كرسى الاعتراف

زائر

ياااااااه نورتى يا هايدى دا انا مستنيكى من زماااااااااااان

ومجهز اساله ناااااااار ربنا يوفقك انا لسه مش هسال دلوقتى شوشو كده

ايه اكتر جرح انجرحته في حياتك ومش قادر تنساه لحد دلوقتي

مش جرح بس موقف زلى ناس بجد مش يستاهواا اى حاجه

انا ممكن اقعد على الكرسى بس لما تجيبوا واحد شيشة الاول

ههههههههههههههههه

زائر

لالالا يانورهان الكرسى ده الى قاعد عليه دلوقتى هايدى دروك جاى بس لسه قريب مش تخافى

اوك الشيشه تفاح ولا موز ولا كنتالوب ولا فراوله ولا كوكتيل احنا فى الخدمه

تصدقى ياهايدى طلعتى زكية فعلا ولئيييمة كمان ههههههههههههه قدمتى اسئلة عشان ناخد وقت على بال ما نرد عليها

بس على ميييييييييين ف ثوانى هتكون الاسئلة دى مردود عليها

ميشو (لو انت بتحب بنت اوي وهتموت عليها واهلك رقضوها هتعمل ايه..هتفضل تحبها ولا هتفكر في غيرها)

الاجابة : لو انا فعلا لسه بحبها هفضل وراها ومش هيهمنى حد حتى أهلى لأن الحب صعب انه يتلاقى مرتين بس مش معنى كدة انى هعصيهم هفضل وراهم هما كمان بردو لغاية ما اقنعهم واكيد هما لما يلاقونى متعلق اوى بيها كدة مش هيفضلوا رافضين ..!!

طب انا ليا سؤال تانى
ايه رأيك فى الاعضاء دوووووول وبكل صراحة ومن غير كسوف:

حلمى
شوقى
ميشو
معتز
جوبا
ياسمينة
أيه
همس
نونا
ميدو
ملاك
وحيد
أحمد فوكس

أختارى من أعضاء المنتدى :

عضو حباه
عضو غلس
عضو محبوب
عضو كسلان
عضو واخدة بالك منه
عضو ذكى
عضو حبه تشوفيه
عضو حبه تشيليه من المنتدى

وكفاية كدة عقبال باقى الاسئلة

ايه رأيك فى الاعضاء دوووووول وبكل صراحة ومن غير كسوف:

حلمى(غائب ولكنه حاضر)(انا والله بحييه علي المنتدي الخارق ده)
شوقى(بصراحه مطلقه شوقي ده ابو الفن)(رأيي فيه طبعا معروف انه شاعر اليوم والغد والمستقبل)
ميشو(ده بقي صاحب العاطفه الجذابه والاحساس النادر)(شخصيه مرحه جدا وطيوب وعطوف جدا جدا)
معتز(صاحب الكلام المؤثر والكلام المحبوب)(احساسه والله رائع ومواضيعه بدل علي شخصيته القويه)
جوبا(انما ده متألق للتألق نفسه)(جوبا ده اللي مظبط المنتدي ورأيي فيه انه فنااااااااااااان كبير اوي وخاربها علي الاخر)
ياسمينة(عضوه من الاخر)(بنت لذيذه جدا محبوبه من كل الناس احساسها عالي اوي وكلامها فعلا جامد اخر حاجه)
أيه(بنوته من الاخر طحن)(لذيذه جدا وحنينه جدا جدا دي اطيب من اطيب قلب ممكن اي حد يتصوره)
همس(هموستي دي بقي الغامضه)(بنت ذكيه جدا لفتت انتباه كل المنتدي بسرعه وده طبعا لاحساسهاواسلوبها الرائع في الكلام)
نونا(نونا الصغنونه الاموره)(حبيبه الملايين عقلها اكبر من سنها ودي حاجه هايله جدا عندها خفه دم مش علي اي حد)
ميدو(برصاحه معرفوش)
ملاك(ملاك دي فعلا ملاك)(مهما غابت بحس انها مابينا روحها عايشه في مواضيعها وردودها عايشه جوانا بنت والله روعه)
وحيد(اسم علي مسمي)(كلامه واحساسه بيدل علي شخصيته القويه جدا انا بصراحه بعزه وبحترمه جدا لاسلوبه وحواره الجامد)
أحمد فوكس(صاحب المواضيع المتحفه)(مواضيعه وردوده بدل علي روحه الجميله وحبه من كل المنتدي)

أختارى من أعضاء المنتدى :

عضو حباه (كل عضو علي المنتدي انا والله حباه)
عضو غلس(والله ومش بكدب مفيش بالنسبالي ولاعضو غلس)
عضو محبوب(شوقي&ميشو&جوبا&همس&ملاك&نونا&يويو&دودو&ياسمينا&معتز&ميسي)
عضو كسلان(يويو)
عضو واخدة بالك منه(ههههه)كل الاعضاء والله
عضو ذكى(يمكن يكون جوبا وهمس وياسمينا)
عضو حبه تشوفيه(ملاك الحب)
عضو حبه تشيليه من المنتدى(لا طبعا ولا عضو)

وكان معاكم هايدي اكرم من منتدي حلمي
ارحموني الله يخليكوا ده انتوا من اول يوم كده مبهدلني اسئله حرام عليكوا

زائر

طيب انا بقا مش هتقل عليكى خالص

اكله بتحبيها
نفسى فى ايه لهذا اليوم
اكتر كلمه بتحبى سمعاها
ايه اكتر حاجه فى حياتك زعلتى عليها

والسؤال المفروض هل محلات الجزاره بتبيع لحمه

ياعينى عليكى ياهايدى ...ربنا يقدرك يابنتى

انا سؤالى بقى:معاكى باقة ورد لمن تهديها من الاعضاء؟

ايه رأيك فى ( كرسى الاعتراف )
وايه الافكار اللى حبه تكون فيه ؟

مين العضو الوحيد اللى فريته اجاباته على الكرسى واعجبتى بردوده الروعة ؟
مين العضو اللى حبه تحطيه على الكرسى وتسئليه اسئلة محيراكى بالنساله ؟

يالا ياهايدى هيصى ياقمر؟!!
كام سؤال كدة ...جاوبى عليه وعييييييييييشى.

كم مدى تأثيرك بالاشخاص القريبين ليكى ..؟
لو انتى عملتى مشكله جامد وزعلتى اشخاص منك وفاكره انك صح فجأه اكتشفتى انك غلط هل بتعتزرى ..؟
وقت فراغك بتقضية ازاى ؟
بتقعدى نت وقت قد اية وهل بيسبب لك مشاكل ؟
هل انتى رومانسية ام واقعية ؟
بتحبى تتعرف على الناس ولا بتحبى الانعزال ؟
امتى حسيتى انك مكسورة؟
امتى حسيتى انك ملكت الدنيا و مافيها؟
دموعك قريبة؟
ماهي رسالتك في هذه الحياة ولمن توجهيها؟
دعوة صادقة من صميم قلبك لمن تهديها.
كلمه حب لمين توجهيها
كلمه عتاب لمين توجهيها
كلمه شكر لمين توجهيها
حاجة عملتيها وندمانة انك عملتيها في حياتك؟
حد حسيتي انك غلطتي في حقه وبتتمني يسمحك؟
بتعترفي بغلطك بسرعة ولا لاء؟
بتقبلي تعتزري لو غلطي في حد ولا لاء ولو الا انتي غلطي فية مقبلش الاعتزار هتعملي اية عشان يسمحك؟
ايه الى ممكن يخلي همس تزعل من نفسها؟
واية الى يخليها رضية عن نفسها؟
لما بتزعلي وتحسي انك مخنوقة بتعملي اية وياتري بيكون في سبب محدد لكده للخنقة يعني؟
لو معاكى 3 وردات تهديها لمين داخل المنتدى و3 خارج المنتدى
ممكن تيجي علي نفسك عشان حد و الي اي مدي ؟؟؟؟
ثلاث كلمات لا تغادر لسانك ابدا.؟
فى اى قرار تتخذيه هل تحكمى قلبك ام عقلك ؟ زمن الاسبق فى الحكم؟
ياورد مين علمك تجرح لمن توجه هذه العباره ؟؟
إن كنتى عصفورا فبأي فضاء ستحلقى؟؟؟
النسيان نعمه ..مالذي تتمنى أن تنساه...!!

خلصيهم عشان فى اسئلة تانية مستنياكى كتييييييييييير

ياعيني عليكي ياهايدي صعبانه عليا والله بس يلا تستهلي
1- ايه هي هوايتك؟
ومميزاتك؟
ايه اكتر صديقه عندك؟
ايه رأيك في الحب / الزواج؟
ايه رأيك في الغيره؟
ايه رأيك في الحياه؟
ايه هي حكمتك في الحياه؟
ايه هو احلي خبر سمعتيه؟
ايه هو اسوأخبر سمعتيه؟
مين الممثل المفضل عندك؟واللمثله؟
ايه هو الفيلم المفضل عندك؟ والاغنيه؟
مين اكثر حد بتلجأيله؟
بتعملي اه لما بتكوني مخنوقه؟
وياتري لما بتحبي تعملي حاجه بتفكري بعقلك ولا بقلبك ؟ي ةاتر مين الاحسن.؟
واستعدي يا دودو بقي للاسئله اللي جايه ده انتي هتطحني اسئله
صعبانه عليا والله

جاوبى بقى يادودوى ياقمر ع الاسئلة دى...انا مش رضيت اكتر عشان عارفة انها هاتتردلى ف يوم من الايام

-- مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- مـــــن يطـــــربك ...؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشاه...؟؟

10- مالذي يشعرك بأكثر قدر من الحرج...؟؟

12- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

13- جريمه تتمنى ارتكابها...؟؟

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

نعم نعم؟ايه ده كله ان شاء الله
بسم الله الرحمن الرحيم

اكله بتحبيها(الكريب)
نفسى فى ايه لهذا اليوم(نفسي ارضي كل الناس اللي زعلانين مني)
اكتر كلمه بتحبى سمعاها(اي كلمه حلوه واحساسها لذيذ بحبها اوي)
ايه اكتر حاجه فى حياتك زعلتى عليها(اني ماجبتش المجموع اللي اتمنيته في اعدادي)

ايه رأيك فى ( كرسى الاعتراف ).......(الكرسي ده يمكن يكون من اصعب الحجات اللي قابلتها في حياتي
وفي نفس الوقت من اكتر الحجات الممتعه لان لذيذ لما تلاقي حد مهتم بيك ونفسه يسألك ويعرفك اكتر والالذ اني برد وانا في قمه الحيره)

وايه الافكار اللى حبه تكون فيه ؟(بصراحه كل الافكار الجميله موجوده فيه معتقدش ان في حاجه اكتر من الافكار الموجوده
بلاقي عليه صراحه وذكاء وحجات كتير حلوه اوي)

مين العضو الوحيد اللى قريته اجاباته على الكرسى واعجبتى بردوده الروعة ؟(تقريبا مقريتش غير همس ومعتز وعاجبوني جامد)
مين العضو اللى حبه تحطيه على الكرسى وتسئليه اسئلة محيراكى ؟(ميشوووووووووووووووووووووووووو)

كم مدى تأثيرك بالاشخاص القريبين ليكى ..؟(تأثيري عالي جدا)

لو انتى عملتى مشكله جامد وزعلتى اشخاص منك وفاكره انك صح فجأه اكتشفتى انك غلط هل بتعتزرى ..؟ (اكيد هعتذر هي دي فيها كلام)

وقت فراغك بتقضية ازاى ؟(علي النت&النوم)

بتقعدى عليال نت وقت قد اية وهل بيسبب لك مشاكل ؟(بقعد كتيير تقريبا6ساعات يوميا وطبعا بيسببلي مشاكل)

هل انتى رومانسية ام واقعية ؟(رومانسيه)

بتحبى تتعرف على الناس ولا بتحبى الانعزال ؟(بحب اتعرف علي الناس اوي)

امتى حسيتى انك مكسورة؟ (لما اتظلمت من اعز الناس اللي حواليا حسيت اني اتكسرت اوي)

امتى حسيتى انك ملكت الدنيا و مافيها؟ (في كل وقت كنت سبب سعاده اي انسان غالي عليا)

دموعك قريبة؟(جدا جدا)

ماهي رسالتك في هذه الحياة ولمن توجهيها؟(الحياه منتهي اللذه)(مش لحد معين بس لكل انسان حاسس ان الدنيا كئيبه)

دعوة صادقة من صميم قلبك لمن تهديها.(لمامتي واقولها ربنا يخليكي يارب)

كلمه حب لمين توجهيها(لكل المنتدي)

كلمه عتاب لمين توجهيها(لانسان كنت فكراه انسان)

كلمه شكر لمين توجهيها(لكل المدرسين وخاصه استاذ حسن)

حاجة عملتيها وندمانة انك عملتيها في حياتك؟(يوم لما كدبت علي حد وثق فيا اوي)

حد حسيتي انك غلطتي في حقه وبتتمني يسمحك؟(انا تقريبا عمري مغلطت في حق حد بس بتمني كل الناس تسامحني)

بتعترفي بغلطك بسرعة ولا لاء؟ (لا بعترف بيه بسرعه جدا)

بتقبلي تعتزري لو غلطي في حد ولا لاء ولو الا انتي غلطي فية مقبلش الاعتزار هتعملي اية عشان يسمحك؟
(طبعا اعتذر&هفضل اعتذر لحد ماثبته)

لما بتزعلي وتحسي انك مخنوقة بتعملي اية وياتري بيكون في سبب محدد لكده للخنقة يعني؟ (بحكي لاي حد من صحابي&مش دايما)

لو معاكى 3 وردات تهديها لمين داخل المنتدى و3 خارج المنتدى (ميشو&نونا&يويو)(مامي&بابايا&اخواتي)

ممكن تيجي علي نفسك عشان حد و الي اي مدي ؟؟؟؟ (ممكن&للحد المعقول)

ثلاث كلمات لا تغادر لسانك ابدا.؟(يارب*الحمد لله*ربنا يستر)

فى اى قرار تتخذيه هل تحكمى قلبك ام عقلك ؟ زمن الاسبق فى الحكم؟(غصب عني بيكون قلبي)

ياورد مين علمك تجرح لمن توجه هذه العباره ؟؟ (عشان اكمل الردود بصراحه فههديها لاول حب في حياتي)

إن كنتى عصفورا فبأي فضاء ستحلقى؟؟؟(فضاء الحب)

النسيان نعمه ..مالذي تتمنى أن تنساه...(اتمني انسي جرح كل انسان جرحني)

ايه هي هوايتك؟(سماع الاغاني)
ومميزاتك؟(مقدرش اجاوب علي السؤال ده يقدر اي حد يجاوب مكاني)
ايه اكتر صديقه عندك؟(انا عندي كتير بس معنديش صديقه معينه والله)
ايه رأيك في الحب / الزواج؟(الحب احلي احساس ملكته في حياتي وهو احلي عاطقه بينجذبلها اي انسان بدون مايحس)
(الزواج من رأيي هو الحب والامان* والصداقه في الحب خيانه للقلب)
ايه رأيك في الغيره؟(لازم تكون موجوده بس طبعا مش في كل الاوقات)
ايه رأيك في الحياه؟(الحياه منتهي اللذه)
ايه هي حكمتك في الحياه؟(امشي عدل يحتار عدوك فيك)
ايه هو احلي خبر سمعتيه؟(نجاحي بتقدير وتكريمي في ابتائي)
ايه هو اسوأخبر سمعتيه؟(لما افتقدت اعز الناس عندي)
مين الممثل المفضل عندك؟واللمثله؟(السقا واحمد عز)(مني زكي)
ايه هو الفيلم المفضل عندك؟ والاغنيه؟(حبيبي دائما)(وعد العيون)
مين اكثر حد بتلجأيله؟(ربنا)
بتعملي اه لما بتكوني مخنوقه؟(بحكي او بكتب)
وياتري لما بتحبي تعملي حاجه بتفكري بعقلك ولا بقلبك ؟ي ةاتر مين الاحسن.؟(بفكر بقلبي واحيانا بيكون هو الاحسن)

مــــن انـــــــت ...؟؟ الغارقه في بحر الحب

2باقة ورد لمن تهديها ...؟؟ لكل المنتدي

باقة شوك لمن تهديها ...؟؟ لمحدش

اسوأ خبر سمعته...؟؟ جاوبت قبل كده

شخص لاترفض له طلبا ..؟؟ حماده ابن عممي

ماهي التجربه التي تتمنى تكرارها ...؟ اني اروح اصيف تاني مع قرايبي

من هو توأم روحك ...؟؟ احم احم توأم روحي هو توأم روحي

ماهو اكثر شئ تخشاه...؟؟ اني مادخلش صيدله

مالذي يشعرك بأكثر قدر من الحرج...؟؟ لما حد يقولي علي حاجه ومعرفش ارد عليها

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟ايمان بنت خالو

جريمه تتمنى ارتكابها...؟؟ اني اقتل اي حد يفكر يدخل ويكتب اسئله تاني

قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة..؟الصوره هتكون عالم بالا ملامح وبردو هكتب تحتها كده

معتز(ايه اكتر تضحيه ضحيتها عشان البنت اللي انت بتحبها)
والله معرفش يمكن محصل حاجه تحتاج لتضحيه.

يالا نبدا مع الأسئله الشديده :
1/ أطرف موقف فى حياتك ؟
2/ إيه هوه أكتر إسمه بتحبيه؟
3/ إيه هيا حكمتك فى الحياه؟
4/ إنتى بتزعلى بسرعه من الهزار و بتزعلى لو واحده صاحبتك ردت عليكى بهزار؟
5/ إنتى واثقفه فى نفسك؟ و لو إجابتك اه يبقى ليه ؟يعنى إذكرى موقف
6/ الإبتسامه فى وجه الأخرين ماذا تعنى لكى؟
7/ إيه هيا حالتك المزاجيه و إنتى قاعده على الكرسى؟
8/ إيه هيا الريحه المفضله ليكى (العطر)؟
9/ إيه رايك فى شباب اليومين دول؟
10/ هعتبرك حكمتى العالم هتاخدى نفس عميك و تقوليلى هتعملى إيه فى مدة دقيقه هتمسكيه فيها؟
11/ لو أختاروكى شمرفه يا ترى هتمسكى قسم إيه ؟
12/ إنتى راضيه عن نفسك يا هايدى؟
13/ هتقولى إيه لشخص خاصمتيه من زمان و مش صالحتيه لحد دلوقتى ؟
14/ لو كانت يا هايدى الحياه عباره عن مدرسه كبيره ! فهتكونى إتعلمتى منها إيه؟
15/ لو الدنيا ضاقت بيكى ؟ هتعملى إيه؟
16/ إنتى بتايدى فكرة إن الإنسان ممكن يكون صريح لدرجة إنو ممكن يجرح اللى حوليه بكلامه؟
17/ أسرارك بتسيبيها مع مين و تدخلى تنامى و إنتى صافيه البال يا هايدى؟
18/ بكلمات صغننه عاوزك توصفى المنتدى ده ؟
19/ يعنى إيه ليكى البحر؟
20/ موقف أثر على شخصيتك سلبيا أو إيجابيا؟
21/ لما تكونى مقتنعه بشىء هل ممكن تقنعى اللى حوليكى ؟ و بأى درجه؟
22/ إيه هيا نقطة ضعفك؟
23/ أكبر جرح دفنتيه ؟
24/ هل فى فرق بين إحترام الشخص و حبه؟
25/ إيه هيا أصعب كلمة تخرج من قلبك؟ و ليه؟
26/ إمتى تحسى إنك مالكه الدنيا ؟

كفايه كده بس على فكره ديه مش أسئلتى ديه تسليك سنان
لسه التقيل جاااااااااااااااااى
و ليا عوده

ارحموا عزيز قوم زل انا مش هئسالك علشان انتي مش ناقصة

ياعم ده هزااااااااااار
لسه الجد جاى

وعلى رأى روتانا زمان.... انتى لسه شوفتى حاجة

هههههههههههههههههههههههه

ههههههههههه انتم مش هاتسبوها ولا اية

أطرف موقف فى حياتك ؟(ههههه مواقف كتير والله بس مش متذكره حاجه منهم خالص)
إيه هوه أكتر إسمه بتحبيه؟(اياد)
إنتى بتزعلى بسرعه من الهزار و بتزعلى لو واحده صاحبتك ردت عليكى بهزار؟(لا اطلاقا)
إنتى واثقفه فى نفسك؟ و لو إجابتك اه يبقى ليه ؟يعنى إذكرى موقف(الحمد لله)idont know
الإبتسامه فى وجه الأخرين ماذا تعنى لكى؟(تعنيلي كل حاجه حلوه في حياتي)
إيه هيا حالتك المزاجيه و إنتى قاعده على الكرسى؟(في منتهي البرود)
إيه هيا الريحه المفضله ليكى (العطر)؟Victory
إيه رايك فى شباب اليومين دول؟فيهم الكويس وفيهم اللي مش كويس يعني مقدرش احكم
هعتبرك حكمتى العالم هتاخدى نفس عميك و تقوليلى هتعملى إيه فى مدة دقيقه هتمسكيه فيها؟
(هخلى واحد فى بيته جعان ولا فى الشارع مش لاقى بيت ليه وهجمع كل الفلوس المتهربه برا البلد واعمل مستشفيات علاج ببلاش)
لو أختاروكى مشرفه يا ترى هتمسكى قسم إيه ؟(همسات خاصه طبعا)
إنتى راضيه عن نفسك يا هايدى؟(اه الحمد لله)
هتقولى إيه لشخص خاصمتيه من زمان و مش صالحتيه لحد دلوقتى ؟(رمضان كريم وهصالحه)
لو كانت يا هايدى الحياه عباره عن مدرسه كبيره ! فهتكونى إتعلمتى منها إيه؟( اتعلمت منها انى اكون انسانه قبل كل شئ )
لو الدنيا ضاقت بيكى ؟ هتعملى إيه؟(بحكي لصحابي )
إنتى بتايدى فكرة إن الإنسان ممكن يكون صريح لدرجة إنو ممكن يجرح اللى حوليه بكلامه؟
(اه طبعا لان الجرح دلوقتي بيكون اسهل بكتيييييييييييييييير من بعدين)
أسرارك بتسيبيها مع مين و تدخلى تنامى و إنتى صافيه البال يا هايدى؟(مع نفسي)
بكلمات صغننه عاوزك توصفى المنتدى ده ؟(مالوش حل)
يعنى إيه ليكى البحر؟(يعني الهدوء والرومانسيه)
موقف أثر على شخصيتك سلبيا أو إيجابيا؟(يوم ماكدبت علي حد اتعلمت ماكدبش تاني بسهوله)وطبعا ايجابي لاني اتعلمت منه
لما تكونى مقتنعه بشىء هل ممكن تقنعى اللى حوليكى ؟ و بأى درجه؟(تقريبا)(80%)
إيه هيا نقطة ضعفك؟0طيبه قلبي)
أكبر جرح دفنتيه ؟(جرح حبيبى قصدى اللى كان حبيبى)
هل فى فرق بين إحترام الشخص و حبه؟طبعا(كل شخص بحبه لازم احترمه بس مش كل شخص بحترمه لازم احبه)
إيه هيا أصعب كلمة تخرج من قلبك؟ و ليه؟( اصعب كلمه كلمه بحبك عشان لازم تكون طالعه من القلب عشان توصل للقلب )
وبجد مش عارفه اقولك غير ربنا يسامحك يامعتز

انا عندى طلب صغير

مكن الاسئلة ماتكنش بالحجم الكبير ده
على الاقل علشان العضو المشارك يقدر يقرأ الاسئلة ومايتصدمش لما يلاقى الكم الهائل ده ويكسل يقرأ

يعنى على الاكثر عشر اسئلة بس وياريت ماتزيدش

ماشى يا ملوكه من عنيا معلش

ربنا يخليكي ياملوكه

ياحبيبتى يادودو والله بعتذرلك انى اتاخرت عليكى فى الاسئلة بس انتى عارفة انى كنت تعبانة استعدى بقى وجاوبى
1_ حبيتى قبل كدة او عايشة فى قصة حب حاليا؟
2_تتمنى فتى احلامك اوصافه ايه ؟
3_مين تحبى تقرى مواضيعه ؟
4_ امتى اتقالت اخر مرة ليكى كلمة بحبك؟
5_ هل انتى طموحة ولا عادى ؟
6_لو انتى مشرفة فى المنتدى تتمنى تكونى فى اى قسم وهتجددى فى ايه؟
7_مين اكتر شخصية بتحبيها فى المنتدى سؤال اجباااااااااااااااااااااارى تقول شخص واحد؟
8_قولى صفة او اى حاجة بتحبيهل فى كل من&
جوبا-معتز-ملاك-وحيد-يويو-هديل-ميشو-حلمى-شوقى-ندى-واناوانا يادودو ياقلبى
9_ايه هوة اكتر شىء بتحبيه فى الدنيا ؟ وليه؟
10_ايه اكتر كلمة تحبيها تتقالك كل يوم ؟
يالا ياقلبىىىىىىىىى جاوبى عشان لما ارتاح شويه اكملك I love you

ايه يا ميزو بطلت اسئلة ليه
ممكن انك تسئل اكتر من ميت سؤال بس فى المشاركة الواحدة اسئل على الاقل عشر اسئلة ؟
اوكى

سؤالى :
ايه اللى مابتحبهوش فى الاعضاء دووووووول
ملحوظة ( لازم تقولى حاجة ماينفعش تقولى "مفيش" ) اوكى يا قمر

معتز - جوبا - ميشوو - شوقى - حلمى - وحيد
همس - ياسمين - ملاك - ايه - هديل - نونا - جودى

ههههههههههه بيريحو الكيبورد بتاعهم شويه ياملاك

صح ياملاك والله كلامك عين العقل وعشان بردو العضو اللى ع الكرسى ميملش م اللعبة او م المنتدى..

وانا هجهزلك العشر أسئلة بتوعى بس بعد ماتجاوبى على شوة الاسئلة اللذيذة دى يادودى

معلش كنا بنشوف أسئله

يالا يا هايدى

1/ إيه هوه معنى الإلتزام فى نظرك ؟
2/ كليمنا عن طفولتك ؟
3/ إيه أكتر حاجه معششه فى ذاكرتك ممكن يكون موقف أى حاجه ؟
4/ لما بتنامى على السرير و تمددى رجلك و تسترخى ياترى بتكونى بتفكرى فى إيه؟
5/ لو إنتى مره أخدتى 2 زميلاتك و روحتى فى مطعم تعزميهم و أكلتوا و خلصتوا و إتفاجئتى إن البك مش معاكى؟د
6/ فى مره لقيتى مصباح علاء الدين و طلعلك الجنى يا ترى إيه هيا هتبقى أمنياتك التلاته ؟
7/ إيه هيا طبيعة المواضيع اللى بتحبيها ؟ يعنى نوعها؟
8/ ماذا يعنى لكى كل من :
البحر
الموج
السماء
الرياح
الليل
9/ إنتى مع فكرة الصداقة عبر الإنترنت؟
10/ لو إنتى فى مشكله هل هتقعدى لوحدك تحاولى يحليها و لا ممكن تشاركيها مع واحده صاحبتك؟
11/ إنتى من النوع اللى بيحب يتكلم مع زمايله عن مغمراتك الغراميه لو فى ......؟

يا رب أكون متقلتش و الإسئله تكون فى الجون

1_ حبيتى قبل كدة او عايشة فى قصة حب حاليا؟اه حبيت قبل كده وخلصت الحكايه نهائي وحاليا لأ
2_تتمنى فتى احلامك اوصافه ايه ؟محترم*شخصيته قويه*رومانسي*صريح*يعرف يقدر معني كلمه حب
3_مين تحبى تقرى مواضيعه ؟جوبا*معتز*ميسي*ميشو*شوقي*وحيد*دودو*همس*ياسمينا*نونا*ملوكه
4_ امتى اتقالت اخر مرة ليكى كلمة بحبك؟هههههههه دلوقتي من دودو
5_ هل انتى طموحة ولا عادى ؟لا طموحه جدا
6_لو انتى مشرفة فى المنتدى تتمنى
تكونى فى اى قسم وهتجددى فى ايه؟همسات خاصه*وده مش محتاج اي تجديد ده ميه ميه
7_مين اكتر شخصية بتحبيها فى المنتدى سؤال اجباااااااااااااااااااااارى تقول شخص واحد؟ بس كده خلاص هختار دودو
8_قولى صفة او اى حاجة بتحبيهل فى كل من&(انا جاوبت السؤال ده قبل كده والله)
9_ايه هوة اكتر شىء بتحبيه فى الدنيا ؟ وليه؟الحب*لان الحب مبني عليه سعادتي وطموحاتي وكل حاجه حلوه بالنسبالي
10_ايه اكتر كلمة تحبيها تتقالك كل يوم ؟بحبك
(بطلي اسئلتك دي ياويسو ابوس ايدك)

يادودو ياحبيبتى هو انا سألتك دة بس عالماشى كدة ياروحى جاوبى على معتز وبعدين هسالك عشان تعرفى انى مش عايزة اتقل عليكى Razz

ايه اللى مابتحبهوش فى الاعضاء دووووووول
ملحوظة ( لازم تقولى حاجة ماينفعش تقولى "مفيش" ) اوكى يا قمر
اوك ياقلبي

معتز(والله تقريبا كل حاجه جميله فيه بس مش بحب فيه بقي اسئلته اللي في الجون دي)
جوبا(كل حاجه فيه حلوه بس اللي مش بيعجبني فيه انه بيتنرفز بسرعه)
ميشو(طبعا ده محبوب من كل المنتدي مش لاقيه فيه اي عيب غير انه بيرهق نفسه كتير)
شوقي(ده مظبطاتي المنتدي بس مش بحب فيه غير انه مش بيدخل همسات خاصه كتير)
حلمي(مش بحب فيه انه بيغيب علي المنتدي كتيييييييييييييييييير)
وحيد(انسان طيب اوي بس ياريت يكون اجرأ من كده شويه)
همس(بمووووووووت فيها بس بحس انها غامضه)
ياسمين(البت دي من الاخر بس ساعات مبتحسش اللي قدامها بسرعه)
ملاك(ملوكه دي اموره المنتدي بس مبحبش فيها انها واخده موقف من الحب)
يويو(حنينه بكل مافيها مش بحب فيها انها بتتخدع في الناس بسرعه)
هديل(طيوبه اوي بس بتسسرع في قرارات حياتها لما بتاخدها)
نونا(لذيذه موووووت بس اوقات بحس ان دموعها قريبه منها لحد ما)
جودي(مش عارفه والله بس تقريبا مش بتاخد علي الناس بسرعه)

1_انت قولتى انك حبيتى كان عندك كام سنه؟
2_اتعرفتو ازاى على بعض؟
3_كان ايه الى جذب فى شخصيته خلاكى تحبيه؟
4_ هايدى بتمثل ليكى ايه؟
5_مين بتحبى تحكيلها على اشد حاجة ليكى من صحباتك؟
6_نفسك تنصحى مين من المنتدى؟
7_لو قلتلك قولى كلمة واحدة بس واحدة يادودو$
وحيد$ياسمين
ميشو$جوبا
ملاك$معتز
يويو
نودى
هديل
همس
كلمة كوصف او اى كلمة شايفاها تليق عليهم

شكرا يا هايدي بس دية وجهه نظرك بس انا شوية معقد يعني مش فاكك ولو سالتلك مش هاتخلصي مش تزعلي مني علشان انا واسع الافق شوية وفي نفس الوقت ضيق يعني شخصية متناقصة علشان انا بجد مش اجتماعي مع الناس .... شكرا يا هايدي

اإيه هوه معنى الإلتزام فى نظرك ؟
ان البنت تبقا عارفه هى بتعمل ايه وتقدر اهلها وتحترم ثقتهم فيها

2/ كليمنا عن طفولتك ؟
طفولة ايزى خالص وكان ليا اصحاب جامدبن اوى فى الابتدائى بس ياخسارة بعدت عنهم فى الاعدادى

3/ إيه أكتر حاجه معششه فى ذاكرتك ممكن يكون موقف أى حاجه ؟
مش فاكره اوووووووووى بصراحه

4/ لما بتنامى على السرير و تمددى رجلك و تسترخى ياترى بتكونى بتفكرى فى إيه؟
حياتى وازاى هحل مشاكلى

5/ لو إنتى مره أخدتى 2 زميلاتك و روحتى فى مطعم تعزميهم و أكلتوا و خلصتوا و إتفاجئتى إن البك مش معاكى؟د
عادى هتصل باى حد يبعتلى فلوس
بس انا مش بشيل بك ههههههههههههه

6/ فى مره لقيتى مصباح علاء الدين و طلعلك الجنى يا ترى إيه هيا هتبقى أمنياتك التلاته ؟
الاولى انى الاقى الانسان اللى بحبه ونكمل حياتنا سوا
الثانية انى اخش الكلية اللى عايزاها
التالته ان ولادى يكونو سعدا ومستقرين فى حياتهم

7/ إيه هيا طبيعة المواضيع اللى بتحبيها ؟ يعنى نوعها؟
المواضيع الرومانسية اللى بتشد القلب

8/ ماذا يعنى لكى كل من :

البحر لغز كبير يااما تحبه ويحبك او يغدر بيك

الموج اضطراب وتغيير للحياه كلها

السماءالهدووووووووووووووووووووووء

الرياح الارتباااااااااااك

الليل الحب

9/ إنتى مع فكرة الصداقة عبر الإنترنت؟
انا مش معاها على طول ومش ضدها على طول
يعنى لو انسان محترم وانا اثق فيه ممكن

10/ لو إنتى فى مشكله هل هتقعدى لوحدك تحاولى يحليها و لا ممكن تشاركيها مع واحده صاحبتك؟
ممكن اشاركها بس افضل انى احلها لوحدى

11/ إنتى من النوع اللى بيحب يتكلم مع زمايله عن مغمراتك الغراميه لو فى ......؟
اه عادي يعني

_انت قولتى انك حبيتى كان عندك كام سنه؟
كنت صغيره اوي حوالي11 سنه

2_اتعرفتو ازاى على بعض؟
فى الشارع هههههه

3_كان ايه الى جذب فى شخصيته خلاكى تحبيه؟
طيب اوي وحنين اوي ومحترم وحجات كتير كويسه

4_ هايدى بتمثل ليكى ايه؟
حياتى اللى بحاول اوصل معاها لخيط

5_مين بتحبى تحكيلها على اشد حاجة ليكى من صحباتك؟
والله ماحد معين كل صحابي بعتبرهم انا فبحكي لاي حد منهم

6_نفسك تنصحى مين من المنتدى؟
حلمى اقوله ادخل المنتدى واتفاعل معانا وخلى بالك من المنتدى بقا

7_لو قلتلك قولى كلمة واحدة بس واحدة يادودو$
وحيد غامض $ياسمين مهيسه
ميشو مرح $جوبا عضو خطير
ملاك عضوه جامده $معتز عضو فرفوش
يويو مختفيه
نودى عضوه لذيذه
هديل اختى حبيبتى ههههههههههه
همس عضوه مميزة
كلمة كوصف او اى كلمة شايفاها تليق عليهم

سؤالى بقى ياهايدى:ايه هو معنى الحب من وجهة نظرك

اولا ميرسى ليكى للمدح الجميل ده يا هايدى
ثانيا ممكن اكون واخدة موقف من الحب لأنه مفيش حد دلوقتى بيحب صح
ثالثا سؤالى
مين اكتر حد من قرايبك بتحسى انه اكتر حد حاسس بيكى .؟

ياسمينا(ممكن تخوني صاحبتك عشان حبيبك)
مش من طبعى
بس لو حصل سوء تفااااااااااااااااااااااااهم ممكن يتفهم خيانة
واكيد هيكون غصب عنى
وبردو صاحبتى لازم تكلمنى وتفهمنى

بجد هايدى عملت شغل جميل واجاباتها فى قمة العقلانية
وشرفتينا كتير على الكرسى ياهايدى
بس وقتك خلص
والاعضاء هروكى من كتر الاسئلة

عليكى بقى تأجبى بكل صراحة على السؤالين اللى فاته
وبعدين ياحلوين عليكوا انتوا بقى ترشحوا عضو جديد

وعلى فكرة
هترشحوا العضو فى الموضوع ده
وبعدين هنعمل موضوع جديد باسم العضو المترشح فى قسم كرسى الاعتراف
اوعى حد ينسى ويشارك هنا

يعنى هننقل الموضوع فى قسم كرسى الاعتراف

وبجد كانت فترة جميلة اوى ياهايدى على كرسى الاعتراف
وبجد كنت مشتاقة انى أقرا اجاباتك على اسئلة الاعضاء الجريئة دى
وميرسى ليكم كلكم على شغلكم الجميل

ايه يا اخوانا محدش داخل ليه الموضوع
وكمااااااااااان هايدى راحت فين

ولسة مااخترتوش عضو جديد ليه
انتوا نمتوا ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معلش انا اسفه ياجماعه
ايه هو معنى الحب من وجهة نظرك؟

الحب عباره عن عالم ملىء بالورود مزخرف بالحنان ومتوج بالاحساس متطرز باحلى الانغام
هو شعور نادر ممكن يكون فريد ويسيب فى القلب جرح غريب وممكن يكون اشيك نصيب
يعنى احلى جمله تتقال عنه ( الحب عذاب )

مين اكتر حد من قرايبك بتحسى انه اكتر حد حاسس بيكى .؟
حماده ابن عمي

هايدى بجد عجبتنى اجاباتك ياقمر ونورتى الكرسى والفترة الى كنتى هنا فيها
وانا هختااااااااااار وحيييييييييييييييييد

ربنا يخليكي ياقمر

انا طبعا هختار نونا

هاى ممكن تسطضيفونى معاكم على الكرسى نفسى اسال حد
على فكرة كتير عارفتى ومش عارفنى ازاى فكروااااااااااااااااااااا انتم
مثلا هايدى
وياسمينا

» قوانين كرسى الاعتراف
» نونااالعسولة على كرسى الاعتراف (NONA)
» البروفيسور shaw2y على كرسى الاعتراف
» العبقرى (( ELEC_ENG AMR HABIB )) على كرسى الاعتراف
» shaw2yaaaaaaaaaaaaaaaaaat(يا كرسى)