Shabab Rayek


 
الرئيسيةالبوابةالتسجيلدخول

شاطر | 
 

 اهلا بك مجروحا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
THE GHOST
عضو خاربها
عضو خاربها
avatar

عدد الرسائل : 714
العمر : 26
تاريخ التسجيل : 14/09/2008

مُساهمةموضوع: اهلا بك مجروحا   الثلاثاء نوفمبر 25, 2008 2:01 pm

ممممم ... انجرحت ؟ و قلبك انكسر ؟ .. ماتخفش مش هايروح هدر
و بعدين انت كدة حبيبى ، و اخويا ، وصاحبى ، و كفاءة
ألف مبروك .. بهنيك من كل كل قلبى
انتى يابنى الدنيا بتديلِك فرصة عمرك عشان تدخلها من أوسع أبوابها
عشان تفهمها صح .. و تمشى فيها صح
و صدقنى أوعى تضيع الفرصة دى من ايديك .. انت بتمر بأهم تجربة
انسانية فى حياة البنى آدم .. بعد تجربة ولادته ... لأن اللى انت فيه ده أصلا ولادة تانية
وبجد من رأيى _ المتواضع و الشخصى _ ان الانسان اللى مانجرحش فى حبه و ماداقش طعم الألم و لا عاش الأيام دى ... بعتبره انسان .. ماشفش الدنيا
و لا عاشها أو إنسان عايش شايف نص الحقيقة بس و أتحرم من تجربة مفيدة جدا
ما علينا ...ده مجرد رأى ... نرجع لموضوعك
انت دلوقتى هتبدأ تشوف كل حاجة بعين تانية ... طبعا ده بعد ماتتعب حبيتين قول تلاتة أربعة.. و بعد ماشفت كل حاجة سودا ... بس عادى.... مش مهم .. و لايهمِّك
ربك بيزيح .. و كله حـ يبقى تمام و عال العال.. و متخافش كله بيعدى
الألم و الحزن و الضلمة و اليأس .. حتى جرحك ده
هتشفى منه .. و ف اليوم اللى هاتشفى منه و تقوم لنا بالسلامة ... هتلاقى عقلك صافييييييييييي و قلبك مرتاااااااح و بالك رايييق .. قمة السلام النفسى و الهدوء والصفاء
تبدأ بقى تفكر فى مستقبلك _ مش باقيلك غيره _ بتركيز و جدية أكتر و بواقعية و ده المهم
و هاتشوف حاجات جميلة أوى ماكنش عندك وقت تشوفها قبل كدة
آه .. شايف فى عينيك كلام ... اتكلم .. و للا اقولك .. انا عارف عايز تقولى ايه.. آهو .. باين فى عينك
عايز تقولى انك برضو لمّا كنت بتحب كنت بتفكر فى مستقبلك .. و بتشوف كل الحاجات حلوة
صح يا معلم انا معاك ... بس انت ساعتها كنت بتفكر فى مستقبلك عشان حبيبتك اللى هيّه أصلا كنت شايفها مستقبلك
كنت آه بتفكر تكون حاجة .. عشان تكون ليها و تكون ليك .. دلوقتى انت بتفكر فى مستقبلك ..عشانك ... تفرق كتير .. و هتشوف
بتفكر بمنطق الظروف اللى حواليك .. مش بأمانى فى أحلامك... بتحسبها بواقعية و عقل
مش بعواطف و قلب
أمّا بقى الحاجات اللى كنت شايفها حلوّة .. ف انت كنت شايفها حلوة كدة و خلاص.. من غير أسباب
السبب الوحيد انك بتحب ... وكنت بتبقى سعيد وفرحان بس برضو من غير تفسير .. و التفسير الوحيد
انك كنت عايش فى حلم _ بكل معنى الكلمة _ حلم من صنع خيالك و قلبك .. و من الطبيعى انك تكون سعيد فى حلم انت صنعته
لكن بقى دلوقتى ...ممممم ...يا سلام .. حاجة تانية يابنى
صحيت من النوم و اخدت دش بارد فوقك و رجليك لامسة الأرض و عينيك شايفة الدنيا بألوانها الطبيعية
بعد ماخلعت نضارة الحب الوردية .. اللى كانت مخلياك شايف كل حاجة بمبى .. بمبى .. على رأى سعاد حسنى
الله يرحمها
دلوقتى بتفكر .. و بتخطط لمستقبلك .. صح
دلوقتى بتشوف الحاجات الحلوة .. حلوة .. و عارف ليه هيّة حلوة
و بتشوف الحاجات الوحشة .. وحشة ... مش برضو حلوة .. زى زمان
دلوقتى انت بتفرح و عارف ليه فرحان
و ممكن تحزن و تبكى ..بس برضو بتبقى عارف ليه ... و المهم انك بتعمل ده على حاجة أكيد تستاهل
ها مش ليا حق أقولك مبروك ... على كل حال فكر فى كلامى و ابقى تعالالى
هنا نتكلم هتلاقينى مستنيك .. فى نفس المكان .. بستقبل المجروحين الجدد .. اقولهم
نفس الكلام ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اهلا بك مجروحا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Shabab Rayek :: المنتدى الرومانسى :: فضفضــــــــه-
انتقل الى: