--------------------------------------------------------------------------------
لما فكرت انى اكتب فى القسم ده كان لازم كل اللى قوله يبقى طالع من قلبى مش طالع من دماغى
لازم تبقى فضفضه بجد مش مجرد فكره حبيت اكتب عنها او موضوع نقلته من منتدى تانى
لما فكر قولت اكتب عن ايه ولا ايه
قولت اكتب مثلا عن الحب لقيت انى الحب مش حب فى زمن ضاع فيه الحب اللى
مش بس حب الولد للبنت ولو انه من الحاجات الضايعه
لا ده حب الناس لبعضها
ده حتى الزمن والدنيا بقينا نشتمهم على اساس انهم هما السبب فى ازمة العيش وزحمة المواصلات ونظام التعليم والفضائيات المفتوحه (معرفش مفتوحه ازاى)
وظهور هيفاء ونانسى وغيرهم من الفنانات العظيمات اللى انفصو من الفن اكتر مما اضافو
طيب بالنسبه للاخ الكبير المجرش فى البد بقالو اكتر من 25 سنه ياترى الزمن برضه هو السبب
اتاسف ليك يا زمن عن كل اللى شتمو فيك واقولك رد عليهم بكلمه واحده الله يسامحكو
قولت اكتب عن السياسه مثلا ملقتش غير كلمه واحده مينفعش اكتبها هنا واكيد انتو عارفينها كويس
بالمناسبه اولها زى اخره
وبصراحه لقيتهم مش حرمنا من حاجه خالص يعنى لحم حمير وكلنا طوابير ووقفنا مواصلا واتبهدلنا اسعار وغليت
تعليم متهالى مفيش احسن من كده
متهيالى بعد كده نبقى طماعين اوى يعنى
قولت اكتب عن الجامعات مثلا
ومنهم جامعتنا المبجله طبعا مش هتكلم عن الاداره والحاجات علشان مفهمش فيها بس اكتب عن اللى بشوفه من اصحابى والمناظر اللى لايعلم بيها الاربنا
صباح الصياعه بجد
ايه ده هو فيه كده هو ده اللى بقوله كل يوم
بعيدا عن مناظر الشباب والبنات لانهم بيدعو انها حريه شخصيه وعلى غرار كلامهم مش هعلق على اللبس
مع انى ببيقى داخل الجامعه حاسس انى بفتح ميلودى هيتس وجميع البنات حاملين شعار (نحن نتحدى الملل)الا من رحم ربى
طب والهزار باليد مع اصحابك حريه شخصيه برضه
موضوع: الحب ولا السياسه ولا الجامعه ولا ولا 
الخميس أبريل 30, 2009 9:09 pm