انواع البنات ... يارب ما اضربش

هاى شباب طبعا انا بقول شباب بس بلاش بنات عشان أنا مضربش لاني بنت زيهم ومينفعشي اتكلم عليهم فى الموضوع ده ( يا رب مضربش من اى بنت تقرا الموضوع ) ماعلينا نتكلم و أبطل رغى أحسن صح ؟
زى مقالو على الشباب انهم بيقولو كلام لكل البنات ما علينا يعنى المهم نقول شوية على انواع البنات و الشاب ييطلع عينو ازاى معاهم طبعا احنا عارفين ان كل شاب فى اى مواصلة يلاقى بنت واقفة غصب عنو يقوملها أمنو شاب و هى بنت هو يعنى الشاب ده مش بنى ادم ولا ايه بردو ما علينا نتكلم فى أنواع البنات :

أنواع البنات
النوع الاول :
البنت المطرقعة: و دى كل شباب بيحب النوع ده عشان بتطلع عينو و دى بقى بتبقى دماغها كلها مقالب بتجيب اجدع مقلب فى الدنيا و تشربهولك و دى أبعد عنها .
النوع التانى:
البنت الرومانسية : و دى بقى رومانسية أوى كل حاجة تعملك عليها شعر بالأصح شاعرية أوى تنيمك جنبها يا أمور و ممكن تنقطك أحيانا و دى بلاش منها .
النوع الثالث :
البنت العصبية : أول حاجة نقولها كفانا الله شر القتال اولا دى بتبقى عصبية ممكن تجبلها ورد فى عيد ميلادها مثلا ترميه فى وشك و بصوت غريب انت جايبلى ورد هعمل بيه أيه هشربو ولا هكلو قوم هاتلى عصير و نهارك بقى يا حلو أسود لو قولت لا اولا هتبقى حرب ممكن تقعد انت فى المستشفى بسبب عصير و نسميك شهيد العصير و دى بقى أحزر منها .
النوع الرابع :
البنت الرقيقة : و دى حلوة مش هتكلفك اى جهد و وزنك هيزيد عشان عقبال متخلص كلمة هتنام جنبها و يا عينى بقى لو لقط قطة و أنتو مثلا فى كافية الكافية كلو هيتفرج عليكو صوتها هيطلع بس بصويت و الحق قطة أبعدها عنى و اول متمشى القطة تلاقى واحدة أغم عليها و خلى بالك هى لما هتصوت هتصحيك من النوم هتحمد ربنا انك هتلاقى قطة عشان تفوق شوية أديك هتعمل حاجة و دى صباحو شلل .
النوع الخامس :
البنت العلمية : و دى بقى كل حياتها بالنظريات و العلم تيجى تقولها انت زى القمر تقولك القمر كلو صخور و عندما انشق القمر ............الخ و هتلاقى نفسك فى محاضرة و لو مثلا حبيت تعملها كباية شاى يا عينى تقولك درجة حرارة المياه كام و قستها بالترمومتر ولا لا و لو حبيت تقعد معاها فى كافية أضمن انك هتتضرب من الجرسون عشان هيتخنق منها عشان طبعا هتقولو معقمين المكان ولا لا لازم تلبس قفاز و لو حبيت تدخول سينما معاها أكيد هدخلك فيلم تبع عالم البحوث فيلم تعليمى و دى بقى متفكرش فيها احسن ليك و للشعب كلو لو انت عايز تخلص الشباب منها أتجوزها و تبقى ضحيت عشان شباب بلدك .
النوع السادس :
البنت الروشة الأستيل : و ده بقى النوع الى بموت فيه كل حياتها عن اللبس و البرفانات والأظافر شكلها أزاى و هتلوحلك لسانها و تقولك أيغ و ميغ و ما علينا فى الباقى و ربنا مع الكل دى معاها بس خلى بالك دى بتبقى ماشية و صف شباب وراها مش حبا فيها و لا اعجاب دول بيبقو ماشيين عايزين يفسرو اللغة بتاعتها و دى صباحو توهان معاها مش هتبقى فاهم اى حاجة فى أى حاجة .
النوع السابع :
البنت ست البيت : و دى بقى كل كلامها عن المسح و الغسيل و الطبيخ و لو خرجت معاها تجيبلها أحسن هدية ليها منشر غسيل و دى انقرضت جدا بس هتبقى انت سى السيد معاها بس برضو عمرك مهتلاقيها حاطة برفان يوم هتلاقى ريحتها بصل هتقولها ليه هتقولك من المطبخ يوم ريحتها صابون هتقولها ليه هتقولك كنت بغسل و يوم تلاقى ريحتها فنيك عارف الفنيك و جى معروفة أكيد من المسح و دى انت هتبقى بطة لما تتجوزها هيزيد وزنك اوى من أكلها و هتتروق و مفيش مانع تتجوزها .

بصو انا عارف أنى هاخود عالقة من كل بنت قرت الموضوع ده بس قولت لازم أنور شباب بلدى , الى عندو اى نوع تانى يقول ممكن أكون نسيت نوع ولا حاجة .
يلا سلام لكل الشباب و أشوفكم الموضوع الجاى باااااااااااااااااااااى .
أنزل يا أبنى بالنهاية خلاص خلصنا أجرى قبل منضرب دول جايين علينا اجرييييييييييييييييييييييييييييييييى.

هههههههههههههههههه
بيس اوى الموضوع يا نيروووووووووو
بس ع فكره محدش يقدر يضربيك طول ما انا عايــــــــــــــــــــــش

هههههههههههههه
موضوع جميل بجد
بسى للدرجادى البنات فيهم الصفات دى
حتى لو لقينا فيها حاجه حلوه بردوه هنلاقى فيها صفات مش حلوه
بسى بجد الانسانه اللى انا حبتها ما شوفتش منها اى صفات مش حلوه
وانا حاسس انى مش هلاقى زيها ابدا
علشان كده بحاول بقدر استطاعتى انى مش ابعد عنها واخاف عليها زى عنيا

ههههههههههههههههههههههههههههههههه
حلوة اوى
ومتخفيش مش هتنضربى من حد

ههههههههههههههههههههههههههههه تحفه الموضوع بجد يا نيروووو وبعدين مين دا اللى يقدر يضربك احنا كلنا بنموت فيكى I love you

[

center]ههههههههههههههه
حلو اوووووووووى الموضوع ده .
عايزينيك تبقى تتكلمى عن انواع الشباب .
احنا عرفين كل الانواع طبعا لكن عجبنى موضوعيك اووى .[/center]مستنيه موضوعك الجديد.

هههههههههههههههه لذيذه أوى

ههههههههههههههههههههههههههههههههههههه جاااااااااااااااااااااااااااااااااامد بس فعلا عوزيك تكلمى عن انواع الشباب عشان ناخد حزرنا

انا عندى نوع سابع : البنات اللى بيتبروا من نوعهم ويفشوا صفات اخواتهم البنات بسى تحفه يانيرو

» مــديـنـة الـبـط
» يارب محتاجلك
» يارب يارحمان
» يارب انا محتاجلك فى كل شئ
» يارب اغفر لنا ذنوبنا