بولولوم

صباح الانوار عليكو ويومنا عسل ان شاء الله


طبعا الكل يعرف فيلم اسماعيل ياسين فى الاسطول و شخصية العسكرى رجب الشهيرة و اللى باختصار شديد بتجسد دور العسكرى قليل المخ و العقل فى اطار كوميدى اخر حاجة

العسكرى رجب ضعيف الحيلة و الفهم و دماغه على قده ولما يجى الشاويش عطية يسأله ( انت شغلتك على المدفع ايه)

يرد العسكرى رجب بمنتهى الثقة و يقول بللم ايوة بولولوم


طيب تسألنى ايه علاقة الكلام ده بالحياه اللى احنا عايشينها ... ارد وأقوللك

ياراجل ؟؟!

طب خد عندك

مسئول شغلته انه ينظم البلد ويراعى مصالح الناس ..... ورغم كده عمرها ما كانت منظمه ... ده يبقى عسكرى رجب ولا لاء ؟

واحد مشهور ومش بيهمه منظره ومقضيها مشاكل فى الشارع مع الناس .. ده يبقى عسكرى رجب

واحد محتار و بيشتغل مائة وظيفة تتناقض مع بعضها ويقولك انا محايد.......يبقى برضوا ده عسكرى رجب

رئيس نادى سابق يتسجن علشان مشاكله ورغم كده متغيرش ... .......ده العسكرى رجب بنفسه

شاب موهوب وعندو امكانيات ورغم كده مش محافظ على نفسه ومقضيها شيشه وخروجات ... هو بعينه بغباوته على رأى الشاويش عطيه

واحد صحابه بتحبه ويبيعهم علشان مصلحته ... ده بارضو عسكرى رجب

واحد بيكلم بنت وبيعلقها بيه لمجرد التسليه ... ده اكيد مخه على قده ويستحق لقب عسكرى رجب

بنت مش بتقدر الحب وبيهمها المظاهر والماديات ... ده غباء عسكرى رجب

واحد طول ما هو قاعد بيتكلم عن نفسه و موهبته اللى مفيش منها ........ده برضوا غرور عسكرى رجب

لاعيب كوره يسيب الاحتراف و اقوى دورى اجنبى و يلعب فى دورى هيسى بعدها ....ده يبقى عسكرى رجب و لا لأ

واحد اهلاوى فرحان فى الزمالك وميهموش المصلحه العامه ... ده برضوا عسكرى رجب وش

مدرب فريق يكسب بطل العالم وعندو لاعب خد افضل لاعب فى المباراه والماتش اللى بعدو ميلعبش .... عسكرى رجب اصلى

واحد بيحب عمرو دياب ومن كتر حبه فيه مش واخد باله ان شريط تامر جامد موووت وبيقول عكس كده .. اكيد ده عسكرى رجب محشش كمان

واحد عامل موضوع اسمه (يا عسكرى رجب شغلتك على المدفع بولولوم )...........ده عسكرى رجب اصلى


))))))

واحد عضو قرأ الموضوع ده و ما فهمش حاجة من الموضوع ده ........يبقى اكيد مخه على قده و عسكرى رجب

80
مليون بيشجعو و يحبو الناس اللى قلنا عليها دى يبقو تمانين مليون عسكرى رجب



بس خلاص خلص الموضوع اتمنى انه يكون كان خفيف و برضوا بيقول حاجة