تخيل كده وانت قاعد في الغرفه بتاعتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه على السيسي الابيض وفجأة تلاقي والدتك دخلت عليك وكان اصلا قاعده مع الجيران وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟ تقول والدتك : والله يا ابني ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني ؟ ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا
الرأي رأيك والشوره شورتك يا ماما لأ لأ لأ يا( مامي احسن ) ومامتك تقولك بقى : والله انا مش شايفه في البنت حاجه ماشاء الله عليها محترمه و وظيفتها محترمه وراتبها محترم وعيلتها كمان كويسه وبعدين من الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي
انت بقى تقول لولدتك: بس يا مامي هيا عمرها ما شافتني خالص والدتك تقول : هيا شافتك وانت نازل من اتوبيس المدرسه بتاعك بس يا سيدي وسألت عليك وقالولها انك ولد كويس وابن ناس ولا بتروح تسهر بره ولا بتروح مع اصحابك تسهر معاهم في الكوفي شوبات وقالولها كمان انك مبتخرجش الا مع ابوك المهم يا ابني هيا وامها جايين يوم الخميس علشان يشوفوك انت تسأل وتقول : طيب يا مامي بابي رأيه ايه ؟؟ ترد والدتك وتقول : والدك ما يعرفش حاجه هو مشغول في المطبخ وتنظيف البيت. انت تقول : خلاص يا مامي اللي انتي شايفاه وتخرج والدتك من الغرفه
وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك بمنتهى الدلع
وتقول : اخيرا حست بيا وخطبتني -
وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك واللذي منه وتطلع زي القمر في الاخر
وتيجي للبيت وتلبس البنطلون اللي السوسته بتاعته( من ورا والقميص اللي كلة كرانيش وتحط العطر الرقيق الناعم) كل ده وخطيبتك و امها قاعدين بره وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني وانت تقول لوالدك : يا بابي انا بتكسف مش هاقدر ادخل العصير وابوك يقول وهو حاطط ايده على كتفك يالله يا ابني روح لعروستك هىءهىء وانت تقول : يا بابي انت دايما تحرجني كده ... وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم وترد هيا عليك بعد ما تقف وتقولك وعليكم السلام وهيا عينها هتطلع عليك وتقولها اتفضلي العصير وانت طبعا بتقدم نوعين عصير برتقال وفراوله وهيا تسألك ايه احلى العصير الاصفر ولا الاحمر ؟ انت ترد تقولها الاتنين حلوين وهيا ترد طبعا عشان انت اللي عملته بأيدك وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي وتلاقي اخوانك الولاد يسألوك شكلها ايه ؟ وانت تقوللهم : تهبل يا اخواني والله حلوه اوي ودمها خفيف
وفجأه تسمع والدك بيزغرط وبيقولك مبروك يا ابني
M!DO khater عضـــــو برونـــزى
عدد الرسائل : 1037 العمر : 32 تاريخ التسجيل : 14/09/2008
موضوع: رد: تخيلو لو البنات هيه الي تخطب الولاد .... تعالو نشوف الثلاثاء ديسمبر 23, 2008 5:00 pm
جامده بس متقلقش الكلام ده هيحصل بجد علي اللي بنشوفه دلوقتي من البنات ويمكن اكتر من كده ده احنا هنشوف حـــركـــات
nerooo عضو بيقول يا مسهل
عدد الرسائل : 488 العمر : 33 تاريخ التسجيل : 06/09/2008
موضوع: رد: تخيلو لو البنات هيه الي تخطب الولاد .... تعالو نشوف الثلاثاء ديسمبر 23, 2008 6:56 pm
ههههههههههههههههههههههههههههههههههه انا ميته من الضحك وربنا طب يا شادي عقبال ما نفرح بيك
LOVE RIVER عضـــــو برونـــزى
عدد الرسائل : 1203 العمر : 33 تاريخ التسجيل : 04/09/2008
موضوع: رد: تخيلو لو البنات هيه الي تخطب الولاد .... تعالو نشوف الثلاثاء ديسمبر 23, 2008 8:43 pm
بيس اوووووووووووووى موضوع جامد وفكره جامده طحن انا قررت انى اقعد فى البيت استنى عدلى او عديلتيى بقى هههههههههههههههههههههههههههههههههههههههههه انا مستنى يا هل حد هايجى
the lovely ghost عضو بيكبر
عدد الرسائل : 161 العمر : 33 تاريخ التسجيل : 20/01/2009
موضوع: رد: تخيلو لو البنات هيه الي تخطب الولاد .... تعالو نشوف السبت يناير 24, 2009 9:33 pm
بفكر في شكلك و انت في الموقف ده و ميته من الضحك و بجد جاتلك الفكره دي ازاي
eslam mansour عضو بيقول يا مسهل
عدد الرسائل : 491 العمر : 32 تاريخ التسجيل : 27/12/2008
موضوع: رد: تخيلو لو البنات هيه الي تخطب الولاد .... تعالو نشوف الأحد يناير 25, 2009 12:12 pm
ولاد اخر زمن الله اما كفينا شر البنات اللى كده على كده بئه الولاد بدل لما يروحوه كوافير الرجال يروحوه احسن كوافير الستات علشان يعملوه احمر واصفر ههههههههههههههه اعوذ بالله
ســاااهر الرومانــســـــي عضـو جديـــد
عدد الرسائل : 49 العمر : 32 تاريخ التسجيل : 05/01/2009
موضوع: رد: تخيلو لو البنات هيه الي تخطب الولاد .... تعالو نشوف الأحد يناير 25, 2009 7:04 pm
اناااا لو مكاانك مش ارد اصل السكوووت علامه الرضى
ملاك الحب مشرف عام
عدد الرسائل : 1964 العمر : 31 تاريخ التسجيل : 07/01/2009
موضوع: رد: تخيلو لو البنات هيه الي تخطب الولاد .... تعالو نشوف الخميس يناير 29, 2009 6:47 pm
موضوع: تخيلو لو البنات هيه الي تخطب الولاد .... تعالو نشوف 
الثلاثاء ديسمبر 23, 2008 1:31 am
