Shabab Rayek


 
الرئيسيةالبوابةالتسجيلدخول

شاطر | 
 

 الصلاة ورمضان واللى انت عايز تعمله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed sokary
عضو بيقول يا مسهل
عضو بيقول يا مسهل
avatar

عدد الرسائل : 499
العمر : 26
تاريخ التسجيل : 19/09/2008

مُساهمةموضوع: الصلاة ورمضان واللى انت عايز تعمله   الثلاثاء أغسطس 11, 2009 5:03 am

بسم الله الرحمن الرحيم
يا جماعة انا عايز اتكلم ف موضوع مهم جدا جدا جدا لو هاقول من هنا لبكرة مش هيكفى والموضوع دة يا جماعة ولا منقول ولا كتبه كده وخلاص انا كتبه بجد لانى حسيته وحسيت ان هو موضوع مهم اوى اللى انا عايز اقوله ان فيه ناس مش بتصلى طول السنه ويجى شهر رمضان تلاقيها قلبت الشيخ الشعراوى طب ده طبعا غلط لو على الاقل من وجهة نظرى انا يعنى مثلا انا واحد من الناس ودى حقيقة بجد مكنتش بصلى ولا ف الايام العادية ولا ف رمضان ولو كنت بصلى ف رمضان كنت بصلى الفجر اول يوم بس ومش بكمل باقى الفروض ويمكن السبب فى ده انى مقتنع بحاجة ان انت لما تصلى يبقى بيتصلى لربنا وربنا موجود طول السنة مش بيجى مع رمضان يعنى صلى علطول انت هتصلى لربنا مش لشهر رمضان الكريم هو اه شهر رمضان ف عبادة زيادة بس دى مبتكنش ف الفروض الخمسة دى بتكون نوافل زى صلاة التراويح مثلا فعشان كده يمكن انا مكنتش بصلى خالص وانا مش مكسوف من كده على فكرة بس الحمد لله انا ابتديت اصلى اه مش بانتظام والفروض مش فى مواعيدها بس انا عايز اثبت نفسى على الصلاة الاول فى مثلا واحد يجى يقولك انا بشرب سجاير ومش هاينفع اصلى لا قوله ينفع تصلى وصلى واشرب سجاير بس اهم حاجة التزم ف الصلاة وثبت نفسك عليها انا عارف ان انتوا استغربتوا دلوقتى بس انا بقول ان لما الانسان ده يواظب على الصلاة هيرتاح جدا وهبعرف ان الصلاة دى حاجة مريحة وكويسة جدا ف نفس الوقت هيعرف ان السجاير دى وحشة جدا جدا انا قلت كده ليه عشان انت لو قلت صلى ومتشربش سجاير خالص يبقى انت كده بتكرهه ف الصلاة لان السجاير دى حاجة متعود عليها قا ده اللى انا عاوز اوصلهولكوا يا جماعة انا نفسى اواظب على الصلاة فبليكوا كلكلوا بس ف نفس الةقت انا عايز اللى مش بيصلى منكوا يعمل زى ما انا ما عملت ومش هيخسر والله ده هيكسب كتير جدا جدا واهم حاجة ان النية تكون من جواكوا انكوا عايزين تصلوا بجد وعايزين تصلوا لله فيه واحد ممكن يقول لا انا هصلى ف رمضان بس ومش هسيب فرض طب ده يبقى شئ جميل لانه طول شهر رمضان هيفضل يصلى يبقى كده هيتعود على الصلاة لانه بقاله شهر بيصلى
وانا اسف انى طولت عليكم بس معلش الموضوع مهم جدا جدا جدا يا جماعة.

_________________


فاكس كله ف البلالا
الحياة دى امبليس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shaw2y
المديـــــــر العام
المديـــــــر العام
avatar

عدد الرسائل : 2502
العمر : 26
تاريخ التسجيل : 03/10/2008

مُساهمةموضوع: رد: الصلاة ورمضان واللى انت عايز تعمله   الثلاثاء أغسطس 11, 2009 7:33 am

انا متفق معاك تماما ومقتنع كمان باللى قولته واتمنى انى مش اصلى فى رمضان بس

لا فى كل السنه و ادعيلى ربنا يهدينى يا سكر

انا حبيت اعلق ع نقطه رفنوعه كدا انت اتكلمت عن الصلاه فى رمضان وبننفض بقية السنه وكدا

دى حقيقه بس فى نفس الوقت مش حاجه وحشه

لانها مش زى ما انت قولت اننا بنصلى عشان دا شهر رمضان وبس لا

الشهر دا ليه قدسيه خاصه عندنا كمسلمين وبمعنى تانى احنا بنكون متفرغين للعباده باكبر وقت ممكن فى رمضان انا واحد من الناس مش بصلى , بس فى رمضان بتلاقينى بصلى فروضى وتراويح وبنزل اصلى تهجد كمان

تفتكر كل دا عشان بس انا فى شهر رمضان افتكر معنى دا انى بستغل وقتى فى رمضان كله انى اتقرب من ربنا واحاول اعوض اللى فاتنى

واتمنى ان كلنا يواظب ع الصلاه فى رمضان وفى كل السنه

وبجد موضوع مهم جدا زى ما قولت وتسلم ايدك ع التوبيك الجامد يا سكر

_________________


بننجرح كل يوم ( يا منير ) لكن بيفرحنا، ان انت جوا القلب ساكن فى افراحنا ( بصوتك و حسك ) ، وانت الامل فى العيون
والنشوة ساعة الجنون ( في الحفلات )
واياك تكون زيهم ( لا للأعتزال ) وتروح وتجرحنا ( كل المنايرة )
وتروح وتجرحنا ( كل المنايرة )
دا انت والوحيد منهم تقدر تريحنا ( لأنك مننا و احنا منك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زقرمه
عضو خاربها
عضو خاربها
avatar

عدد الرسائل : 741
العمر : 27
تاريخ التسجيل : 16/02/2009

مُساهمةموضوع: رد: الصلاة ورمضان واللى انت عايز تعمله   الثلاثاء أغسطس 11, 2009 8:55 am

انا معاكو بس عاوزة اقول حاجه لا حجتين اولا

عادى لو صليت وانت بتشرب سجاير ربنا هيحسبك على صلاتك دى مش معنى انك تقول انا بشرب سجاير ازاى اصلى ربنا مش هيحسبلى صلاتى لا ربنا هيحسبك عليها هيديك حسنتها وهيديك سيات السجاير بردو بس دى حساب ودة حساب المهم انك تصلى

الجاجه التانيه انت لو مش بتصلى طول السنه ويجى رمضان وتقول هصلى ليه مانا مبصليش اصلا ومتصليش فى رمضان تعرف ان مبيتحسبلك صيامك خالص يعنى انت لو مبتصليش اصلا صلى فى رمضان وجرب ووالله هتتعود على الصلاة بعد ما رمضان يخلص وهتفضل تصلى واكيد مش با انتظام بس هتصلى

وياريت يبقى رمضان دى احلى رمضان بنسبلنا كلنا ونصلى فيه بجد ونقرا قران كمان وهنفضل نصلى على طول وربنا يغفرلنا كل زنوبنا واخطائنا امين يارب العالمين

مرسيي يا سكرى على الموضوع الجامد ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohamed sokary
عضو بيقول يا مسهل
عضو بيقول يا مسهل
avatar

عدد الرسائل : 499
العمر : 26
تاريخ التسجيل : 19/09/2008

مُساهمةموضوع: رد: الصلاة ورمضان واللى انت عايز تعمله   الثلاثاء أغسطس 11, 2009 12:19 pm

اولا يا شوقى انا قولت الحته دية ان رمضان شهر المفروض ليه عبادة اكتر بس مثلا انت بتصلى ف رمضان وبتصلى تهجد كمان طب ده حاجة كويسة جدا بس بعد رمضان بتعمل ايه بترجع تانى زى الاول مع انك المفروض تكون اتعودت على الصلاة بس مش عارف ايه اللى بيحصل انا مش بقولك اللى النقطة اللى انت قولتها غلط لا بس بقول انا من النوع اللى لو مصلتش طول السنة مش بعرف اصلى ف رمضان دى النقطة اللى عايز اوصلها ان مينفعش حد يقولك انا هاصلى بقى عشان شهر رمضان والتقوى بقى ومش عارف ايه انا من وجهة نظرى ده غلط منطقيا.

النقطة الاولى بتاعتك يا زقرمة هى صح بس لما تكون سيائتك اكتر من حسناتك تبقى حاجة وحشة وبعدين انا قلت فيه ناس بيتقول كده وانا قلت عادى يصلى بس يحاول يواظب على الصلاة لانه لو عمل كده هيبطل سجاير .

النقطة التانية انا مش هاقدر اقولك فيها اى حاجة خالص بس كل اللى اقدر اقوله انى بدعى ربنا يغفرلى كل اللى عملته ويتقبل منى كل صيامى اللى قبل كده

_________________


فاكس كله ف البلالا
الحياة دى امبليس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زقرمه
عضو خاربها
عضو خاربها
avatar

عدد الرسائل : 741
العمر : 27
تاريخ التسجيل : 16/02/2009

مُساهمةموضوع: رد: الصلاة ورمضان واللى انت عايز تعمله   الثلاثاء أغسطس 11, 2009 3:09 pm

باذن الله هيتقبل منك لانك مكنتش تعرف بس اديك عرفت يا عم واظب بقى على الطلاة وحاول تقرا قران حتى لو اى صورة فى اليوم بعد العصر بيبقى فى وقت كتير فاضى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الصلاة ورمضان واللى انت عايز تعمله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Shabab Rayek :: كافيــــه شبابـــى :: كلام فــــــــــى كلام-
انتقل الى: