لعبة المفتش كرومبو

اهلا بيكوا انا المفتش كورومبو ومعايا النهارده تلميذى سحس بومبو
النهارده انا موجود فى مدرسة الفشلة الضائعين عشان فى اجتماع مع الدكتور/سلامه حدوئه
صاحب كتاب** الخلطه السريه بين الملوخيه والتأليه **احم احم
وفى اثناء ماحنا بنتكلم فى مكتب سلامة حدوئة سمعنا صوت دوشه
وصويت وعيات
بصينا لقيت **حياه**بتاعه الكانتين وهى قاعده تصوت وتعيط وتقول
فلوس الكانتين اتسرقت
وعلى الفور رحت نازل عشان اعرف فيه ايه
قالت :انا كنت رايحه اشوف العربيه بتاعه البيبسى عشان ينزلوا الصناديق وكانت واقفه ادام باب المدرسة
رحت قفلت باب الكانتين بالقفل وسيبت الشباك بتاع الكانتين مفتوح
وقلت ل
**على حبهان**
ياخد باله من الكانتين لغايه اما اجى
وكان ساعتها واقف
**سيدقصرى **
بيدرب البغبغان بتاعه على الطيران على اول السلم الحلزونى
وكان برده ساعتها واقف
**اشرف بعجر**
عند الخزنه مع احمد فلاشه بيدفعوا المصاريف
حياه:الفلوس ضاعت يا كورومبو انا هروح فى داهيه يا عزيزى
كورومبو: ماتخفيش يا حياه هنشوف
ولما سألت الاول قال :انا كنت واقف اخلى بالى من الكانتين لغايه اما حياه تيجى بس كنت عاوز اتصل اوووى فرحت رايح الحمام متصل وجيت تانى
ولما سالت التانى قال :انا كنت اقف بدرب البغبغان بتاعى اللى بيتكلم ويسمع الكلام بتاعى وكنت احدفله ربع جنيه بعيد وهو يروح يجيبه شوفت بغبغانى بيسمع الكلام ازاى يا كوروميو
ولما سألت التالت قال :انا كنت واقف بدفع المصاريف انا واحمد فلاشه وبصيت لقيت حياه مشيت وكنت عاوز اجيب حاجه ساقعه عشان الجو حر اوى وقمت سايب الطابور بتاع الخزنه وحت واقف على البحر شويه عشان الجو حر اوووى

طبعا سحس بومبو عرف مين اللى سرق الفلوس
سحس :طبعا مفيش غير عابدين بياع البطاطا اللى واقف ادام المدرسة
كورومبو :طبعا غلط
بس انا خلاص عرفت مين اللى سرق
واحد من التلاته

على حبهان
سيد قصرى
اشرف بعجر
يا ترى مين كمان عر ف الحل

يا جماعة المفتش كرومبو وجه اعماله بعد كده الى كليتى كلية سياحة وفنادق مش عارف ليه هو اتصل بيا وقالى انا كل شغلى هيكون عندك ف الكلية يا سكرى وبعد كده حلقاته كلها هتكون ف كلية سياحة وفنادق جامعة حلوان احسن ناس ( قصدى ناس الجامعة طبعا)
الحلقة التانية
كرومبو ..... كرومبو .... مع المفتش كرومبوووو
كشكول محاضرات خالد اتسرق يا رجالة ... طبعا كلكم تابعتم الحلقة اللى فاتت لما حياة اتسرقت بس اللى حصل بعد كدة وانتوا متعرفوهوش ان انا سلمت اللى سرقها للظابط بتاع الامن واتسجن
وبعد كده واحد صاحبى ف كلية سياحة وفنادق عزمنى عندهم هناك...
وانا داخل الكلية لقيت زحمة وزيطة وناس كتير اوى متجمعة فى نص الكلة وفى واحد عمال يزعق ويصوت والناس عماله تهدى فيه ولما قربت عرفت ان الواحد دة اسمه خالد وكان واضح من كلامه ان كشكول المحاضرات بتاعه اتسرق لانه كان عمال يقول
كشكول المحاضرات بتاعى اةةةةةةةةة يا جدعان عليا النعمة دى مفيهاش هزار اللى خد الكشكول يطلعه احسنله بدل ما اقفلكم الكلية دى
حرام عليكوا دة مجهودى طول السنة يا .... يا ولاد ال ... ه!!!
واول ما شافنى قالى الحقنى يا كرومبو وهاتلى اللى سرق الكشكول زى ما جبت اللى سرق حياة والا هقول عليك مخبر للحريم وبس
طبعا الكلمة دى استفذتنى جدا وقررت انى اجيبله كشكوله وقررت انى اسأل تلاتة من اصحابة القريبين عشان اعرف منهم مين اللى سرق الكشكول
والتلاتة اصحابه هما ( حسين جمعة ) و ( احمد ممس ) و ( كريم حمدى ) ى
ولما سألت كريم عن الكشكول قالى :

وربنا ما اعرف حاجة عيب عليك يا كرومبو كشكول اية يا جدع اللى بتتكلم فيه
دة لو خالد كان شاكك فيا وربنا ما اعرفه تانى عيب عليك يا جدع

ولما سألت حسين قالى :
اةة مممم ايوة يا كرومبو خير دنتا لسة جايب اللى سرق حياة وماشية معاك زبادى يا معلم
رديت وقلتله : الله يخليك يا حسين بس قولى بقه تفتكر مين اللى سرق الكشكول
رد حسين وقالى : نعم ... ها .. كشكول مين !!
كشكول خالد يا حسين انت معرفتش ولا اية _
ها ... معرفتش !! معرفتش اية .. وخالد مين _
خالد صاحبك يا حسين كشكوله اتسرق ما تركز معايا شوية _
لا والله يا برنس معرفش حاجة عن خالد دة قصدى عن كشكول خالد يعنى وسلام بقه عشان ورايا مصلحة فى حوار جامد موت .. اشوف وشك على خيرت الله

ولما سألت احمد ممس قالى :
ههههههههههه هههههههههه هههههههههههه يا لهوى
هههههههههه بجد يا كرومبو كشكول الواد الطويل الاهبل دة اتسرق ههههههههههههههههههه
واستنيت لما خلص ضحك وسألته : تفتكر مين عمل كدة يا ممس ؟
رد قالى : والله يا كرومبو ابدا معرفش هههههههههههه بس انا ماليش دعوة بالحوار دة خالص دة حتى خالد خطه صغير جدا وفيه محاضرات كتير مبيكتبش فيها تاريخ المحاضرة وكمان انا عمرى ما شفت كشكوله ده اصلا يبقى هسرقه ازاى ؟.؟؟
اقولك حاجة انا اتوقع ان يكون هو اللى مخبى الكشكول وعمال يصوت فى وسط الكلية عشان يصعب على البنات ويسلفوه كشاكيلهم
هههههههههههههههههههههه كشكول خالد اتسرق
هههههههههههههههههههههه

يا ترى عرفتوا مين الى سرق الكشكول
بصراحة انا عرفت لو عرفتوا ابعتوا انتوا كمان قولوا الحل بسرعة وهقوكم الاجابة يوم الخميس اللى جاى ان شاء الله
مع تحيات المفتش كرومبو

ة****كرومبو ..... كرومبو .... مع المفتش كرومبوووو

انهارده حصلت حاجه غريبه جدااا فى محل البلايستيشن اللى تانيه سياحه كلها بتروح تلعب هناك بعد ماتخلص المحاضرات اللى وراها

بعد ما احمد ابراهيم الشهير ب (هيما دحه)و احمد شعبان الشهير ب(عسليه)وباسم (تهتهه)وعصام(بمبىوواجعنى جنبى) بعد ماخدوا فطارهم من البغل وشربوا الشاى من القهوه
راحوا البلايستيشن
واحمد ابراهيم المرادى قالهم انا عازمكوا ي رجاله وعصام مكنش راضى وعمال يقول يللوا عايز اروح علشان قرايبنا جم من البلد احمم احممممم

المهم

انه لما هيما دحه كان بيلاعب عصام وده كان اخر دور ليهم وطبعا عصام كان دايما بيكسب لانه كان دايما بيلعب بمنتخبنا الوطنى
مصر وتحيا مصر احممممم احمممممممممممم
كانوا طبعا بيلعبوا وهيما هو اللى هيدفع فى الاخر (مش عوايدو)ا
وكان هيما دحه حاطط وراه الفلوس اللى كان
بس حصلت حاجه غريبه وهو ان هيما هو اللى كسب المرادى وكسب 5_0


المهم جه يحاسب ملقاش الفلوس فعرف إنها إنسرقت وطبعاً زملائه كلهم كان معاهم فلوس وصعب نحدد مين إللى سرق

فاتصل بيا وقالى فلوسى إنسرقت يا كرومبو ولازم تلاقيهالى فوراً

فرحت أنا و سحس بومب

فسألت
الشهير بــ (عسليه ) اللى كان فى نفس الوقت بيلاعب باسم (تهتهه) : فقال أنا مسرقتش حاجه ومكنتش منتبه وانا بلعب مع الواد باسم ده وخسرت كمان وحل بعيد عنى بقى
فسألت
الشهير بــ (باسم تهتهه) : فقال ححححبيب قلبى أنا ممسرقتش حاجه هيما ده حبيبى ولا يمكن ااااسرقه ابداااا
فسألت
عصام الشهير بــ (بمبى وواجعنى جنبى) : ياعم انت ماشوفتش الكوره اللى لسه جيه فى العارضه دى بص وحياه ابوك والنبى لتبص
قولتلوا يا عصام ركز
قاللى انا مسرقتش حاجه فلوس ايه اللى اسرقها دى دانا ابن الاستاذ علام

ها عرفت مين إللى سرق يا سحس

طبعاً صاحب المحل

طبعاً سحس معرفش مين إللى سرق بس أنا عرفت لو انت كمان عرفت ابعت وقولنا الحل ايه وابقوا قابلونى لو كسبتوا حاجه