رسالة اى اسلام منصور

مش كل حب بينتهى هنحب بعدة ولا كل حاجة حلوة بسهولة نلاقيها انت او اى انسان بيتهدد بحياة حبيبة عاوزة يعمل اية بتهيالى هتدافع وتضحى عشان تنقذ حبيبك من الاهانة والذل وانا عملت كدة عشان لما صاحبك يشد معاك محدش يقول شباب تافه بيتخانق عشان واحدة بنت مهما كانت البنت دى فى نظر الناس تافهة مش تستاهل اللى بيعملوة دة انا كنت كل يوم بدوق المر من صاحبك اوعى تفتكر انى كنت سعيدة معة او مبسوطة لا واقسم باللة العظيم انى كنت لما بكلمة كنت بنزف بدل الدموع دم عشان مش يعمل فى الانسان اللى حبيتة حاجة بس ياريت حبيبى دة قدر او فهم انى مش هتخلى عنة الا لحاجة فى صالحة هو او خوف علية انا ياجماعة واللة لا خاينة ولا كدابة ولا خدعتة وصاحبة بقى يقولة كلام غلط جارح قوى للكرامة على اساس انى انا اللى قولتة ولو اسلام كلمنى وانا انكرت دة حياتة هتكون فى خطر بتهيالى انا بحكى عن فيلم اكشن بس واللة دة حصل ياريت بقى كلكوا تغيروا الصورة اللى شوفتونى بيها وتعرفوا ان انا مش كدة اللى يقرا الموضوع دة عاوز يصدق اوك وانا اكون فى قمة الشكر لية انى لقيت حدسمعنى وصدقنى اما اللى مش مصدق فدة وجهة نظر وراى والمفروض انا احترمة انا دلوقتى بس ارتحت لانى لاول مرة ابوح بسر مافى حد يعرفة غيرى وصاحبة وربنا

اللى مفروض يرد اسلام
بس انا قريت الموضوع يانورى

المهم دلوقتى ان كل واحد فيكو فاكر انه مش غلطان بس يانورى انتى واس فكرو تانى لان اكيد انتوا الاتنين غلطو

يعنى انت يااسلام شوف الموضوع اللى هى قالتلك عليه وحاول تعرف البنت دى قالتلها ايه وقالت كده بناء على ايه وكمان العيال اصحابك مفروض محدش ليه دعوة بيها انت فاهم قصدى طبعا

وانتى يانور انتى كمان غلطانة لانك بتسدقى كلام واحده زى دى وكمان الولا التانى ده بنى ادم ميستهلش
كفاية انه رضى يكلمك وهو عارف ان صحبه بيحبك واللى غلط اكتر انك كملتى فى كلامك معاه ولو انتى كنتى فاكره لما تكلميه هو مش هيكلم اسلام بالعكس ده كلمه وجرحه اكتر وكمان هو كان فى وقت مينفعش كل المشاكل دى تحصل وليه بقا مش فهمتى اسلام الكلام ده ولما قالك هتصل بيكى علشان اسألك قرارك النهائى قولتيله ليه احنا مش ننفع لبعض محاولتيش تفهميه وجهة نظرك وتقنعيه بيها ليه وقفلتى الموضوع بكل بساطة كده

انافكرت بعقلى بس بنفس الوقت دوست على قلبى عشان احافظ على كرامة الانسان اللى حبنى وسط صحابة ووسط اهلة ومحدش فى يوم من الايام يجرح كرامتة بكلمة مش ليها لزمة دة كلة عشان واحدة مش تستاهل مهما كنت هبقى فى نظر الناس كدة شكرا يا سمسمة على ردك وشكرا ياميشو على مشاركتك وشكرا يا اجم هايدى فى الدنيا ونورتى موضوعى بس اللى كنت بتهدد بية صعب يتقال دة كان بيقولى انا معايا مطوة مش فى بلدك ولو كلمتى اسلام تانى انا هعملك وشة فرح واعزمك فية كلام غريب جداااااااااااااااااااا حاولت اضحى عشان كرامتة بس ياريتة قدر

انالوكنت قلت لاسلام حاجة زى دى مش كان هيبقى فى اسلام خالص دة بلطجى واسلام مش قدة انت لو شفت اسلام ضعيف جدا ومش فى حاجة وكمان بعد ماالمشكلة دى حصلت بقى فتلة معلش يا عم اسلام بس الحق يتقال هههههههههه والواد دة لة شلة كبيرة قوى وكلهم بلطجية لو اتلموا علية خلاص انتهى انا فعلا غلطانة وغلطانة جامد وبندم على اللى حصل ياميشو انا ليا بن عم اسمة اسلام كلمتة عن الموضوع دة مش عرف يحمينى من الواد دة دة كان لسة بيكلمة لقى المطوة مرفوعة علية وطبعا اسلام منصور اول مرة يعرف حاجة زى دى

ربنا يهديه يا نورا الولد دا وبيعده عن طريقكوا ويهديكوا لبعض واللى بيحب بجد بيسامح يا أس وانت بتحب نور بجد وربنا يوفقكوا

تسدقى بئه يا نور انا اول مره اعرف الحوار ده
انه قالك هرفع عليه مطوه والكلام اللى انتى بتقوليه ده
بسى كان لازم تقوليلى علشان نعرف نفكر بسى للاسف انتى خبيتى عليا
ولما خبيتى عليا الموضوع ده كبر

فكك من اللى يشكك بقى يا اسلام وبالله عليك مش تفاتحة فى اى حاجة وسيبك منة انا اصلا لو عرفت ان فى حوار او كلام دار بينك وبينة هيبقى فيها كلام تانى

احلى حاجة عرفتها فى الموضوع ده
ان اسلام بيموت فى نور
ونور من كتر حبها فى اسلام خايفة عليه

بجد
قصة جميلة اوى
وصدقونى كل حاجة هتتحل بس المهم ان كل واحد فيكم مايشكش ولو للحظة فى حب حبيبه
صدقونى
مادام انتوا الاتنين متأكدين من حبكم عمر ماحد هيقدر يهزكم ابدا

وصدقينى يانور من كلام اسلام عنك فى المنتدى أيقنت انه بيحبك موووت
وكان مدمر جدا فى الوقت اللى بعدوا فيه عن بعض

ويارب تفضلوا حبين بعض كدة على طول

خلاص بقي يا عم اسلام قلبك ابيض و نور كانت خايفة عليك بردو لانها اكيد بتحبك وانت بتموت فيها وربنا يوفقكم و ربنا معاكم واشوفكو في الكوشه اااااااااااااااااوعو مش تعزموني علي الفرح
ومش تفتحو المواضيع الرخمه دي تاني وانتي يا نونو اسمعي كلام سمسم بس مش تزعلي عشان بقولو يا سمسم وادعولي انا كمان ربنا يوفقني انا وحبيبي

ربنا يخليكى يا همسة على الرد الجميل دة وربنا يوفقك مع حبيبك ويسعدك معاة واشوفك انتى فى اقرب وقت انشاء اللة بالفستان الابيض ومتشكرة جدا يا ملاك على ردك الهايل دة وربنا يوفقك

طبعا الواحد لازم يسامح
وبعدين انا بسامح الغريب مش هسامحك انتى يا نور
دى اموت لو انا مش قولتلك انى مش مسامح
انتى فى ايه ؟؟؟؟

لأ انسى يا شوقى
ده تقريبا كان سخن ولا حاجة

حمد الله على السلامة يا عم ساهر وشكرا على الرد الجميل دة

رد ايه يابنتى
ده باين عليه بيولعها ولا حاجة