعنيني ودعايا روتانا لا تعجبني الثلاثاء أغسطس 04, 2009 2:07 am
طظ
A7LA AYA عضـــــو برونـــزى
عدد الرسائل : 2749 العمر : 30 تاريخ التسجيل : 20/11/2008
موضوع: رد: جمهور تامر لا يعنيني ودعايا روتانا لا تعجبني الجمعة أغسطس 07, 2009 11:32 pm
دا ايه دا ان شا الله شرين مش ممكن تقول كدا دا اول ظهور ليها كان مع تامر واول البوم كمان بس لو قالته يبقى بجد دى حد مش كويس حتى لو تامر ودا من عاشر المستحيلات انه يكون كدا مينفعش تقول عليه كدا
shaw2y المديـــــــر العام
عدد الرسائل : 2502 العمر : 33 تاريخ التسجيل : 03/10/2008
موضوع: رد: جمهور تامر لا يعنيني ودعايا روتانا لا تعجبني السبت أغسطس 08, 2009 12:03 am
هى فعلا قالت كدا يا يويو وللاسف نزلت من نظرى كتير لان تامر ميستاهلش منها كدا
انتى زعلتى لما قريتى كدا اومال لو سمعتى الكلام اللى قالته ع قناة راديو تونسيه
هتقولى ايه بصراحه قالت كلام ميصحش خالص فى حق تامر
MeShOo مشـــــرف
عدد الرسائل : 7437 العمر : 35 الموقع : https://www.facebook.com/mesho.magdy?ref=profile تاريخ التسجيل : 11/03/2009
موضوع: رد: جمهور تامر لا يعنيني ودعايا روتانا لا تعجبني السبت أغسطس 08, 2009 3:22 am
فعلا ياشوقى انا سمعت الكلام اللى قالته وقالت كلام ميصحش واحدة زى شيرين تقوله وباينة اوى انها متكادة
من تامر حسنى وعايزة تردهاله عن طريق الوسط الفنى وده مش هيحصل....
انسانة وحشة اوى وبجد كرهتها جدا جدا بعد ماكانت المغنية نمرة واحد عندى....
وفعلا خليها تاكلك لانك عمرك ماهتوصلى لحتى نص جمهور تامر...
ســاااهر الرومانــســـــي عضـو جديـــد
عدد الرسائل : 49 العمر : 32 تاريخ التسجيل : 05/01/2009
موضوع: رد: جمهور تامر لا يعنيني ودعايا روتانا لا تعجبني الأربعاء أغسطس 12, 2009 2:51 pm
[center]اصلا من غير شرين مش في تااااااامر والمحدش يعرفه ان شرين هي اللي عملت تامر اصلا تامر مالهوش اسم اب اول ما نزل سموه تامر وشرين
TI___ScorPion King___TO عضـــــو برونـــزى
عدد الرسائل : 1269 العمر : 31 تاريخ التسجيل : 07/07/2009
موضوع: رد: جمهور تامر لا يعنيني ودعايا روتانا لا تعجبني السبت سبتمبر 05, 2009 2:28 pm
هو اللي عملته شيرين غلط بس هو يستاهل
Wa2nted عضو خاربها
عدد الرسائل : 825 العمر : 30 تاريخ التسجيل : 27/08/2009
موضوع: رد: جمهور تامر لا يعنيني ودعايا روتانا لا تعجبني الأحد سبتمبر 06, 2009 2:21 am
لا ياجماعة هى شيرين بتقول كدة علشان اللى خد منها الجو تامر 2009 2008 وبتحقد عليه
NONA عضـــــو برونـــزى
عدد الرسائل : 2787 العمر : 28 تاريخ التسجيل : 06/07/2009
موضوع: رد: جمهور تامر لا يعنيني ودعايا روتانا لا تعجبني الأحد سبتمبر 06, 2009 4:39 am
هو ايه اللى يستاهل ياتيتو...
TI___ScorPion King___TO عضـــــو برونـــزى
عدد الرسائل : 1269 العمر : 31 تاريخ التسجيل : 07/07/2009
موضوع: رد: جمهور تامر لا يعنيني ودعايا روتانا لا تعجبني الأربعاء سبتمبر 30, 2009 12:34 am
موضوع: جمهور تامر لا يعنيني ودعايا روتانا لا تعجبني 
الإثنين أغسطس 03, 2009 4:12 pm
