سؤال لكل شخص فى المنتدى !

حبيت أطرح عليكم السؤال ده يا جماعه لإنى بجد إحترت فى الإجابه بتاعتوا

هو جرح الحبيب ولا جرح الناس اللى بيأثر فى الواحد؟

مستنى منكم الأراء

بص يامعتز طبعا انا سعيدة جدا لانى اول واحدة اردلك ع السؤال

بس بيتهيالى ان جرح الحبيب اصعب من جرح الناس بس ده موش متاكدة منه لانى مش جربت جرح الحبيب دى الحمد لله طبعا لسه لكن جربت حكاية جرح الناس دى وهو ده اللى انا شايفاه

بجد انا مبسوط إنك اول واحده يا نونا رديتى و مستنى الردود

اسال مجرب ولا تسالش دكتور
اكيد طبعا جرح الحبيب اكبر بكتييييييييييير من جرح الناس
لان الناس لو عمل المستحيل مش هتعجبهم برضو ولو عجبت شويه هتلاقى الباقى مش عاجبهم
لكن جرح الحبيب عامل زى المووووت كده
لما تحس انك مالك الدنيا وفجأه تروح منك كل حاجه وميفضلش ليك غير الجراح
وتقعد تعيط يا ولداه

ههههههههههههههههههههه
يا اسفاه
تسلملى على الرد يا جيمس

أكيد جرح الحبيب هواللى بيأثر أكتر
علشان الواحد مابيحسش بالجرح غير من شخص غالى عليه انما من حد عادى فده مابيأثرش كتير

ميرسى يا ملوكه على الرد اللى نورتى بيه الموضوع

ومفيش ميرسى ياميشو اخص

ياباشا إنت عارف
إنت اللى فى القلب والله يا حبى

بس انا من رايى ممكن تكسب كذا حبيب لكن مش ممكن تكسب الناس كلهم و حرج الناس بيبقى أشد عندى لكن حبيبى ممكن يجرحنى أى نعم أنا هزعل بس بجد لما ألاقى كل اللى حوليا جرحونى اصعب من إن واحد يجرحك
ده رأى يا جماعه

انا معاك والله ياميزو وكنت هقول كده لما تتجرح من حد بتحبه وتتفاجأ بانه مش حبك بيبقا ناتج عن اختيار غلط
انما تكون بتثق فى ناسك واهلك وتعيش طول عمرك مخلصلهم وبعدين يجرحوك ده بيبقا اصعب وزى ماقولت ياميزو
ان لما واحد يجرحك هتووجع اه بس هتعرف ان ده كان غلط منك فى اختيارك وانت متحمل مسؤليته
انما لما الناس تجرحك ده مش غلط منك انت ده غلط من الظروف ومن المجتمع اللى فرض عليك الناس دول علشان تحبهم
وموضوع جامد اخر حاجه وربنا ياميزو

ميرسى ليكى يا سيما

الا ياناس جرح الحبيب مايتنسيش
هو اكيد جرح الحبيب بياثر فى الطرف التانى وجرح الناس ماهى الناس اصلا مش عندها غير تجرح فى الى حواليها كل سوم تقريبا هيكونو اتعودو اصلا فمش هيتأثروا
موضوع حلو يامعتز

بس يا هموسه لما تتجرحى من واحد و لا لما تتجرحى من الناس؟
انا برضه محترم وجهة نظرك

لا من واحد يامعتز طبعا لان كصديقة او حبيب كل واحد فيهم المفروض انه بالنسبالك اقرب الناس ليك فلما تنجرح منه بتبقى حاجة صعبة اوى

انا محتار

يعنى لما صديقك الى انت معتبره اعز الناس او حبيبتك الى انت معتبرها اقرب وحدة ليك لو جرحوك مش هيبقى اكيد صعب عليك انا عن نفسى
دول بجد اكبر حاجة تجرح فيا

فعلا انا متفق مع كل كلامك انتوا بصراحه خلصتوا علي كل الكلام اللي انا عاوز اقوله بس بجد موضوع كويس

ميرسى ليكى يا هايدى
و إشطه عليك يابسيونى

الله عليك يا اوس اوس حتى فى الردود بتكتب أشعار تسلم يا باشا و بجد صحيح عندك حق

جرح الصديقة بجد عرفت دلوقتى انه اكبر بكتير لما كنت بجاوب عليك فى الاول يامعتز
اعتقد يمكن الصديق او الصديقة بيبقى اقوى من حبيب او حبيبة

بص يا معتز جرح الاصدقاء عادى هيعدى انما اما جرح الناس شوف بقى الناس كلها ولا واحد دا المنطق

بس الى بيحس بجد بيبقى جرح الصديق هو الى اكتر عنده لان انا واحد من الناس مش يهمنى نظرت الناس فيا
انا يهمنى نظرة صحابى واهلى

ينهااااااار يا جماعه يعنى انا الأول عمال أقول الناس او الصديق أقوى لحد مأقنعنوى إنو الحبيب أقوى تجولى إنتوا دلوقتى و تقولوالى الصديق

بس بجد انا محترم وجهة نظرك يا هموسه و إنتى يا يا مؤمن

حلو انتى يا مؤمن دى يا وزا ماشى

بقى بتبعنى النهارد وان اتهرى عينى عينك ماشى يا وزا

مينفعش أتهرى زيك إنت تستحمل انا لا .................... !

من الاخر ملخص الكلام ده كله وده رأيي ان جرح الصديق اشد جرح وبيبقي صعب جدا.
وجرح الحبيب لما يكون في حب بجد بيبقي صعب والفراق ده اصعب حاجة.
انما جرح الناس عادي لانك مش هتعرف كل الناس ومش هتكسب الناس كلها انما انت بتختار مجموعة تبقي دي سندك في الحياة ناس يفيدوك وتفيدهم.
انما واحد مش تعرفه او مش ليك بيه علاقة قوي عمل معاك موقف انت مش بيهمك لانك مش بتفكر في انك تتعاطف معاه في ردك ليه.

جرح الناس بيخلص أوام اوام ويمر ... إنما جرح الحبيب بيفضل طوووووول العمر

لا يامعتز انا مقولتش ان جرح الحبيب اقوى
بس لما جربت انى صديقتى الى بعتبرها اغلى حاجة عندى احس ان هى دلوقتى حاجة تانية
فبجد دة اصعب حاجة ولما حصل كدة وحسيت احساس صعب اوى فبقول رايى دلوقتى

لا يامعتز انا مقولتش ان جرح الحبيب اقوى
بس لما جربت انى صديقتى الى بعتبرها اغلى حاجة عندى احس ان هى دلوقتى حاجة تانية
فبجد دة اصعب حاجة ولما حصل كدة وحسيت احساس صعب اوى فبقول رايى دلوقتى
_________________

انا نفسى مش شايفة اللون الازرق دة ههههههههههه غيرته بدل ماتدعى عليا

ايوة عندك حق يا ويسو الجرح ده بيبقى صعب اوى
لان ده هو اللى انا حساه