سلسله مواضيعي ..... متجدده باستمرار..؟؟

سلسله مواضيعي ... متجدده باستمرار.. ..

انا فكرت في فكره جديده

اني اجمع كل المواضيع بتاعتي القديمه في موضوع واحد بس

ويكون متجدد باستمر يعني كل حاجه عايز انزلها هنزلها هنا مش في موضوع جديد

وبكده هكون وفرت مكان كبير لاكبر عدد من المواضيع للاعضاء التانيه بدل ما المواضيع تروح الصفحه التانيه

وكل حاجه جديده هكتبها في اول الصفحه والقديمه تحتها بالترتيب الزمني اللي نزلت فيه وهكتب عنوانها جنب اسم الموضوع

بعدت عنه

بعدت عنه وقولت افارق مقدرتش اعيش

ولما رجعت وقولت اصالحه مصدقنيش

خليك مكانى وشوفنى بسيبك هتعمل اية؟

دانا كنت حبيبك وعذاب الفراق مقدرش علية

دانا حبيتك وكنت بعمرى يا غالى شاريك

فجاة تسيبنى وتبعد عنى وأهون عليك

مش عايزنى اتكلم ولا اتألم حرام عليك

يا قسوةعندك مفيش في قلبك رحمه انت اية؟

عايزانى اموت كدة بالراحة وانت واقف تتفرج

قلبك نسي ولا قسي ولاخلاص ان هنت وهان حبي عليك ؟

خايف لاحبك

خايف لاحبك ... أعشقك و أظلم هوايا
خايف لأسافر و السفر فعنيك نهاية
خايف أعود نفسي أشوفك و أبقى جنبك
و انت عارف قد ايه صعبة الحكاية

بيني و بينك فرق كبير ... هوهم نفسي و احبك ليه
ارحم ان انا ابعد عنك ... هخسر ايه
انت فدنيا لوحدك مين ... مين هيكابر يبقى اتنين
صعب عليا العب دور تاني هفشل فيه

خايف لاحبك ... أعشقك و أظلم هوايا
خايف لأسافر و السفر فعنيك نهاية
خايف أعود نفسي أشوفك و أبقى جنبك
و انسى انك مستحيل هتكون معايا

همنع نفسي اني ابقى معاك ... و امنع قلبي يفكر فيك
حتى فحلمي هبطل تاني أحلم بيك
مهما الشوق يرسملي عنيك ... مهما القلب يقولي عليك
هحلم حلم يكون على قدي ... وامنع قلبي يفكر فيك

الحب مش كلام

سألت قلبي بتحبني ولا مبتحبنيش
قام رد قالي دي هي اللي ليها بس بعيش
كان السؤال صعب عليا
وهي مش حاسة اللي بيا
ولا شايفة حاجة فعنيا
طب اعمل إيه

الحب مش كلام يتقال كل فترة
ده حنان وشوق كبير يتحس فكل نظرة

حاجات كتير ظلمتني فيها متتحكيش
أوقات كتير نسيتني فيها متتنسيش
خايف أشوف واحدة غيرها
أنساها هي وأفتكرها
وأعيش حياتي بعد منها
وكل ده ليه

الحب مش كلام يتقال فكل فترة
ده حنان وشوق كبير يتحس فكل نظرة

بكره كل الناس

بحبها وهى مش عايزانى وبقولها اقدام الناس
وقلت انا معايا صحابى ...وهما فين انا بكره كل الناس
انا صحابى كانوا عندى قبلك
وخسرتك وخسرتهم بعدك...واه من ده احساس
كل حاجه انا سبتها حبى وكرمتى خسرتها
وجاى دلوقتى وحسبتها محدش يلومنى لو قلتها انابكره كل الناس
ايوه دى حاجه تزعل وبسببها انا ممكن اكون زعلت كتير من الناس
ده مفيش حنيه فى قلبها وفى قلبهم
دي كرهتنى في الناس اللي بحبهم....واه من ده احساس
بس هيجى الوقت واكيد هلاقى الحد
اللى هنسى بى وهحب بى بقى كل الناس
كل حاجه انا سبتها حبى وكرمتى اللي خسرتها
انا معرفش ليه جاى دلوقتى وحسبتها ومحدش يلومنى لو قلتها انا بكره كل الناس

فيها منك

فيها منك وفيكى شبه منها لون شعرك نفس لونها
ضحكتك زى ضحكتها و ابتسامتك من ابتسامتها
قمـر واحد مقسووم نصين
رقتك صوتك سلامك نفس طريقه كلامك
حتى عيونك الطيبه منها برده قريبه
ملاك واحد مقسووم اتنين

كان زمان قدامى ملاك خلاص دلوقتى بقوا ملاكين
كنت عايش لقلب واحد دلوقتى عايش عشان قلبين
ده الحـلـم اللى اتمنيته و اللى عيـشت و استنيته
خلاص دلوقتى هحلم ليه وياكى لقيته و حسيته

ملامحها زيك على اصغر و نفس عيونك البريئه
بشوفها قدامـى بتكبـر فيـها نظراتك الجريئه
و زى ما وخده منك جمالك وخده منى الحنيه
من فرحه قلبى بيكو حاسس اني ملكت الدنيا ديا

كان زمان قدامى ملاك خلاص دلوقتى بقوا ملاكين
كنت عايش لقلب واحد دلوقتى عايش عشان قلبين
ده الحـلـم اللى اتمنيته و اللى عيـشت استنيته
خلاص دلوقتى هحلم ليه وياكى لقيته و حسيته

فاكره يوم ما اتمنينا حاجه تقوى اللى بنا اكتر
خلاص اهو بين ايدينـا حلمنا بيتحقق و يكبر
هعوز ايه تانى من الدنيا و انتى و هيا حواليا
ده انتوا اغلى هديه عندى مليتو الدنيا فى عنيا

مش قادر ابطل احبك

كل ما احاول إنساه شئ غريب بيشدني
وكل ليله استناه نفسي اسأله بيحبني
حرام حب بالشكل دا يموت وولا كإنه اتولد
أنـا مش قادر ابطل احبك ونفسي تحبني

وأقف استنى يمكن مره يعدي هنا قصادي
انا اعرف الجنه اه بس اني اشوفها دا مش عادي
حـرام حب بالشكل دا يموت ولا يعيش للأبد
أنـا مش قادر ابطل احبك ونفسي تحبني

كلمه في قلبي ولازم اقولها حتى لو إيه كان
ولو مش جنبي ولا معايا بحبك أنا مهما كان
حـرام حب بالشكل دا يموت ولا يفضل للأبد
أنـا مش قادر ابطل احبك ونفسي تحبني

كـل منايا القى انا قلبك ولا شئ تاني يهمنـي
إحسـاس إيه دا بس وأنا جنبك قولي بيشدنـي
حـرام حب بالشكل دا يموت ولا يعيش للأبد
أنـا مش قادر ابطل احبك ونفسي تبقى تحبني

حتعذبك

حتعذبك .. نظرة عنيا كل متفتكريها ... ..
حتعذبك لمسة ايديا لو من غيري حسيتي بيها ... ..
حيعذبك .. قلبي اللي كان بيسبني و يجري يجيلك ... ..
حيعذبك .. صوتي اللي كان بيغيلك ... ...
لو وقفتي قصاد مرايه حتشوفيني ... ..
لو رحتي مكان رحناه .. حتلاقيني ... ..
حتفتكريني اكتر .. لو حاولتي في يوم تنسيني ... ...
حيعذبك .. قلبي اللي كان بيسبني و يجري يجيلك ... ..
حيعذبك .. صوتي اللي كان بيغيلك ... ...
لو نزلت دمعه منك حتشتاقيلي ... ..
حتفتكريني و يبقى نفسك .. ترجعيلي ... ..
لو حاولتي تنسي غدرك .. حتلاقيكي بتحنيلي ... ...
حيعذبك .. قلبي اللي كان بيسبني و يجري يجيلك ... ..
حيعذبك .. صوتي اللي كان بيغيلك

غبنا وبعدنا

غبنا وبعدنا بتكلموني عنها ليه
كفايانا جروحنا بتفكروني بماضي ليه

بتزيدوا في جرحي وتوصفولي عايشه حياتها ازاي
بتحيروني في امري وتقولولي بتموت من بعدي
يعني اعمل ايه ؟

ايام تعدي وبدعي انها كل يوم تزيد
يمكن في البعد انسى وارضى اعيش وحيد

مصدقت كل الوقت ده عدى على بعدنا
وانتوا كل يوم عايزين تحيوا قصة حبنا

بتزيدوا في جرحي وتوصفولي عايشه حياتها ازاي
بتحيروني في امري وتقولولي بتموت من بعدي
يعني اعمل ايه ؟

ياريت يا ليلي

يا ريت يا ليلي تطول أكتر من كده علينا
و خلي الحب يجمعنا و نسهر معاه ليالينا
و طمن بال حبيبي و قوله هنعيش سوى أجمل حياة
وهنعيش كل يوم بيومه و هننسي بعده كل اللي فات

آه من حبي ليه اه
والله أنا روحي فيه الله
من يوم ما شفته ضحكت عينيها
وانا حاسس ان بين ايديا اجمل ملاك بحبي ليها

وحياة نجومك ياليل و السما اللي أنت فيها طول أكتر
و اربط قلوبنا في الهوى و خلي حبنا يكبر ويكبر
و ريح قلب حبيبي من خوفه عشان يحس جنبي الأمان
ده من كتر حبي فيه أنا شايفه ملاك و بيه كل الحنان

دا كان من سنة

دا كان من سنة
كنت أنا باجي هنا
علشان أشوفك و عشان تشوفني
و قلوبنا تحكي حبّنا
دا كان من سنة
كنّا عايشين لبعضنا
تقويني بيك و تِـقوى بيّا
و غرامنا كان كلّ المنى
وفاتت سنة .. واهو كل حاجة إتغيرت
إنت..أنا ..مشاعرنا حتى إتحيرِت
كلام عيوننا مابقاش بينفع و لا بقينا بنفهمه
قلوبنا بـعدوا إزاي ح نرجع و يرجعوا بقى يحلموا ؟

دا كان من سنة
و بلوم عليك طول السنة
و بسألك طب ليه بتبعد؟
و إنت .. و لا كنت هنا
دا كان من سنة
دلوقتي بقى هبعد أنا
ماتبصليش و تلوم عليا
مانت الي كتبت بُـعدنا
آه يا زمان ..إزاي ح داوي الجرح ده
وياه عاللي كان ..مين قال هيحصل كل ده!!
كلام عيوننا مابقاش بينفع و لا بقينا بنفهمه
قلوبنا بـعدوا إزاي ح نرجع و يرجعوا بقى يحلموا ؟

لياليكي

اوصف بايه كل اللي انا بحس بيه
نظرة عنيا لوحدها بتقول عليه
و اي خوف عشناه زمان نفتكره ليه

لياليكي ... احلى ليالي عشتها
وانا بين ايديكي ... اتردتلي روحي مع انها
مشتاقه ليكي ...
الله على - لحظة لوقا ... قدام عنيكي

ياللي بيكي احلو عمري هوه فين قبليك ده عمري
كل ثانية وانتي جمبي عايز اعشها تاني بيكي
قلبي خلاص سلم و قالها وكل دقه ليكي شايلها
نظره وحده منك فهمها انه عايش عمره ليكي

لياليكي ... احلى ليالي عشتها
وانا بين ايديكي ... اتردتلي روحي مع انها
مشتاقه ليكي ...
الله على - لحظة لوقا ... قدام عنيكي

شوق الكلام

شوق الكلام لو غاب فى يوم عن قلبنا
تبقى النهاية قربت على حبنا
خلينا نبعد من سكات وان يوم تعبنا من الآهات
هنقول ده شىء مكتوبلنا

لو كل واحد مننا يحلم بذكرى تريحه
يبقى الفراق أرحملنا قبل العتاب ما يجرحه

أنساك ده ايه ده كلام بلاش تصدقه
دا انت اللى قلبى عاش ليالى بيعشقه
لو فات علينا كام سنة واشتاقنا نتقابل هنا
حبى ليك صعب غيرك يسرقه

لو كل واحد مننا يحلم بذكرى تريحه
يبقى الفراق أرحملنا قبل العتاب ما يجرحه

هتسيبنى خلاص

فى لسه ايه تانى من الكلام متقالش
حبيبى ده حتى لو مكملش
خلاص يعنى انا محستش
ده بالايام
زمان وصل ليا ده اللى جاى تحكيه
ومن بدرى قلبى حاسس بيه
وانا قال عشت اكدب فيه
واقول اوهام

هتسيبنى خلاص
اه يا حلم ندمت
ان انا فيه عشت
وكان اخره مفيش
هتسيبنى خلاص
ونويت بعدى
ترضى ببعدى
وكده عادى تعيش

هتبكى على قلب ليه محبتهوش
واحساسك بيه مخترتوش
كفايه وذنبه متعيشهوش
وروح وارتاح
ولو انت مستنى تشوف عتابى ايه ليك
او احكى فى اللى ليا عليك
لا متهونش احس انا فيك
باى جراح

الحب الاولاني

انا الحب الاولاني وعمرك مهتنساني ولايوم هتلاقي بعدي حد يكون ليه نفس حناني

وعارف ليه انا ديما في بالك وديما تشوفني معاك في احلامك

عشان انا حب وحنان وحنين وغرام ولا يمكن تلاقي حد يكون ليه نفس حناني

علي ايه

علي ايه جاي تعاتبني .... علي كلمه قولتها ... متشوف اللي انت قلته يا حبيبي وقتها

وجي بشوق بشوق تناديني ... عايز اني ارجعلك تاني ...

لايا حبيبي دا كان في الاول .. قبل ما قلبي يبقي اناني

كنت قول

قلبي يا مظلوم وعاشق مظلوم وعاشق كنت قول ...

كنت قول لو كنت خايف لو كنت خايف سبني اقول ...

كنت اقول علي الللي قاسيته واللي ياما كتير داريته ...

بس انا خلاص يا حبيبي مع حب تاني خلاص نسيته..

جايه تسلم

بتشاورلى و جـايَّـة تسلِّم
و الـغـرام فى عنـيـها معلِّم
و خايفة عينها تيجى فى عينى
لا شوقها يسبقها و يتكلم
فاكرانى قال مش حاسس بيها
مـع ان قـلبـى بـــيـــحـلـم بـيـها
وانا كـل حـاجة هـجيـبها عليها !؟
منا برضه كاتِم و مش مِبيِّن

و ساعات اشوفها قصادى ماشية .. الاقينى بدوَّر وشى فـ ثانية
بــكــون بــاصِــص انــا فــ نـاحـيــة .. و هى باصّة الناحية التانية
أصلى خايف تشوفها عينى
و هى خايفة برضه يا عينى
و خوفنا قال بيه بندارى .. حاجات كتير أصلا باينة

دى حكاية مليانة بعـجـايـب
بنـبـان كـأن حــبــنـا غـايـب
و اللى يشوف نظرات عنينا
ميقولش عنهم غير حبايب

هى دى حكايتى و حكايتها
و الله أعــلــم ايـــه اخـرتـهــا
مين هيضعف فيـنا الاول
و بـكلـمة منه تكون بدايتها

وساعات اشوفها قصادى ماشية .. الاقينى بدوَّر وشى فـ ثـانيـة
بـكون بـاصص انـا فـى ناحيـة .. و هى باصة الناحية فى التانية
أصلى خايف تشوفها عينى
و هى خايفة برضه يا عينى
و خوفنا قال بيه بندارى .. حاجات كتير أصلا باينة

قاااااااالت هتبعد

هيا مش قالت هتبعد
وان فيه حد في حياتها اتشد ليها وحبته
وان حبي مرحلة
بتنسي بيها قلب خانها زمان وبيا نسيته

يبقي ليه بتسال عليا وعايزة تعرف عامل ايه
ولا هوه حبيبها خانها وعايزة قلبي تنسي بيه
ولا حاسة اني اتظلمت ده شئ بعيد تحس بيه

هيا اكتر واحدة عارفة
قد ايه الغدر يوجع اي قلب نجرحه
ورغم ده جرحتلي قلبي
بكل جرأة قاللتي قلبك بقي غيرك مطرحه

يبقي ليه بتسال عليا وعايزة تعرف عامل ايه
ولا هوه حبيبها خانها وعايزة قلبي تنسي بيه
ولا حاسة اني اتظلمت ده شئ بعيد تحس بيه

قولوا ليها ان سؤالها
مش هيمنع قلبي ينسي قد ايه هوه اتظلم
وانها لو عايزة تعرف
حالي قولوا ليها تهدي محدش مات م الالم

يبقي ليه بتسال عليا وعايزة تعرف عامل ايه
ولا هوه حبيبها خانها وعايزة قلبي تنسي بيه
ولا حاسة اني اتظلمت ده شئ بعيد تحس بيه

ياااا عالذكريااااااااات

وبضحكة هادية .. قالتلى كلمـة عمرى ما أنساها
قالتلى عاشقـة .. وحياتى جنبـك عيشاها

ورسمت قلبين .. وكتبت اسمى واسمها
وبقينا ناسييـن .. الدنيا وروحنا نفسها

وغمضت عنيا .. وضميتها ليا .. وسمعت صوت دقات قلبها
والوقـت عـدى .. وفى حضنى لسه .. ونفسى أفضل كده جنبهـا

ياه .. عـ الذكريات لما تصحـى
حبايب رحلـوا بس لسـه
فى قلوبنا عايشين .. ولو فاتت سنين
هنفضل فاكرينهم ولا ننسى

وبضحكـة هادية .. قالتلى وهيـا بتحلم وتتمنى
لو اتفارقنا .. هستناك حبيبى ف الجنـة

وقربت خطوتين .. وخدتنى جوه حضنها
وغمضت العين .. وسكـت جواها نبضها

وجريت عليها .. أبص ف عنيها .. يمكن أحس فيها بالحيـاة
جاوبنى سكوت ..سرقها المـوت .. وبأعلى صوتى قلـت لا

ياه .. عـ الذكريات لما تصحـى
حبايب رحلـوا بس لسـه
فى قلوبنا عايشين .. ولو فاتت سنين
هنفضل فاكرينهم ولا ننسى

و اتفقنا

م انهاردة احنا اتفقنا .. و اتفاقنا كان فراقنا
كل واحد فينا راضى
و اللى اصعب م الفراق .. إن في بينا اتفاق
لو قابلته اضحكله عادى

و الغريبة إن إحنا دايما نختلف .. و اتفقنا كل واحد فينا يمشي من طريق
و انهاردة قلبي قرر يعترف .. إنه بعد فراق حبيبه هيموت بالبطيء
بس كان لازم هنرضي بالفراق .. صعب جدا بينا يحصل يوم تفاهم
ايوه ده في حياتي اصعب اتفاق .. و أما قلت انا بكرة هانسي كنت واهم

م انهاردة احنا اتفقنا .. و اتفاقنا كان فراقنا
كل واحد فينا راضى
و اللى اصعب م الفراق .. إن في بينا اتفاق
لو قابلته اضحكله عادى

سيبت ايده و ساب ايديا .. و ابتديت و بعدت خطوة واحدة عنه
نفسي لو يفضل شويه .. كل ما ابعد قلبي بيقربني منه
ايده كانت حاضنة ايدي وقتها .. و القلب بيعاند و نفسه يعيش معاه
نزلت دموعي وغصب عني مسحتها..و أهو كل واحد فينا ماشى في اتجاه

م انهاردة احنا اتفقنا .. و اتفاقنا كان فراقنا
كل واحد فينا راضى
و اللى اصعب م الفراق .. إن في بينا اتفاق
لو قابلته اضحكله عادى

MY NAME IS OSAMA

فكرة حلوة
بس ده هيكون للأشعااااااااار والكتابة

معنى كدة انك مش هتكتب غير للمواضيع دى بس
يعنى المفروض يبقى عندك نظرة على كل المواضيع
من غير ماتثبت فى موضوع واحد بس

بس بجد فكرتك حلوة

اكيد طبعا دي للاغاني والاشعار بس

اما بالنسبه للاقسام والمواضيع التانيه هيبقي ليها مواضيع جديده

وشكرا علي ردك وملاحطاتك

تم اضافه

خايف لأحبك

.........

فكرتك جامد يااسامة ومواضيعك بجد عجبانى اوى

ميرسي جدا يا همس

وانتي كمان مواضيعك رائعه جدا

بجد دماغك حلوه اوي وافكارك جميله جدا

ميرسي جدا ليكي يا هديل

فكرة حلوة والله ياباشا مع ان انا ف رأيي ان معظم اللى بيدخل اكيد مبيقراش كللللللل الاشعار دى لانها كبيرة اوى

فخلى كل حاجة لوحدها احسن بحيث تدى فرصة لكل الاعضاء يقرزها ويردوولد عليها ويقولوا رأيهم ف كل شعر منفرد لوحده

ع العموم فكرتك مش وحشة بردو وكلامك فى منتهى الروعة

متشكر جدا يا ميشو

واحترم رأيك

تم اضافه

بعدت عنه

........

............