اسئلة رخمة كلنا بنتعرض ليها ومحدش ينكر

فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس

خلـونـــا نشــوف أمثلة

***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))
***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********
أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

***********
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

هههههههههههههههههه
وتصدق أنا بتنرفز جدا من الأسئلة دى بس حلوة الاجابات
ونبى من هنا ورايح هقول كدة

هههههههههههههههههههههههههههههههههههههههههههههههههههههههههههههههههههههههههههههههههههههه عنك حق والله يامشمش الناس دي اللي بتشوه صورة مصر

بس بلاش تقولو الاجابات دى مع باباكوا ومامتكوا لحسان تتضربوا

ههههههههههههههههههههههههههههههههههههههههههه نضرب بس ده احنا نتفحححححححححتتتتتتتتتت

هههههههههههههههههههههههههه على رأيك يابنتى والله... بس مش نتفحت اوى اوى يعنى

على فكره انت عندك حق في كل حاجه وخصوصا في موضوع المذاكره ده كان بيحصل معايا طول السنه و كنت مش بذاكر[b]

اه ياخويا بس متعملهاش حجة ومتذاكرش ... ده مجرد كلام يعنى

هههههههههههه لا وحياتك كلنا فينا النداله بس مش بنستعين بيها الا ف وقت الشده بس

ههههههههههههههههههههههههه
النداله بتجرى فى دمنا اصلا

ايوة يا عم ميشو ايه المواضيع الروشة دى بس دى حقيقة ع فكرة عجبتنى بتاعت السبحة

فعلا على رأيك يا جودى حاجة تخنققققق

ههههههههههههههههههه فعلا ياجودى وفى م الاسئله دى كتير وللاسف احنا بنعديها ... بس مفروض من دلوقتى نضع حد ههههههههه

على وشه؟؟؟ مع نفسك انتى بقا بس ساعتها متجيش تقولى ميشو هو السبب

هههههههههههههههههههههههههههههههههههههههههههههههههههههه جامده الاسائله ديه وفعلا بتحصل كتير
على رايك شعب مصر كده هههههههههههههههههههه

لا واكتر من كده كمان

دا العادى بتاعنا بكاته
بس موضوعك جامد اخر حاجه
الا قولى صحيح " هى اللى فى الصوره دى شمس ولا نظر "
سورى اصل انا مصرى هههههههههههههههه

ههههههههههههههههههههههههههههههههههههههه

اتصدق ممكن احطها ف الموضوع
جامد ياشوقى