بابا .... خنقتني

انتي صوتك عالي ليه ؟
انتي بنت ميصحش كده

اتاخرتي بره ليه ؟؟
انتي بنت عيب كده

رايحة فين لوحدك خدي اخوكي معاك
انتي بنت الناس تقول ايه ؟؟

البسي حاجة عليكي وغطي دراعاتك دي
انتي ح تقلدي اخوكي ولاايه ؟؟
انتي بنت

متقعديش علي النت لوحدك
انتي حاجة واخوكي حاجة
يعني انتي بنت وهو ولد

ادخلي جوة لان جاي لي ضيف
ميصحش تباني قدامه
انتي بنت وهو غريب

انتي بنت
انتي بنت
البنت قرفت من حياتها
ياريتها كانت هي الولد
الينت انفجرت في باباها وقالت له
خنقتني يابابا
هي البنت دي مش بني ادمة
هي البنت مش زي الولد

الاب حاول يفهمها
حاول يقنعها
ان البنت غير الولد
لكن البنت
مش عايزة تقتنع
طب وبعدين ؟؟؟؟

الاب في تفكير دائم
ماهو كمان خايف ان البنت تفتكر انه بيحب اخوها اكتر منها
او تفتكر انه رجعي

وهنا جاءت الفكرة
وبدأ الاب يلقن ابنته الدروس

ومع اول درس يابنات

لكن

بعد الفاصل

تعالي معايا يابنتي
علي فين يابابا
اهو
رايح مشوار تعالي سليني

البنت فرحانة ومزقططة
ايه الرضا ده
هو دايما ياخد اخويا معاه
اشمعني انهارده يعني

خرجوا
راحو فين ؟

نشوف

السلام عليكم

وعليكم السلام

عملت ايه في العربية يااسطي سعيد

كله السطة يابيه . مسافة ماتشرب الشاي اكون فنشتها

هات كرسيين ياد ياحنفي

حاضر يااسطي

اتفضل يابيه . اتفضلي يامزمزيل اهلا وسهلا تشربوا ايه ؟

هات لهم شاي ياد
حاضر يااسطي

البنت ياحبة عيني مستغربة
ايه اللي بابا بيعمله ده
وقاعدة طبعا قرفانة من نفسها
ماهي قاعدة عند ميكانيكي
وورشة
والفاظ غريبة
وناس عجيبة

شوية
والشاي وصل
البنت مقدرتش تتحمل
قرفت من منظر البني ادم اللي جايب الشاي
ومن اكواب الشاي
ومن الشاي نفسه

ايه القرف ده

بابا انا ماشية
رايحة فين ؟؟
مروحة
طيب خلي بالك من نفسك

ووراها علي طول روح باباها
لقاها قاعدة تشتكي لمامتها
ازاي بابا ياخدني ويقعدني عند الميكانيكي
كان منظري شاذ قوي ياماما

انت اتجننت ياراجل انت ؟؟
ايه اللي انت عملته ده ؟؟
ايه بس اللي مزعلكم ياجماعة ؟؟

فيها ايه يعني لما اخدت البنت معايا عند الميكانيكي ؟؟؟

لا يابابا

لو سمحت

انا مش ولد علشان اروح اقعد عند الميكانيكي

انا بنت

ابتسامة عريضة من الاب

وانتهي الدرس الاول

انزلي يابنتي هاتي لنا بجنيه عيش

انا يابابا ؟؟

ايوة انتي امال مين ؟؟؟

طيب ماهو اخويا قاعد اهو .. يبقي هو قاعد وانزل انا اجيب العيش ؟؟

طيب وايه يعني ؟؟

يابابا انت عارف طابور العيش بيبقي شكله ايه ؟؟

يعني هو طابور العيش والبهدلة للاولاد بس والبنات لا ؟؟

طبعا يابابا انا بنت

انا اسغة يابابا مش ح اقدر انزل واقف في طابور العيش

انا ممكن انزل بس لما اكون انا وماما لوحدنا وح نموت من الجوع وقتها ح اضطر للنزول

لكن يبقي حضرتك موجود واخويا موجود وانزل انا اقف في طابور العيش ؟؟

انا اسفة يابابا

انا بنت مش ولد

ابتسامة عريضة من الاب

وانتهي الدرس الثاني

هو كل شويه ابتسامه الأب غاسل سنانه ولا ايه

» بابا انا كيف جيت الدنيا؟؟؟؟؟؟؟
» هناك فرق بابا وزوجك
» الفرق بين باباكى وجوزك ( يا حبيبي يا بابا ......!!! )