إزاى يا قلبى مكونتش حاسس !

ازاى يا قلبى مكونتش حاسس بيها و هى حاسه بيك
ازاى وهى فى حزنك كانت جنبك و بتمسح دموع عينيك
حتى لما بتأسى عليها تسامح و تقول حبيبى
بعد ده كله يا قلبى بردو دموعها بتهون عليك

روح صالحها و بحبك صارحها
طبطب عليها و داوى جروحها
و انسى اللى باعك و فكر فيها
دى عشانك ياما جت على روحها

رجعت و انا مش مصدق اللى قالته
بتقول قلبها خلاص قفلته
خلاص مش بتحبنى
حب زمان خلاص نسيته

ندمان ليه يا قلبى علي حبها
مش انت اللى كاسر قلبها
وبعد فوات الاوان
كلمه بحبك قولتها......