يوميات ومواقف الشلة الفقرية.....!!!!!

كان فى اتنين من الشلة الفقرية مسافرين مصيف مع بعض فالمهم ان هما هناك اجروا عجل اللى هو اتنين بيركبوا فيه فالمهم افتكسوا افتكاسة حلوة وهى ان هما يجوا يخشوا اى سوبر ماركت بالعجلة دى فالمهم وهما سايقين لقوا سوبر ماركت والتلاجة اللى فيها الجبن والحاجات دى ف اول المحل فالمهم ساقوا بسرعة وملوا نفسهم ان هما هيخشوا ف التلاجة دى فالراجل صاحب السوبر ماركت وقف وكانه واقف مستنى دانة مدفع هتخش فيه فالمهم الاتنين دول يقتربون يقتربون يقتربون من التلاجة وفجاة راحوا محودين علطول ومشيوا الناحية التانية والراجل صاحب السوبر ماركت طلع يجرى وراهم بس بجد الاتنين دول شياطين شياطين شياطين وربنا يتوب عليهم

لا مش هاقدر اقول مين بس هما شياطين

المنتدى ده كله وكوباية لا يا ست لما اسالهم الاول لو وافقوا هاقول هما مين

يا عم هو انا هخاف وبعدين يعنى هما عاملوا جريمة وانت اساسا مش عارف مين هما

الاتنين دول هما انا وشادى بس لو حد اتريق هولع ف المنتدى.

الموقف التانى انه هو كانت الشلة الفقرية قاعدة ف قهوة بتتفرج على متش والقناة اللى عليها المتش مش راضية تيجى والناس ابتدت تقوم فالمهم المعلم شادى لقى كده راح مدبس عطا ف الموضوع ده ودخل لصاحب القهوة وقاله ان صاحبى خبير بالدش وصلح دشات كتير وهو فعلا عطا بيفهم ف الدش اكتر واحد فينا المهم شادى اتفشخر بصاحبه قدام الراجل وراح قعد جنبه وكله فشخرة المهم عطا عمل بحث للدش عشان يشوف القناة وفجاة ............ لاقينا كل القنوات قفلت ولقيت شادى بيسحب لورا حبة حبة وساب عطا لوحده وعطا خاف ومسك الريموت وايده بتترعش بس الحمد لله ربنا سترها وجاب القناة قبل ما المتش يبدا..

ايه يا جماعة مش شايف حد بيكتب مواقف تانية حصلتلوا لو مكتبتوش مش هكتب باقى مواقف الشلة الفقرية

طب ما تكتبى انتى كمان يا جودى ولا هو مافيش غير الشلة الفقرية اللى حصلها مواقف بس

ماشى عشان خاطرك يا جودى بس اوعدينى ان انتى هتكتبى مواقف تانية
حصل موقف ان احنا كنا رايحين فرح اخت شوقى وكان الفرح ف نادى ف المعادى اسمه نادى 54 فالمهم واحنا راكبين الميكروباص ركب راجل وقال للسواق نزلى عند نادى 54 فالحاج محمود عطا قاله ما دام انت رايح 54 يبقى انت تبع شوقى والحساب عليا يا بشمهندس الراجل يقولو يا ابنى انا معرفش شوقى ده ومحمود مصمم ان الراجل تبع شوقى ومحود مصمم انه يدفع للراجل فالراجل اخر ما زهق وافق واحنا داخلين النادى لقينا الراجل راح فرح تانى خالص وقعدنا نضحك على محمود عطا

انا لو مكانهم كنت خليتك تعومى جوه الازازة

بصوا بقى انا هحكيلكوا موقفين
الموقف الاول
هو محصلش مع اى حد من الشلة الفقرية ولكن هو حصل مع الاستاذ بتاعى المهم الموقف عبارة عن ان الاستاذ ده كان بيصلى صلاة الجمعة وكان بيسمع الخطبة فالمهم ان الامام بتاع الصلاة طول ف الخطبة و معظم الناس ناموا ف المسجد اثناء الخطبة فالمهم اللامام كان بيقول ايه " ان فتيات اليومين دول مش عارفين تقاليد دينهم كويس لان البنت من دول تقول لامها ان هى راحة الدرس او راحة عند واحدة صاحبتها ولكن ف الحقيقة هى ذاهبة لمقابلة الحبيب( وعلى صوته اوى ف كلمة الحبيب دى)" فالناس صحيت على علو صوته ولكن المفاجاة اللى تضحك ان الناس قالت ( عليه الصلاة والسلام)

الموقف التانى
حصل معايا انا المهم ان انا باخد مادتين ف الكلية واحدة اسمها مكاتب سياحية والتانية اسمها نظرية السياحة فالمهم ان الدكتورة بتاعتهم واحدة وبتدينا المادتين ورا بعض فالمهم انا كنت احب المكاتب اوى ومبحبش النظرية ولا كنت احب احضرها فالمهم الدكتور كانت عاملة كويز صغير ف المكاتب وبعد ما علمته مكنتش طايق احضر نظرية عشان كان الجو حر اوى فالمهم روحت للدكتور وقلتلها يا دكتور انا هاروح عشان تعبان ودماغى وجعانى ومش هاقدر احضر وكنت بمثل بقى بس هى فاهمانى فقلتلى روح اشرب حاجة من الكافيتريا يا محمد واشطف وشك وتعالى وبطل استعباط فانا ضحكت وروحت اشطف وشى وجيت وقلتلها يا دكتور بصراحة انا مش عايز احضر المحاضرة دى قلتلى ادينى سبب مقنع ففكرت وقلتلها امى عاملة بطة ف البيت وانا عايز اكلها وهى سخنة فراح فيه بنت جت وقالت واحنا كمان عاملين بطة فروحت للدكتورة اهم بقوا بطتين يالا يا دكتور سلام فراحت لاغية المحاضرة وقلتلى ماشى يا محمد