ايه اغرب حلم حلمته؟؟؟؟؟؟؟

بصى يادودى الموضوع جنان وربنا
وانا بقا ليا مغامرات كتير فى حكاية الاحلام دى هههههههههههههههه
وقصص اجرامية وحاجات كده

بس عاوزة حد يشوفلنه فى الدين الاول حرام نحكى الاحلام ولا لاء
علشان انا سمعت من واحده ان حرام اللى حلمتى بيه يتحكى فياريت الاقى رد على سؤالى
ولو مش حرام هغرقلكو المنتدى احلام

أنا من وجهة نظرى انه مش حرام لأن سيدنا يوسف كان بيفسر الأحلام ولا ايه

الموضوع شدددددددديد والله يا دودى بس ع فكره الاحلام مش حرام خالص ومكان ف شيوخ بيفسروا الاحلام ايه مش بتسمعوا الشيخ سيد هههههههههه

الشيخ سيد ايه يايويو صلى ع النبى هههههههههههه
عليه افضل الصلاة والسلام

ابتدى بقا باول حلم
هو حلم يخنق بس يلا نحكى وخلاص
الشقه بتاعتنا مفيهاش غيرى انا وماما
فانا وماما طلعنه فوق لجرنا اللى فوقينا نقعد معاهم يعنى زيارة وهننزل شقتنا تانى كنا بليل يعنى تسعه مثلا
المهم واحنا قاعديين عندهم فوق سمعنا صوت حد بيخبط على باب المدخل من تحت
فانا بقا صغيرة فقلولى انزلى شوفى مين ياياسمين وتعالى قوللنا علشان ننزل نفتحله لان الباب بيبقى مقفول بالمفتاح وانا عادى مكنش فيا حته الخوف دى
المهم قولتلهم ماشى ونزلت بقول مين محدش رد انا افتكرته مشى المهم فى حته كده بين الدرفتين بتوع الباب بتبين اللى برا المهم انا بصيت من الحته دى لاقيت واحد مرمى فى الارض ومقتول بسكينة والسكينة جنبه المهم طلعت مفزوعة بس مش طلعت على شقه جيرنا طلعت على شقتنا ودخلت اوضتى المهم لاقيت اشرب ماما محطوط ع السرير ومتغرق دم
طلعتلها فوق وحكتلها على كله قالتلى طب استنى وخدنا المفتاح ونزلنا تحت وفتحنا المدخل وملاقيناش حد
وبعدها طلعت انا وهى عندنا علشان نشوف الاشرب بتاع ماما لاقيناه محطوط بنفس الحطه ومش عليه اى حاجه
طبعا هى قالتلى دى كلها تهيؤات


















وبعد كده صحيت من النوم وانا مرعوبة

احب اقول لياسمين بس اتغطى وانتى نايمة مش هتشوفى الفيلم الرعب اللى حكتية دة هههههههههههههههههه انا بقى حلمت انى كنت واقفة فوق سطح الاستاذ حسن سليمان وسمعت اصوات غريبة قووووووووى بصيت ورايا لقيت بالصلاة ع النبى بتاع الف تعبان جايين عليا وكان معايا كلب ومش عارفة الكلب دة جة منين لقيتة قاعد يدافع عنى ويمشى التعابين من حوليا وانا عمالة اصوت وبصيت من البلكونة لقيت فى الشارع واحد اسمة عبداللة واحد معرفة يعنى معايا يا هايدى المهم قعدت اقول الحقنى يا عبداللة هو الاول كان جاى ينقذنى بس لما قلت الحقنى تعابين لقيتة طلع يجرى واختفى ههههههههههههههههه المهم الكلب دة موت اكبر قدر ممكن من التعابين والباقى اتعشوا بيا وبالكلب انا سالت عن الحلم دة من مصدر موثوق منة قالةلى التعابين فى الحلم يعنى الاعداء وانا بردة هتغطى وانا نايمة

طبعا الكلب ده يا نور انا عارفه
وانتى كمان عارفاها
يا ترى هو مين ؟؟؟؟؟؟

هههههههههههههههههههههه بس ياترى الكلاب فى الحلم وحش ولا حلو مش عارفة بصراحة مين الكلب اللى بينقذنى ومين اعدائى اصلا بصى يا هايدى انا مش هتغطى انا مش هنام اصلا ههههههههههههه

اغرب حاجه انه فيه احلام كتيره اوى كنت بحملها وانا صغير ودلوقتى بجد اغبيتها بتتحقق وبحاول افتكر الحلم مستحيل

عجيانى فكره الموضوع موووووووووت يا هايدى بصوا انا هحكيلكوا حاجه كدا هيه اللى خليتنى احلم الحلم دا انا علشان مش عندى اخوات فبحاول اجيب اى حاجه اريبها يعنى جبت سمك زينه وقطط وحاجات كدا المهم جبت ف مره عصافير زينه واحد ولد وواحده بنت وكنت بحطهم ف الجنينه فمره نسيت الباب بتاع القفص مفتوح وانا بحطلهم الاكل والولد طار والبنت فضلت ف الجنينه علشان جناحها ضعيف ومش عارفه تطير روحت جبت ولد تانى قعدوا ياكلو ف الباب البلاستيك وبرضه الولد طار والبنت هيه اللى فضلت المهم زعلت مووووووووت وماما راحت رجعت العصفوره البنت اليوم دا انا نمت معيطه فحلمت بقى >>>>>>>>>>> انى كنت قاعده انا وماما ف الجنينه وفجأه لاقيت العصافير بتاعتى جاير تطيروفرحانه وعماله تغنى ففرحت واخدتهم وقولت لماما عصافيرى اهيه وكدا انا هاخدهم تانى واحطهم ف القفص لاقيت العصافير زعلانه فماما قالتلى شوفتى العصافير زعلت ازاى سيبيهم هما كدا فرحانين وهيبقو ف الجنينه بس مش تحبيسيهم علشان ربنا خالقهم حرين <<<<<<<<< وكأن ربنا خلانى احلم الحلم دا علشان مزعلش

ربنا يرجعهملك بالسلامة يا اية وانشاء اللة يجيلك عصافير احلى منهم بس حقيقة مش حلم

بصراحة انا بحيكى يا هايدى على الفكرة الجديدة دى
انا بقى اغرب حلم حلمته فى حياتى

ان انا كنت عند بيت جدى وبعدين لقيت فى ناس غريبة هناك زى مايكون ضيوف
بس قاعدين معاهم كدة يومين
المهم دخلت وقعد على الكنبة
بس لقيت على المسند اللى على الكنبة حد كاتب عليه كلام
الاسم :
المهنة :
_____ :
_____ :

كان ادام خانة الاسم مكتوب اسم واحد بس مقدرش اقوله
والمهنه كانت مكتوبة بردوا

وبعديهم كلام بس مش فاكراه وادامه أرقام
وبعدين بعد ماقريتهم
ببص يمينى لقيت حد طالع من جوه يعنى فى الحلم افتكرته هو الشخص اللى كاتب الكلام ده
كان تقريبا شاب بس فى سن 16 أو 17 سنه مش اكتر
بس للأسف مش فاكرة شكله خااااااااااالص
كل اللى فاكراه انه كان طويل ورفيع شوية بس

وصحيت من النوم
وقلت خير اللهم يجعله خير

وياريت لوو حد يعرف تفسير الحلم يقولهولى
لأنى حلمت بيه من سنتين ولسة فاكراه لحد دلوقتى

انتى ايه اللى خلاكى تفتحى الموضوع ده انا كده مش هعرف انا الله يخربيتك
ههههههههههههههههه

ههههههههههههههههههههههههه
انا عاوزة اعرف اسم مين ياملاك

الاسم كان موجود يا سمسمة ولحد دلوقتى فاكراه بس معرفهوش
وكمان سئلت كل اللى اعرفهم عن الاسم ده وبردوا ماعرفهوش
بس انا لو كنت عارفة مين صاحب الاسم ماكنتش حكيت الحلم ولا ايه