مش حـ اقولهالـِك

مش حـ اقولهالِـك .. كلمة شايلهالِـك
عشان خايف .. عشان شايف
بينى و بينك ميت حاجز .. و انا عاجز
أعدى و اجيلِـك .. أو احكيلِـك
ع اللى جوايا .. م النهاية
انا مش حـ اقدر .. خوفى أكبر
من إنى اقولهالِـك

** خايف تثورى و تغضبى .. و تختارى عنى بُعدِك
و انا ياما حلمت تقربى .. و ابقى حد مهم عندِك
خايف اهد حلمى بايدى
و بدال ما الاقى معاكى عيدى

اخسرِك و اتوه من بعدِك

انا مش حـ اقدر .. خوفى أكبر
من إنى اقولهالِـك

** خايف و ياريت تفهمينى .. و تقربى أكتر شوية
من غير ما اقولها طمنينى .. ما هى باينة ف كل حاجة فيا

مش لازم يعنى تصرحى
كفاية حتى تلمحى

لو مش هتيجى انتى ليا

انا مش حـ اقدر .. خوفى أكبر
من إنى اقولهالِـك

** خايف تكونى عايشة لسه فى الماضى
و قلبِـك يكون لسه مش فاضى

و اتعذِّب و انا جمب منك
و اتعذب لو بعدت عنك

حـ افضل ساكت متعذِّب و راضى

لكن مش حـ اقدر .. خوفى أكبر
من إنى اقولهالِـك

شادي حلوه اوى وانت فعلا اطيب واحلي واحن رومنسي في الدنيا وبلاش تخاف لو بتحبها بجد هتكون اكيد حاسه بس مش ممكن هي كمان خايفه

اصلي طحن يا شااااااااادي يابن عمي يا جاااااااامد
حاسس بيا يالا
فعلا يا The lovely ghost
لو حد بيحب حد غصب عنه التانى هايحس بحبه
حتي لو عاوز يداري حبه
و ياربت اعضاء الكورنيش (المنتدي) يتناقشو معانا ف الموضوع ده

اولا جميلة اوى اوى اوى ياشادى
بالنسبة للموضوع هو لو بيحبها
ولو هى حاسه بيه مش هيتردد ثانية فى انه يقولهالها وهى هتتقبلها
بس البعد بيكون صعب وانا بعتبر انه بيكون هروب
ولو بعده عنها مريحه يبقى هو مش بيحبها فلازم يتحدى حتى ولو خايف

جميا ياشادى

حلوه جدا ياشادي بس ياريت لو تتشجع شويه وتقولها بطل خوف الحب اقوي من كل حاجه

ايوة ياشادى اسمع كلام هايدى وياريت فعلا تتشجع وتحاول تقولها