اشهر جمل بيقولوها الام والاب

*اوعى خيالك المريض يهيالك انك ممكن تاخد منى فلوس تانى.

* انتا مالك من ساعت ما دخلت البيت و انتا فرحان انتا جاي من انهي غرزة.

*ذاكر ياموكوس مش فالح غير فى الهيافه والكلام الفاضى.

* خلصي اكلك وناميلك شويه عشان تقومي تزكريلك شويه.

ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.

يا ابني تعالي اقعد معانا ولا انت ماجر اوضه جوه البيت ......

ابقي نشف الحمام بعد ما تخرج منه.

يا خويا ياراتك حافظ الدروس اللى عندك زى ما انت حافظ الاغانى كده .

اعملى حسابك اول م الدراسه تيجى الرسيفر هيتشال هو
والتليفزيون.

*قبل الفجر: ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما نايمة .

* ابقى قابلني بكرة تاخد بالجزمة وتاكل كل حاجة غصب عنك.

يابنى حرام عليك هات قناة الناس الشياطين ماليه البيت.

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* مش ملاحقه علي التليفون ولا الموبيل عملالي فيها الست المهمه.

*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* قومي ساعدي امك ده اللي هيتجوزك أمه داعية عليه.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* انتا لو فلحت تبئى تيجى (احم احم ) متهيئلى معروفة على ئبرى .

* ابقي قبليني لو فلحتي ...بس ديما مش بيقلوا نقبلهم فينّ!!! غربيه .

* كفايه رغي في التليفونات .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

*فلوسك بتروح فين يا هبله انتي بتصرفي على الصبيان؟؟.

*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة .

* ماتتأخرش علشان عندك كلية بكرة بدرى.

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببه .

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط :D .

* احمد ربنا الاكل الى مش عجبك ده فى ناس مش لقينه .

*والله لو منضفتيش الشقه ومسحتيها ما في نزول النهرده .

* قومي سخني الأكل لأخوكي

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

|̲̅̅●̲̅̅|̲̅̅|̲̅̅●̲̅̅|̲̅̅=̲̅̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅|̲̅̅●̲̅̅|̲̅̅|̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅

* ومن اشهر الجمل الى بتتقال كل يوم بعد الاكل :

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

|̲̅̅●̲̅̅|̲̅̅|̲̅̅●̲̅̅|̲̅̅=̲̅̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅|̲̅̅●̲̅̅|̲̅̅|̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅

* ( حضرتك راجع البيت متأخر و عاوز تتوه الموضوع وانت بتكلم مامتك )

انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

░░░░░░░▒▒▒▒▒▓█╠ملحوظة هامة ومش لازم ننساها ═╣█▓▒▒▒▒▒░░░░░░░

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير

ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

متفهمش والله

ههههههههههههههههههه
ههههههههههههههههههههههه
هههههههههههههههههه
ههههههههههههههههههه
هههههههههههههههههههههههه
هههههههههههههههههههههههههههه فظيع الموضوع ده تحفههههههههههه

والله فعلا كل الكلام ده بيتقال بالحرف

ههههههههههههههههههههههههه انا حاسس انهم اول مابيخلفونا بيجيبو كتاب فيه الكلام دة وبيحفظوه
هههههههههههههههههههههههههه وميرسى يا اجوجو واى خدمة Very Happy

انا توصلت بعد فحص دقيق ان هما كانوا كلهم ف مدرسة واحدة وكانوا بيمتحنوا مادة اسمها الاطفال وما بعد الخمس سنين واتضح ان هما كانوا بيغشوا الاجابات من بعض هو ده تفسير ليه هما كانوا بيطلعوا الاوائل ومكنش فيه حد اخير
ههههههههههههههههههههههههههههه
بس موضوعك جامد يا ميشو

ههههههههههههههههههههههههههههههههههههه فعلا ياسكرى انا حاسس كدة بردو
والف شكر يا معلم

هههههههههههههههههههههههههههههههههههه ايه الحلاوة دى يا ميمو

ميرسى يا زقرم واى خناقة ياباشا Very Happy

والحمدلله انها عجبتكوا

يعنى ايه اى خناقه انت هيستتت

ومش عجبتنا ولا حاجه مااحنا عارفنهم ده احنا بنجاملك بس مش تفتكر حاجه يعنى

ومين قالك انى عايزها تعجبك اصلا وبردو مين قالك تدخلى تردى انا عاملها علشان الناس حبايبى اللى ع المنتدى هما اللى يدخلو مش انتى خاااااااااااااالص Razz

ششششششششششششششششششششششش

منا قصدى مش عاجبه حد خالصصصصصصصصصصصصصصصصصصصصصصصصصصص

اطلعى انتى منها بس محدش خاد رأيك ف حاجة خاااااااااااااااااالص ويالا اركنى على جنب زى ماسمعتى قبل كدة بدل ماسكرى يجيلك بالدبابات بتاعتهههههههههههه Very Happy

هاهااهاااااااااااااااااااااااااااا

لا انا مش هاهون على سكرى علشان يجيب حاجه ده بيقول كده وخلاصصصصصصصصصصصص

شششششششششششششششششش واركن انت اللى على جنبببب

الموضوع بتاعىىىىىىىىىى

يخرب عقلك يا ميشوو
ايه يا سيدى الحلاوة دى
بجد تحفة

ميرسى ياملوووووووووووووووكة ربنا يخليكى ياقمر وميحرمنيش من ردووودك وياريت تعلمى جودى ازاى ترد على المواضيع

ههههههههههههههههههه
انت شكلك زهقان من الكلام ده
بيتقالك كتير موش كده بس والله موضوع
يجنن

ميرسى يا رودى والكلام ده مش بيتقاللى انا لوحدى ده موجود ف كل بيت فيكى ياجمهورية ههههههههههههههههه

ههههههههههههههههههههههههههههه بجدجميلة ياميشو والموضوع هايل جداااااااا وتسلم ايدك

ربنا يخليكى يامعلم... وانتشر بقا ف ارجاء المنتدى ورينا همتك يابطل

الله عليك الله ايه الحلاوه دي يا ميشو يا فنان بس ليه فضايح البيوت في النتدي
استرنا ان الله ستار حليم

هههههههههههههههههه اصل دى متعتبرش فضايح ياهديل اصلها بتتقال ف كل بيت ف مصرررر يعنى ... يعنى انا كدة لو بفضح يبقا بفضح مصر كلها فعادى يعنى Very Happy

وميرسى ياقمر على ردك

الموضوع يجنن يا ميشو
الكلام بيتقال بالحرف والله
وتسلم ايديك بجدالموضوع يهبل

والله الموضوع جميل يا ميشو وهو فعلا الى بيحصل فى الواقع والله تسلم ايدك

تسلم ايديك يا ميشو

ميرسى يابوسى على ردك الجميل ونورت يا احمد الموضوع

الف شكر ياجماعة

» عشرين جمله 95% من شباب مصر بيقولوها للبنات
» طفل يرسم وعندمارأت الام رسمته بكت وانهارت
» زوجك بعد ستة اسابيع ....ستة اشهر.....ستة سنوات
» اشهر جمل بيقولها الاب والام للابناء
» اشهر اغنيه لفريق الus5 اغنيه جمده جدا